[المتزن]

في الويك اند الثالث , رحنا للعاصمة لندن ( ساعتين تقريباً بالقطار من هاستنق )

طبعاً أول ما رحنا , رحنا للهايد بارك ( يحاتسيك يابو محمد النجدي )

أول ما دخلنا الهايد بارك , والله ونشوف مظاهرة ( ضد إسرائيل وحربها على لبنان صيف 2006 الماضي ) وهذي صورة من المظاهرة :





بعدها دخلنا ورحنا لركن الخطباء ( وهو مكان لكل من يريد أن يقول شيئاً ( أي شيء ) وكل ساقط له لاقط

وكان فيه بكل جهة واحد يتكلم ( كل واحد يتكلم بموضوع اللي يتكلم بالسياسة عن إسرائيل واللي يتكلم عن الفلسفة وعلم النفس واللي يتكلم عن الإسلام يسبه طبعاً )

لكن اللي لفت نظري هالمملوح اللي بجنبهم . شوفوه بالصورة التالية :



طبعاً هو " يشحد " لكن بطريقة مهذبة .


بعدها رحنا لنهر التايمز وهذي صورة له :




وفي طريقنا لنهر التايمز , مرينا على متحف الشمع ( وكنا ناوين ندخله , لكن بعض خويانا سبقونا ودخلوه وهذي صورتين من الصور اللي التقطوها بالمتحف )



هالشخصيتين اللي بالصورة هي حسب علمي لبطلي فلم ( قراصنة البحر الكاريبي )





وختاماً وحنا راجعين للفندق في شارع إدجوار رود , شفت هالمباني وجازت لي بصراحة , شوفوها معي :




نكتفي بهالصور , ونتوقف هنا .

وأرجو أن تكونوا قد استمتعتم معي كما اسمتعتُ معكم ,,

وإلى لقاء قادم في رحلة أخرى إن شاء الله .
( فك الله ابن بطوطة )


وتقبلوا تحياتي 00
المتزن