[-----="a0522d Ff6347 D2691e F4a460 D2691e"]يا هلا هلي بالقوم اللي راكبين الهلي و رايحن يكشتون
وه تسيف تسذا لكن فقده يالدبيات أحس اني كل دايم اتذكركم و أصير ولهانة عليكن
وبعد هذه المقدمة الطرابيزية الكلانكوشوفية اللاإرادية أريد أن أخليكن عبقريات
فمن معرفتكم لتراليلووووو تدرون انه اشطن بنت بالمدرسة و كل يوم هواش مرة من المديرة و مرة من المطرسة و الى اخره
و مع الايام بدأت من نفسي استنبط الحلول اللي ما شقهن نور
حلوووووووول تخليك كنك راكبة نمور
حلول في الصميم و الى بنات القصيم
و الحل اللي ينفع بكل مكان و لكل زمان هو كالآتي
_فتخي اذانتس زين و خلخلي عقلك حتى يستوعب_
>>هالطريقة سويته هالترم بوحدة من استاذات الكلية و فلحت به
يعني تنفع للصغار و الكبار
طبعا من المعروف بالمطارس انه اذا خلص الطرس و طست الهبلا يطلعن كل البنات عند الباب صح؟..
انا مدرستي كذا بس مدري انتم زينا او لا؟
طبعا بحكم اني ما أبي أصير نظامية بس اوقف عند الباب يعني مهكوك علي بس عند الباب
لا اسوي نفسي جريئة و امممممممممشي للدرج
و اكثر فأكثر و انزل تحت و يمكن افحط عند المطيرة ثم بسرعة خاطفة اهج للفصل اشوف جت الهبلا او لا؟
و لاكن ... المشكلة اللتي تصبخنا و تقلقل مشاعرنا انه احيانا اذا جت الهبلا للفصل بسرعة تبين تدخلين الفصل عشان ايش ؟.. عشان ما تدري انك انتي اللي طالعة تحسبه غيرك
بس الاكثر انك تكفشيييييييييين
و تدري بك الهبلا
و تخقلك للمطيرة تهوشك و يمكن يجيك تهزيئ او تعهد
بس وش تسوين عشان اصلا مااااااااتدري بك الهبلا انك طالعة مع الطالعات عند الباب؟..
ابقولك بس بشرط كل ما سويتي هالحركة تدعين لي
الطريقة و ما فيها انه اذا جت الهبلا و قبل ما تشوفك روحي بسرعة لطاولتك
و طلعي اي كتاب حتى لو هو مهب حقك و طلعي ورقة و قلم و سوي تمثيل انك مشغولة و ما طلعتي برى و يا عمري انتي على نياتك قاعده تكتبين منتيب فاضية للطلعة برى
و صدقين و اللللللللله اني جربته و جابت أهداف معي
ما تدري بي الهبلا و يمكن حتى البنات اللي طالعات يشكن بأنفسهن هو أنتي طالعة معهن أو لا....
تخيلي هالترم كان عندنا أستاذة حقت اصول الفقه و الله يهديه ما تبي احد يوقف عند الباب
و الله يا أنا أبرتز بهالفصل الين تجي خوووووووووووع والله يا هي نكته
فقلت خلين ارجع لطريقتي العبقرية
و الله و وقفت مع البنات برى و يوم جت بسرررررررررررعة قعدت بأووووول كرسي قداااااام يالقاعة
و معروف القدام بس للبنات الدوافير اما اللي مثلي و أشكالي وراء
وقعدت بأول كرسي و بسرعه طلعت كتاب أصول الفقه و قلم و المشكلة اني مدري وين حنا موصلين بالدروس فتحت على الهبلدي على اي شيئ و قعدت ايقالي اذاكر
و يوم دخلت انوااااااااع التهزيئ انتن كبار و عيب تطلعن برى
و انا اناظرهن هاللي وراء يهاوشن توهن داخلات طبعا هاجات يمشن مليون و صايره قعدتهن تقل مهرجات اللي بكرسي مايل و اللي مقتلبه على وراء و اللي طايرة بذا و اللي لاصقة على ذا
و ياعمري انا انووووووواع العقل قاعدة ايقالي زعلانه منهن ليش يطلعن و انا اساس البلا
طبعا الابلى تهزيييييييييييء بهن و انا ما قالت لي شيئ تحسبن ابو الإجتهاد
ما دريت اني مثل الأطرش بالزفة توي داخلة و لا أدري وش حنا موصلين
بس و الله من جد جربوا هالطريقة تراه منتاااااااااااااازة
* اللي عندهــ سؤال منا و الا منا عن كيف تتخلصين من الهوآش قولي لي و أساعدك*
على فكرة : ترى الكلية ما ينفع منهم الا انك تصيرين طممممممممممممممممممممممجة
خليك دجاجة صقعاء كنك خدامة توه جايه للسعودية ما تعرفين ذا من ذا
و هذا هو الحل الوحيد للمشرفات و شئون و دختورات الكلية
و الله مرة خقلون للدختورة حصة الحواس تعرفونه ذيك شدددددددددددديدة
و قعدت تهوشن لازم تعقلين و قري قري
و انا مخلية نفسي يا عمري انا مظلومة بس ادودل رآسي تقل خروف بليلة عرسه
بس و الله حصة الحواس صراحة محترمة يوم شافتن طمجة و ماهنا تكانة قالت خلاص روحي
تخيلي تهوشن تقول اعقلي و انا اقول له ليه احد قايل لك عن شيئ انا مؤدبة
و اتعلث بأسماء العوفي اقول له روحي إسئلي الدكتورة اسماء العوفي عن تراليلو شوفي وش تبي تقول لك
يآخذ أبو التطيمج بس وش أسوي بها الكلية ما ينفع الا البراميل
خليك برميل و تطلعين بنتيجة صح
---------هآه..شرايكم بأفكاري و خططي الجووووووووووووووهنمية؟..
لا تنسين قبل ما تطلعين قولي
[لا اله الا الله محمد رسول لله]
[سبحان الله و الحمدلله و لا اله الله و الله اكبر رضى نفسه و زنة عرشه و مداد كلماته و عدد خلقه]
[/-----]