[ماهنا ذرابة :(]

نسيت أنصحكم
والنصيحة حق للمسلم ..
النصيحة للشباب فقط ...


وياليت تتقبلونها بصدر من براحة ..

الصراحة يا شباب إن 99,9 % من الحريم الي حولي مايحبون ذوق الرجال ..

لكنهم يجاملون ويتقبلون على مضض ..
وغالبا مايقدرون يفاتحونكم في هذي الحقيقة المرة ..

عشان كذا تلاقي الحريم مكنزين الهدايا بالدواليب
وإذا صارت سنعة عاد , تلبسة قدام زوجه بعدين تفصخه بأقرب فرصة

ولكم هذي القصتين لقريبتين لي :

واحده جابله زوجه هدية ( ساعة )
والساعة تجيييب الطاعون
ولما عرفت سعره بغت تنهبل
ومير تفكر وتفكر
وتروح تتدرج مع زوجه إلى ماعرفت من وين اشتراه
بعد يوم
طارت لم المحل
ورجعته و شفطت قروشه هع هع

والثانـــــــــــــــــية"
جت بتقلد
لكن هذي ابوها جايب الساعة من سويسرا
لا وأزيدكم من الشعر قملة
جايب له هي وأمه وأربع من خواته نفس الساعة
أصلا لو الساعة معجبته بتكرهه من ذا الحركة تقل طقاقات
بس المشكلة هنا إن ماركتها مو موجودة
فراحت تدور على المحلات كأنه مندوبة مبيعات

من يشتري الساعة ؟
من يشتري الساعة ؟
من يشتري الساعة ؟
من يشتري الساعة ؟


طبعا ماأحدرضى يشتريه إلا واحد اشتراه بألفين وأصله بأربع ألاف


فأنتم ليه تخسرون أنفسكم وتحرجون غيركم ..

يعني مثلا ..
إذا كنت ناوي تهدي ساعة ..
خذ لفة على محلات الساعات وقد السعر
ورح عطه الي بتهديها
أريح لك ولها ..

وتوته توته خلصت الحتوته