[مدحت شوقي بريده]

تسمحون ياأهل القصيم .. شوي بس شوي ..


يالبي يالحد الجاااااااااااارح ..

اقتباس 1- لماذا أهل القصيم ينظرون إلى أنفسهم نظرة سلبية ؛ فنراهم يوبخون أنفسهم وينظرون إلى ذواتهم حتى درجات سفلى ؟!

ياللبي الذيب مايهرول عبث .. إذا جلدت ذااااتك .. تكسب الكثير ..
تعلم نفسك التواضع ولين الجاااانب .. ولأهم من هذا كله .. حتى ماأحد يمسك عليك شي ..
لو بديت تمدح نفسك .. وغلطة اي غلطة تبلش بالناس .. وتصير خالفة كلااامك ..
خلك كذا وتسوي اللي تبي ماأحد يمسك عليك شي ..

اذا احسنت قالوا ماشاء الله والله ياهو فلته ..
وإذا اخطئت قالوا ايـــــه بكيفه ماعليه شرهه ..

خليك ذيب يالبي ..

سي يو ..

اقتباس 2- لماذا أهل القصيم يُضرب بهم المثل بالتشدد الغير مبرر في أغلب مناحي الحياة ؟!

منااااحي الحياة ..
مناحي البقمي ..
يالبي إذا كان التشدد من ناحية الدين فحيا هلا .. الله يزيدهم يالبي ..
وهذي منقبة لأهل القصيم ويفتخرون به بعد ..

سي يو ..

اقتباس 3- هالني ما رأيت من تطوّر العمران في مدن القصيم , لكن أحزنني ما رأيته من أهالي القصيم تمسكهم بمخلفات الماضي الغابر !! فنراهم يرفضون فكرةً ما , ثم ما إن يلبثوا حتى وتكون الفكرة حديث الناس من حيث قبولها !!

بسم الله على قلبك يابعد معاليق شدوقي انت .. منهوا هاللي هالك بس ..
اهل القصيم فيه عندهم روية وأخذ الأمور بتعقل وتفهم .. ماهم مثل غيرهم مطيورين ..
ومع الخيل ياشقراء .. أهل القصيم يفكرون بالأمر وبعدين يعطون رأئيهم ..
و بعض النااااااااااااااس .. يبونهم مثلهم خوذهم خوذهم حطوهم حطوهم ..
ماغير يدودولون روسهم ..

سي يو ..

اقتباس 4- أحزنني ما رأيت من شباب القصيم , حيث نرى أباً صالحاً وشيخاً فاضلاً ؛ لكن ابنه يعيث في الأرض الفساد !!

سبحاااااااااان الله .. يعني هذي بس بأهل القصيم ..
يالبي ناظر حولك بزاوية اوسع وتشوف ان كل المدن والمناطق كذا ..

الصراحة بديت اشك بموضوعك إنه للسواليف بس ..

اقول على فكرة يقولون إن أم بوش حليلة وماعندك بأحسن منه ..
ويوم سألوه عن ولده بوش قالت ..
من حينه أشطن عيالي ..

شفت وشلون يالبي ..

سي يو ..

اقتباس 5- رأيتُ الحسد متفشي بين أهالي القصيم ؛ فنرى الشخص تُسلّط عليه الأضواء جراء إمتلاكه لشيء ما !!

اقف هنا ليس تأييداً .. ولكني استغراب إن هالشيئ يخصص به القصماااااان عن غيرهم ..
لعلمك كل منطقة نجد كذا .. وفيه ديار حولين الرياض .. من قوة حسدهم يموتون موت ..
اعرف لك إنسان من قوة الحسد يمرض مرض ..

ياخي قليل من الانصااااف ..

سي يو ..

اقتباس 6- (( فشييييلة )) ... تلك الكلمة سمعتها كثيراً ... فأي عملٍ يُعتبر خجل وحتى ولو كان ذلك أمراً عادياً ومقبولاً لدي كافة شرائح المجتمع

الفشيلة .. تعتبر ردة فعل عن عمل يتطلب ( الحياء )
والحياء شعبة من الايماااااااان يالبي ..

اقتباس 7- السخرية , وما أدراك ما السخرية !! حيث تجلّت وأصبحت واضحة للعيان , فأيما إمرءٍ يُخطأ وإلا ويصبح محط أنظار من حوله .. !!

انت تناظره كذا سخرية ..
وغيرك يناظره ( خفة دم )
تختلف الأراء حسب الأهواء ..
إذا أنا احبك ابقول هذي خفة دم .. وإذا اكرهك ابقول سخرية ..

ولكن الحقيقة إنه خفة دم وهذا اللي يخلي القصماان مجالسهم محبوبة ..
بسبب التعليقات والضحك والونااااااااااااااسة ..

سي يو ..

اقتباس 8- إستخدام ألفاظ غريبة للأشخاص , واستبدالها بدل أسمائهم ... فتظل تلك الألقاب عالقة بالأشخاص إزاء فعلٍ إقترفوه , وباتت ملازمةً لهم .

قصدك العيارة ..
ياحليلك الآن تأكدت إن ماعندك شي .. وإنك تدور اي شي ..

اقتباس 9- رأيتُ مُفارقات عجيبة ... فذاك ينصحني ؛ ثم غداً أراه يرتكب ما فعلت !!

ممكن يكون تصرف فردي وشاذ .. والشاذ لاحكم له ..

اقتباس 10- رأيت من المباهاة ما الله بهِ عليم ... لكن لا لشيء !!

تبي الجد .. والله من حقهم ..
شف نفسك الآن من القهر والغيرة منهم .. بديت تتكلم عليهم ..





أخيراً اريحك ..
الناااجح دائماً محارب ياأهل القصيم ..