السلام عليكم ورحمة الله وبركاته
دغري يا شباب
.
.
.
أبوريمان says/ أبولجين .. وش صار من بيجي معنا .؟
أبولجين says/ ما أدري والله بالضبط بس الأكيد خالي بدر وعبدالله أخوي وأنت:D
أبوريمان says/ يعني نكتفي تسذا بس .؟
أبولجين says/ والله مدري .. تعرف الشباب ما يجزمون إلا يوم العيد علشان تسذا بخلي موتري إحتياط لو زاد العدد عن أربعة .
أبوريمان says/ زين ممتاز ... بس ولم عزبتين .. كبيرة وصغيرة على حسب عددنا .
أبولجين says/ سم طال عمرك
======
ليلة العيد
======
ترن ترن
أبولجين says/ هلا
أبو أحمد says/ هلابك يا بولجين .. وشلونك .؟
أبولجين says/ اها بس وش عندك جوالي بيطفي من البطارية .!
أبو أحمد says/ لا بس قلت أبسأل لي مكان عندكم .؟
أبولجين says/ ايه بتجي أكيد .؟ ترى ما نبي نكبات مثل العادة
أبو احمد says/ لالا أكيدين ... أنا كنت متخوف ما القى مكان
أبولجين says/ لا خلاص تم بس تكفى ولم كل شي ترى صلاة العصر في مسجد خالي بدر لا تتأخر تكفى
أبو أحمد says/ لا ابشر تم ولا هنت .
أبولجين says/ يا هلابك ونشوفك باتسر بالعيد .
======
يوم العيد
======
محمد says/ هلا عمي ... لي مكان معكم .؟
أبولجين says/ هلابك .. توك تحتسي .؟؟
محمد says/ والله توه أبوي يقولي رح مع عمك .
أبولجين says/ زين خلاص مهب مشكلة ... بس لا تنسى ترى الموعد ...... الخ
محمد says/ سم أبشر
======
ثاني العيد
======
أبولجين says/ هلا بالشباب ... زين إجتمعتوا كلكم ... يالله كلن يجمع أغراضه عند الهايلوكس علشان نرتبهن
محمد says/ عمي من بيجي معك .؟
أبولجين says/ أنت
<< عارف مقصده
الشباب أثناء التجمع وترتيب العفش
بسم الإله توكلنا وتوجهنا لطريق القصيم وهذي وقفتنا على خط القصيم في منطقة سدير المباركة لصلاة المغرب والعشاء جمع تقديم 
إستمرينا في المسير بسرعة 140 إلى أن وصلنا لبريدة العزيزة لجمع باقي القطة من الشباب اللي مادفعوا
<< على مين
بعد ما تعدينا بريدة متجهين لحائل وبالتحديد بقرب مدينة حائل إنتهى تمرين موتري بإنتهاء 1000كم وتنفست الصعداء 
<< يقالك مرنته .!
وصلنا لدار حاتم دار حائل ووقفنا في مركز للتموينات الغذائية وأشترينا أغراض الفطور من خبز وما إلى ذلك .
وانطلقنا إلى الطريق الفاصل بين حائل والعلا وكانت الساعة تقريباً الساعة 10مساءً ...
ودخلنا أرض كلها رمل وعلى مد البصر مستوي << وقت الهجولة
طبعاً ما فيه أمل أنسم علشان دخلة 15 كم وأطلع خصوصاً أن الأرض ممتدة ومهيئة للشد بالثاني والثالث أيضاً
وإنتقينا مكان يشرح الصدر والله ... يكفي إننا في دار الكرم والطيبة ... شعور يأتيني غريب عندما أكون في تلك الديار ...
بعد ما اصبحنا في اليوم الثالث من العيد حفينا القهوة وبعدها أفطرنا بما انعم الله علينا
وعند الساعة 9 صباحاً تقريباً ... أتصلت على وكالة تويوتا عبداللطيف جميل اللي بالرياض علشان أستفسر منهم عن مسألة الألف كيلو أطمرها لين أجي ولا أدور لي أقرب فرع أو وكيل لتايوتا وأشيك عليها ... خصوصاً أنني لا زلت في مدينة حائل ...
طبعاً ..!!
لا جواب ما أحد يرد يعني ما بعد بدا الدوام والله أعلم ... فكان القرار الأكيد هو بعد إنتهاء الرحلة أوديها للوكاله
وتوجهنا لأقرب مشحمة للقيام بتبديل زيت المحرك ( وهذا خطأ لأن الزيت يسير لـ 5000 ) بس يالله أهم شي الإحتياط .
سرينا وتوكلنا على الله متجهين إلى ......
نكمل في الحلقة الثانية
أتمنى انكم إستمتعتم معنا في رحلتنا 
<< الحين أنت بديت علشان نستمتع .؟!
ملاحظة : تراني راعي قرق ... علشان تسذا حطوا في بالكم إن الحلقات يمكن تاصل لعشر وفيها ... خصوصاً أن بعض الأماكن بتاخذ على حلقتين ونحن لا نزال في مكان واحد ...
أحد أعضاء الرحلة
أبولجين