[براطم حاشي]

شكرا لكلمتك اخوي ابراهيم ...وانا وأنت والجميع نحترم الرأي الآخر بكل صدر رحب.. واكيد فيه الكثير ممن يؤيدون كلامك ونحترم الجميع ..وردا على تعليقك الكريم اقول ما يلي وباختصار :
1- الموضوع من ناحية اجتماعية لأننا بالأصل في مجتمع اسلامي ونعرف الحلال والحرام ولا نحلل الحرام أو العكس .. ولكن هناك بعض السقطات والتجاوزات من الجميع بحكم الظروف المحيطه والأختلاط والأنترنت والجولات وغيره .... وتبسيطا لكلامي يعني هل ممكن تقول السلام على من اتبع الهدى لما تسلم على الناس ..لأ... لأننا المفروض كلنا مسلمين ومتبعين الهدى أصلاً ..
2 - قلت انه ما في جرأة وهذي قله ادب ... وأفول ربما تكون هذه الفتاه عندها من الدين والأيمان اكثر منك وربما تصلي وتقوم الليل وانت جالس على الدش ...لايعني ان تكلم فتاه انها تصير ساقطه او منحَله او... هذه نظرة محدوده (وأكيد الناس مو واحد)
3-قلت البنت اللي متربيه ببيت ابوها تتشرف بالزواج منها مو من الماسنجر ... وهل تعلم انت هالبنت عندها علاقات مشبوهه ولا لأ أنت لك الظاهر فقط ( البيوت اسرار ) .. ولكن يمكن لما تتعرف على بنت وتدخل فيها اكثر وتحس ان هذي البنت هي كذا بدون تمثيل ويعجبك فيها بعض الصفات الجميله والمطلوبه بالبنت اصلاً ، بحيث أن العلاقة بدأت باحترام وتحولت لأعجاب وتحول الأعجاب لطلب زواج ليش لأ ؟؟
4- يبدوا اخوي ابراهيم ما عندك تجارب بهذي العلاقات ،، ولو عندك تجربة حقيقيه وشريفه ما قلت رأيك بهذه الطريقه الهجوميه .. لا ننكر بعلاقات الحب والمغازل والهوى وما فيها من انحلال .. ولكن الطرح كان عن علاقة محترمة ؟؟
5- انا اعرف احد زملائي تزوج بنت بعد ان تعرف عليها وهي في رحلة مدرسية وجلس فترة يكلمها وبعد ما أقتنع كلم اهله ورغم عدم موافقه اهله بالموضوع مبدأيا الا انه استمر يلاحق البنت ويكلمها لحتى ما اقنع اهله وتزوجها وعنده الان اولاد ومبسوط (طبعا القصة لا تعمم ) ولكن هذي واقعية وفيه اكيد غيرها كثير ..
6- اخيرا اشكر مرورك وحاشا ان اقول عنك صفات لاتليق برجل مؤمن ومهذب مثلك ،، ربما انت افضل ومني بمراحل واختلاف الرأي ميزه حضارية يستفيد منها الجميع .. وشكرااا لمرورك برهوووووووم