[مدحت شوقي بريده]

هلا بالبي دودلوني ..

تصدق يالبي رحت لسوريا ثلاثة اياااااااااااام .. اناواخواني اثنين وخويتنا معنا ..
طبعاً خويتنا اللي هي امي .. دايم خويتنا بكل رحلة خارجية ..

والله ياهي بساقتنا .. تقول ابشوف وش تسوون ياعيال قريح .. اخاف تروحون منا والا منا ..
اذا شافتنا نناظر بهاللي يمرن قالت .. محمد لاتناظر جعلك عيونك للثالول .. تراي ابعلم ( .... )

اعلمك بعد والله ياهي مصيختنا .. وياحبيله صايرتن هيئة هناااااااااااااك ..

اذا شافت وحدة لابستن هيك والا هيك .. قالت له ..
غطي عصاقيلتس لايامال المضراب .. يادافع البلى تقول قاعدتن تغسل حوشهم رافعتن ثيابه ..

واذا قلنا له يمه اتركيهم بكيفهم .. كلهم تسذا ..قالت لنا ..
ايه جايزنلكم ياعيال اللي مانيب قايله .. تبون بس اتمقلونهن ..

مير حنا وش اللي يجيبنا لهالأرض ..

يمه .. انتي اللي قلتي ابي السوق ..


ايه ابي سوق مثل اسواقنا بالرياض ياجودنا اذا شفنا الوحدة فاتشة ..
مهوب مثل هذولي اعوذ بالله مصاليخ والله ماتقول الا بصالة عرس ناسن زايطين ..

مير ردونا للبيت مانبي لهم لاحنا ولا ديرماااااااااان .. هونا ..



يالبي يادودلوني .. الصراااااااحة مابسوريا غير الدعااااااااااااااية ..
الله مير يحوم تسبد اللي يمدحونه ..

وسلاااام ائليكم ..

سي يو ..