|
غاب ابوه اللي يضمه .. ولابقيـله غير امه
امه الام الرحــوم ..وكل طيـب تحتويه
كلها عطف وامومه ..شالت الوقت بهمومه
ودها تسعد ولـدها.. بأي شـيء وتحتميه
أمنت له كل شي .. وحبـه ابها نبض حي
ولوطلبها ماطلـبها .. ساع يطلـب تشتريه
كافحت في هالحياه .. وسوت اله المعجزات
وان تأخـر ماتنـام .. الليـل كـله تحتريه
تبكي والدمع يغشاها .. وتمسحه لامن جاها
ماتبيه يشوف دمـعه .. حزن المها يكتسيه
ومن بعد ماشب عوده..واستوى وكبرت عضوده
وصار متزوج بعذرا(لا) .. معـاها تصير (ايه)
نسته ام وفـت له ..يوم الاجـوا ماصـفتله
لاوقالت انا ابغـا .. بيت امـك مـاتجيـه
كيف اصير ببيتي حره .. وانا اشوف الام ضره
وخططتله ودبرتله .. وسوى كل اللي تبيه
ولن شخصيته ضعيفه .. وامه اشبه بالكفيفه
ماتـوانا لـودقايق .. يطـرد ام ترتجـيه
وقام وسوا له جريمه .. وشالها شيـله غريمه
وعقب وصلها الرعايه .. صوتت له هيه هيه
ياولدي وين انت رايح ..قالته والدمع سايح
والتفت فيـها ورد .. برد متـنكر سـفيه
قال انا رجال تاجر .. منشغل بين المتاجر
وان بغيتيني بحاجه .. هذا رقمي واطلـبيه
ولجل ماتجرح شعوره .. طاعته بامره وشوره
وابتعد عنـها وقفا ..وكل ماسوت نسـيه
وهمل امه ياحسافه .. وصد واعلن انحرافه
وصار مايسأل عليها .. ولاتلاقوا بالوجـيه
والا هي يوم ادخلوها .. بالرعايه وانشدوها
قالت بنبـره حزينه .. اولدي والله يهـديه
عنـده اشغال كثيره .. وكـم محل هو يديره
وعـاذرته بما فعل بي .. دام مامره في يديه
ومن ولوعها في ظناها ..كل هم اكتساها
واصبحت في وضع مؤسف ..وضع ماتحسد عليه
وضع كلٍ به تأثر .. عاشت به اسبوع واكثر
لين روح الطهر فاضت..من جسد طاهر نزيه
وحلمها اللي في ولدها..لاكبر يكبر سعدها
مات لحظه كـفنوها ..ولابقا ياكـود ليه
ليه هملها وجـفاها .. وليه ماقـدر وفاها
وليه يقتل حلمها اللي ..من زمن تعيش فيه
ليه وكم من ليه مرت .. في خيالي واستقرت
شرقت بي وغربت بي ..وصرت في حيره وتيه
والله ياعـالم مصيبه..وواقعه فعلا غـريبه
منها تبكي كل عين..وينجرح قلـب نبيه
ولكن الكلمه الاخيره ..رددوها بكل ديره
وقولوا(من يبغا رضا الله .. يطلب رضا والديه(
|