[القولون]

مفهوم الصدقة مفهوم خطير جدا، لأنه من أهم أسباب جلب الرزق.
لذا ، وكما قال الإخوان، يجب تخصيص جزء يسير من الراتب في سبيل الصدقة. فقليل دائم أفضل من كثير زائل.



راتبك 3900 :

1- صدقة شهرية 100 ريال.

2- مصاريف البنت اذا هي ترضع ديد = ( لا تتعدى الــ200 ريال شهريا).

3- متوسط تكلفة الشخص ( مؤونته ) شهريا هي 200 ريال. بمعنى أن متوسط مصروفك الشهري هو 400 ريال.
4- الكهرباء المتوسط الشهري للشقة = 60 ريال.

5- الماء النتوسط الشهري له اذا ماركبت الشلال= 100 ريال.

6- جوالك + جوال المدام ان وجد -واذا ماهيب قرقه- = 400 ريال.

7- الغاز= 30 ريال

8- تلفون ارضي المتوسط الشهري = 50 ريال.

9- وجبات مطاعم شهريا= 200 ريال

10- السيارة لازم تحط لها 100 ريال شهري ( ان قلت استمارة بعدين+ ان قلت زيت+ كفرات+ سيفون+ ماعدا البنزيم)

11- المصروف اليومي ( لبن+ خبز+ جرايد+ حلاو+ بيبسي) + البنزين = 25 ريال.... يعني شهريا= 750 ريال.

2390 ... نقول 2400 ريال مصاريف شهرية.

يبقى 1500 ريال:

- 500 ريال طواريء ( مرض لا سمح الله، صدمة بالسيارة لا سمح الله، هذا اذا تشاءمنا، لانه يمكن تبي شماغ أو فيه حفاله....)

- 1000 ريال .... لازم تستثمرها ... لا تخليها كذا للهواء وللشمس. يعني لو عندك محفظة اسهم دخل الــ 1000 فيها بشكل شهري وضارب . المهم شغلهن.


- ملاحظة ( اللي يزود من المصروف ، عندك اما انك تستثمرهن، او انك تجمعهن.. مع اني ضد التجميع).


التجميع يعمل عمل السحر في اغلاق فكرك وذهنك عن الاستثمار او تشغيل الفلوس. وبما انه ما في بحيلتنا الا الاسهم .. فلازم تفكر فيها ..او انك تدخل جمعية او أي شي.. المهم لا تجمدهن.


واذا كان راتبك يزود سنويا، فالزيادة خلها في خانة الاستثمار.


في النهاية المسألة يبيلها تفاهم واتفاق انت وزوجتك، والاهم يبيلها جزمة وعزيمة وهمة.



تحياتي