[إبراهيمء]

براطم حاشي

اقتباس احببت طرح الموضوع بشكل اجتماعي وليس بشكل ديني

ودك نصير زي فرنسا
الدين شي والدنيا شي ثاني

طيب لحضه وأرجو انك تقرا الكلام الي أبقوله علشان تقتنع

وش معنى (مناقشه الموضوع من ناحية إجتماعية)
معناه أن كل واحد يقول الي يجوزله وما لدين دخل

طيب وين الإسلام ............... أو ماله شغل بالزواج وشولون صار

الإسلام علمنا كل شي
وجهلنا بالعلوم الدنيوية بيأثر على مسيرة أهل الإسلام

مثال: لو كنا متخلفين زي بعض الدول ومانعرف نكرر النفط او نصنع منه أشياء ثانية
وش بنسوي ................. في أحسن الأحوال يجي الأجنبي وياخذ ثلاثة أرباع النفط ويعطينا ربعه ويخب
يعن ماراح يصير عندنا مصنع للمحف ويوزع مجانا وبعد ما فيه توسعه للحرم وبعد مافيه جسر جمرات كافي

شفت وشلون الإسلام علمنا كل شي علشان نستمر مكرمين ونقدر نواصل طريقنا


ترى عبارة (من الناحية الإجتماعية) عبارة خطيرة وما يصلح تقوله كذا وكأن شي ماصار
لأنه تلغي دور الإسلام = تلغي الدين وكاننا علمانيين


المدمن لو تسألة / ما تأثير ترك تعاطي المخدرات عليك من الناحية (الإجتماعية , النفسية بإستثناء الدينية)

بيقولك : من الناحية النفسية بيتعكر المزاج ويتشوش التفكير ومن الناحية الإجتماعية يمكن أقتل أحد لو وقف أكل المخدرات وو ألخ

بتقوله والله أسبابك مقنعه وانصحك بعدم ترك الإدمان علشان ما يصيرك شي شين

هذا كلامي لعبارة (من الناحية الإجتماعية) وكأنه صارت موضه


وأما عن سؤالك
فأقول ان وحده اتعرف عليه بالمنتديات وتاخذ وتعطي معي ويمكن يعج الواحد منا بجرأتها كما يقال فهذه قلة أدب وليست جراة وهذي ما يشرفن أني اتزوجه وسمعنا قصص كثير من الصداقات هذي فماله داعي نجيب الموضوع وكأنه موضوع أو حالة جديدة وأستغلت مثل هذه الصداقات بإسم الزواج وتكوين الأسرة والمسكينة البنت مصدقة ........................ فيش نستغبي وكأن الشي هذا شي جديد وما فيه شي

والسرية بالنوع هذا من العلاقات يفتح وييسر الأفعال الشينة
والنفس أمارة بالسوء فماله داعي نتكلم بمثالية زايدة

والبنت الي أتشرف بالزواج منها
هي البنت الي متربية من أبوها مو من الماسنجر والعلاقات المشبوهه
وانا أبهج من بجاحة أخوياي و قلة أدب البعض فشلون تبي الواحد يتزوج وحدة وجهه مغسول بمرقه وما تستحي على وجهه وما يفرق معه صادقت بنت ولاولد

زينت البنت بحياه والخجل مهب بقلة أدبه .................... يحليله وهي مؤدبه ... ياكرهيله وهي متفنهره
وياحليل الولد لا صار جريئ وياكرهيلوه لاصار خجول


وانا أعرف واحد طفش وترك موقع كان مزينه
قلتله سلامات
قالي ذبحون الي يتراسلون بالخاص
قلت ليش
قالي مواعيد وماخذين راحتهم على الأخر وانا منب مستعد أتحمل أثمهم
الحين بيجين واحد ويقولي لاتعمم

فليش نفتح باب مسدود والحمد لله البنت تعرفه من تربيت أخوته (في الغالب)
والوالده والخوات ما يقصرن


أنا أدري أن فيه واحد متعقد ومشحون بيقولي انك مستانس عندك خوات وأم وغيرك ما عندهم وبتمنعهم علشانك مكيف وانت متشدد ................. زي ماقالي بحدا المواضيع فحسيت أنه الرجال قاضي وعقله طاير والمسكين ما يعرف وشلون ينتقدن وما غير يقول متشدد ومتحجر وضلامي ألخ .......... يحليله


أخيرا لاتجين وتقولي أنت كفرتن زي ما سوى واحد من الأغبياء بهذا المنتدى وانك تقولي علماني



والسلام عليكم