|
شاااااكر ومقدر جدا جدا جدا لكل اللي تفاعلوا مع الموضوع
لكني محبط بقووووه
بتسئلوني ليش؟؟
انا بقوللكم:
اول شي انا مانيب راعي منتديات ولا لي بالنت كله
لكن الكلام اللي اسمعه عن هالمنتدى الغالي وعن حماسهم للمواضيع النافعه هو اللي خلاني اسجل بالمنتدى
واكتب هالقصه اللي صارت معي لأنه من جد شي يقهر
هذولا عيال وطنا الغالي واخواننا في الاسلام قبل كل شي ومايرضينا والله هالحال اللي هم فيه.
اللي احبطني اني مالقيت التفاعل اللي انا كنت متوقعه ابد ابد ابد
يعني لازم احط العنوان يشطب المخ عشان الفضول يشتغل؟؟
ولا برأيكم انه مطب صناعي جديد على احد الشوارع ولا اشاره مرور جديده على احد الشوارع اللي مالها داعي ولا بنقالي باحد البوفيهات حك راسه وهو يحمس الكبده اهم من اخواننا المساكين اللي ذبحهم الجوع؟؟؟؟؟؟؟؟؟؟
يعلم الله مانيب اقلل من شأن المواضيع الاخرى
لكن من جد شي يقهر
(في كل كبد رطبة اجر)
وشلون عاد لاصارو اخواننا وعيال ديرتنا وصايمين بعد!!
اكرر شكري لكل اخواني اللي تفاعلو معي وماجا منكم قصور
لكن مب هذي هقوتي على الباقين
|