[بريداوي رامح]

اقتباس المشاركة الأساسية كتبها إبراهيمء رامح شي جميل أنك تردعنا عن الإنكار بحجة التخلف والرجوع للتلفزيون الأبيض والأسود! إن كان الإنكار باليد ليس فيه ضرر فما المشكلة ولقد قلت سابقا فإنكارنا هذا باليد لن يعرضنا للشنق ولا للنفي ولا للمؤبد فما المشكلة ولتفرق بين طمس صورة وتفجير محل أو تبي تطلع عن الموضوع..........مافيه مشكله إطلع وترفعك عن سطل البوية وتطورك هو من الكبر لأن عمر رضي الله عنه نام مرة على نعاله تواضعا وماقال أبترفع عن النوم بمثل هالأشياء الوصخة وإذا بغيت تعلمنا إن هالشي حرام ولا حلال لاتتحجج بالترفع لأن عندنا كتاب وسنة وإذا تبين أرجع للعلماء (وهو كذالك) فليش ما كفرت بوش والمسألة فيها أدلة وكلام مشايخ أعيد وأكرر "كفاك تناقضا" أنصحك بأن تسلك الطريق الصحيح ولا تدور أشياء علشان تبرر أفعالك علشان ماتناقض نفسك والسلام عليكم ورحمة الله وبركاته

اقول وبالله التوفيق من العلامه رامح الى الاستاذ ابراهيم اما بعد :
طمس البويه بكرا تكسير محل اشرطه اغاني بعده الله يستر ! وبعدين طمس الصور تراه مقارب جدا لحادثة تفجير محلات الفديو بحكم تغيير المنكر! وبعدين لو انت تعي ماتقول اتحداك تحدي رجال انك تقوم بكرا العصر وتروح تمسح اي صوره في اي شارع من شوارع بريده قدام الشرطه , واقسم بالله ان تلقا الامن الخاص عندك مهب الشرطه! وتقولي مافيها شي انكار المنكر باليد على نظريتك. ثم تقول انت وبما اننا لسنا في بلد دكتاتوري فإنكارنا باليد أولى وهذه المؤسسات تعلم بحرمة هذه الصور ولاداعي لتحجج بالجهل بالحكم ...) الله واكبر ومن قال انك في بلد ديمقراطي!! (الواقع غير وكلام اصحاب المعالي والتلفزيون غير مره!!) وبعدين على نظريتك هذي راح تشوف بعض الشباب معهم هالاسلحه والبلاوي وداخلين على بقاله ويهدمونه على راعيه! واذا سالت ليش قالو : انكار المنكر باليد! وهذي البقاله تبيع تــــــــتـــــــن! وتلقاه بالليل بالاستراحه بهالقنوات الفضائيه وحش بخلق الله!

اللحين سوال وش دخل موضوع سيد بوش بالسالفه ؟!! اهااااا تبي تحنن قلوب الاخرين كي يقفوا معك بحكم انهم لايعرفو اي شي عن ذا الموضوع وانت بنفس الوقت ستكون البطل الشهم الذي يدافع عن الاسلام! لاتقول انت يارامح طلعت برا الموضوع (عارف ردك!) لاني بقولك هناك علاقة قويه بين طمس الوجيه وتفجيرات محلات الفيديو ولا تحتاج الى انسان ذكي كي يربط العلاقه بين تلك وذاك..

الشاهد ياجماعة الخير نريد اننا نسولف باريحية تامه بعيدا عن التعصب بالراي... ولا ينقز احد اللحين ويقول انت تتكلم وتتحاور في مسائل عقائديه لانه باعتقادي الخاص ان سطل البوية ومسح الوجيه ليست عقائدية ولا نخرجه من المله على حسب تفكير فئة من المجتمع.,,,
دمتم برعاية الله وصلى الله وسلم ...