[صافي النية]

اقتباس المشاركة الأساسية كتبها مدحت شوقي بريده هلا بالبي بقايا ذكريااااااات .. موضوع بالمقص .. وطرح وأسلوب ولا بالخيال يالبي .. والله زين يالبي اللي يفتح له الباب .. تحمد ربه اللي إذا أنزلت ماقاله صكي الباب زين الله من الرفاله إنتي ويديتس .. يالبي بعض الحريم .. ودك تزمه وانت بالسوق وتدور به المحلاات محل محل .. من طيبه وطيب قلبه .. وبعضهن ودك تحطه بشنطة السيارة .. وكل شوي تروح تجيب له اللي تبي وتفتح الشنطة وتقول له .. هذا اللي تبين وإلا لا .. يالبي أنا معك قلباً وقالباً ببعض المواقف .. أما بعضها الآخر فأعتقد إنه من حق المرأة .. مثل تقليب البضاعة .. لأنه هي اللي تبي تشري على ذوقة .. ورده على التليفون .. إذا كانت خافضة صوته عااادي يالبي .. لأن بعضهن توصيه اخته او امه .. همن تبداء المكالمات .. هيلة لقيت اللي تقولين بس لونه غير ماجازلي .. وشيل المقااااضي مافي شي إذا عاونته يالبي .. مهوب عيب إن الواحد يساعده بشيل بعض الاغراض عنه .. اما عااد تسليم الأمر كله للمرأة .. فالرجل مايرضى اصلن إنه يكون دبشة ماغير يدربي دميجته وراه .. عاااادي يسأله تبين هذا .. ابشري بس يصلح لتس .. انت هيه يابو الشباب بكم هذا .. يقول بميتين .. غااااااااااالي .. ( هنا عااد تتدخل انت ) يالبي الغااااالي يرخص لك .. مهوب بس يصلح لك .. ماعليك من سعره .. وتكاسر انت الرجال وتآخذه له .. ومشكور يالبي على هالموضوع الأكثر من روعة .. سي يو ..

والله يا البي يامدحت كلامك عين الصواب وامسك ايدي معك لاني اضم صوتي مع صوتك يا البي لانك كفيت ووفيت يا البي
بس ودي ازيد اشوي يا البي ممكن..
ذكرتن يا بقايا ذكريات بقصة قاله لنا اخوي عن ابن عمتي هو يشتغل بمحل ودخل رجل وامراته المحل لكن يبدو الطارة بيد المراة يقول تجولوا بالمحل ووافقت صاروا تقريبا حولي فطلبت المراة من زوجه شي لكن رفض ,طبعا وهو خايف كما يعبر راوي القصة فصطرته هاك الصطرة وقدام العالم والرجل ماحرك ساكن بالعكس بدا ينفذ ماتريد
فاعتقد انه بعض الرجال بتكون شخصيتهم ضعيفة ويكون حالته المادية امدوبره فماله الا يتزوج وحده ثرية تكون معلمة او موضفة او اي شي وبعدين تجيك المراة وتكون ماتخاف الله ولا عندها احترام وتبدا تستغل ضعف شخصية الرجل وضعف حالته المادية بالتأمر عليه و اذلاله...لكن اعتقد ان هذا قليل والله يقلله اكثر...


اشكرك اخوي بقايا ذكريات على الموضوع المميز..

دمت بخير..