[مدحت شوقي بريده]

هلا والله بالبي لبداااااااااااان ..

ياحبيلك يابعد معاليق تسبدي انت ..
الصراحة إن هالشريط بوه انواع العجااااااااااااااايب ..
انا اول ماادخل البيت وانا ارعص بهالريموت الين اطيح بالمجد للأطفال علشان هالشريط ..
قسم اني احياناً اثولث من الضحك ..


اللي تقول انا عصلا وابسمن .. واللي هــرة وده تنحف ..
واللي شعره قصير تبيه يطول .. واللي شعره طويل وتبيه قصير ..
واللي خشمه صغير وتبيه يكبر .. والله خشمه كبير وتبيه يصغر ..
والله ياحالتهم حاااااااااااااااااااااااااااااله ..

بس انا عطيت اختي خلطاااااااااات وقلت له انشريهن بس بالشريط واللكلية وبكل محل ..



خــلــطــة :
( تصغير الخشم )

المكونات :
فقط نص بلكة ..

الطريقة :
تحطه على الخشم عند النوم ..
قسم ان تقوم وتلقى خشمه طالعن مع ورى راسه ..

خــلــطــة :
( تطويل الخشم )

المكونات :
1_ جدار
1 _ حبل طوله مترين ..
2 _ مسمار

الطريقة ..
تطق مسمار بالجدار ومسمار بخشمة ..
همن تربط الحبل بالمسمار اللي بخشمه وتربطوه بالمسمار اللي بالجدار ..
همن تشده بقوة وتمعطوه معط وتنام ..
ماتقوم الصبح الا خشمه ممطوط ..

خــلــطــة :
( تنحيف الهررة الدبيات )

المكونات :
1 _ هايلوكس ..
1 _ حبل طوله مترين ..

الطريقة ..
تربط هالدبية بالحبل .. ويربط الحبل بصدام الهيلوكس من ورى ..
همن تدور به بالحارة عشرين دورة ..
والا تمسك به طريق القصيم الرياض .. وترقى به طلعة الغااااااااااط ..
مرتين بس .. قسم ان تطلع انحف من عصا المكنسة .. والا تموت ونرتاح منه ومن ميزانيته ..





خــلــطــة :
( للعصلا اللي تبي تصير دبية )

المكونات
نص متر لي ..
1 - طرمبة هواء ..

الطريقة ..
يدعس اللي بإثم هالعصلا ..
همن تنفخ بالطرمبة مع الأخذ بالاعتبار بسد المنافذ علشان مايهرب الهواء ..
الين تاصل الحد المطلوب ..
همن يمعط اللي من إثمه ..





خــلــطــة :
( وداعاً للإستشوار )

الصراااااحة هذي اسهل خلطة ولا يبي له شي ..

المكونات :
1- نص دريشة ..
1- استشوار ..

الطريقة ..
افتحي هالدريشة واجدعي الاستشوار معه .. وقولي لوه وداعاً ..
والحمدلله وقضينا ..




شكراً لكم على حسن إنصاتكم ..

ومع لقاء آخر من برناااااامج .. عالم الخلطات ..


سي يو ..