[إبراهيمء]

خلاص ما فيه شي أسمه مطوع مهب فاهم

الصراحه منب فاهم وشلون يفكر البعض >>>>>>>>>> أشك أنه من بريده
يتكلم عن تشدد ولا عن جفوه ولا عن مادري وشو أشياء غريبه = متأثر بالأفلام

أنا أحتك مع أشخاص المفروض أنهم يصيرون من أقسى الناس بعرف بريده
ومع ذلك ماشفت الشده الي جاي علشانه والي جابتن شرافتي علشان أشوفه

اقتباس المشاركة الأساسية كتبها المهرة بإعتقادي ان الأهم هو صلاح القلب ،، ومن الصعب ان يعرف قبل الزواج ولكن هناك مايدل عليه كصلاح الأخلاق وحسن التعامل مع الناس ......... بالطبع لانرفض المتدين لإنه (ملتحي) وكذلك لانرفض من يعاكسه لأنه (غير ملتحي) ،، فالأخلاق الحسنه هي المقياس في هذا الأمر شكرا لك

طيب أنتي جبت نص الحق وخليته الحق كله ............... على أي أساس خليت الأخلاق كل شي

وعلى أي أساس خليت المره ما تقدر تعرف ماضي الرجل الي خاطبه

طيب ليش الأخلاق تقدر تعرفهن بس الدين لا ؟

غيرك يقول أن الواحد يلتزم علشان العرس ثمن يسربت

طيب وش رايك بالي يحسن أخلاقه علشان العرس ثمن يسربت

أنا وأن ولد وشين بعد تعرضت وتعرض غير لناس كذابين يحسنون أخلاقهم علشان يسوي علقه صداقه معك
وياكثره بالمراكز الصيفيه مثلا >>>>>>>>>> تراي ما أدانيهن ولا أسجلبهن
بس أعرف ناس دارسين معي وأعرف أخلاقهم الزفت ثمن يجي حدى الزملاء المسجلين في المركز يمدحه ويقول خوش رجال بالمركز
أقول إن شاء الله عقل ونرجع للدراسه ومازل الولد على حالته سيئ = قاعدن يتسذب على أخوياوه بالمركز وعلشان صداقه شهر واحد !

فما بالك بواحد بيعرس

المقياس بالموضوع لا كلامي ولا كلام غيري
المقياس كلام الرسول صلى الله عليه وسلم ( من ترضون دينه وخلقه)
إن صار أخلاق وبس فهو بينفع غيره (شمعه تضيئ للأخرين) وإن صار دين وبس فدينه له ومهب نافع غيره لأن الأخلاق زفت
وإن جمعهن فذا الصحيح الي مابعده صحيح

وفكرت إن المطوع قاسي ومادري إيش أنصحكم إنكم تغيرونه وتفتحون عيونكم صح والله يحفض الملتزمين من كيد المنقهرين
وشوفو بعضهم لحية وتقصير ثياب و يدربيه هو وخشته ورى زوجته وهي لابسة مخصره وكعب ومكياج
وهذا النموذج الي أحذرك منه ......... لأنه مايع وما عنده إستقلاليه وشخصيه تخصه

والي ما إعجبه طبع الملتزمين يلتزم ويورينا النموذج الصح >>>>>>>>>> إلا إذا كان الإلتزام تخصص بالجامعه

فإذا أساء شخص لديننا تحت مسمى الإلتزام وبنفس الوقت لم نقدم للدين شيئ فنحن شركاء بالجريمه

أعيد تعجبي من بعض الناس عندما يتكلم عن الملتزمين وكأنهم موضفين بشركة ولا شي
ترا الملتزم الي يطبق الإسلام صح

والي يحلق لحيته مهب ملتزم
والي أخلاقه زفت مهب ملتزم بعد

والسلام عليكم