[*سـكـر خـشـن*]

اقتباس المشاركة الأساسية كتبها حورية بريدة السلام عليكم ورحمة الله وبركاته بصراحه مدري من وين أبداء كلامي لاني من جد محتاره من اللي صار ولكن بقولكم اللي صار بالضبط وانتم الحكم امس الصبح دخلت منتدى بريدة سيتي وسجلت طبيعي رحت لقسم الترحيب بس تفاجأت انه كله شباب ومافي اي مشاركه من البنات فانسحبت من القسم من دون مااقولكم رحبو بي كالعاده في جميع المنتديات المهم رحت لقسم بنت بريده وشفت موضوع مثبت الا وهو الترحيب بالعضوات الجدد والله العظيم استغربت انا مسجله بكذا منتدى اول مره يصير معي هالشي المهم احترمت وجهة نظر اصحاب المنتدى وكتبت رد اني عضوة جديده ومن هالكلام ونزلت 3 مواضيع وبعد مانزلتها اتفاجأ برساله خاصه من شخص كريم ينصحني اغير الصوره فأحترمت وجهة نظره وغيرتها مع انه مو من حقه يطلب هالطلب كل انسان حر بنفسه والصورة اللي حاطتها عاديه جدآ وفيه مماثل لها في هذا المنتدى الكريم ولكن ماحبيت اكون ثقيله على اي عضو بالمنتدى وغيرتها لاني جايه وحامله مع كل الحب والاحترام والتقدير وحابه افيد واستفيد مو عشان اتخانق مع احد او عضو ياخذ منى موقف المهم غيرت الصورة وفي قلبي غصه لاني مشاركه بأربع منتديات وجميعها بنفس الصوره محد قال لي شي وبعد ماغيرت الصوره طلعت ونمت دخلت بعد صلاة العشاء وتأتيني رساله خاصه من عضوة كريمه تتهجم علي وتقول مداح نفسه كذاب وش دراك انك حوريه ومن هالقبيل ) بصراحه انصدمت لاني من زمان ادخل كل فتره وفترة لهذا المنتدى الكريم ولاحظت جميع الموجودين يتبادلون الاحترام وكل واحد يحترم وجهة نظر الثاني لماذا كل هذا الهجوم علي؟ مالذنب الذي اقترفته؟ مالعيب الذي ترونه بي ولا اراه؟ المنتديات المشاركه فيها كلها انا مشرفه فيها ولم يتهجم علي احد بالعكس دائمآ تأتيني رسائل شكر وتقدير من الاداره والاعضاء ويوم ققرت اشارك ابناء وبنات ديرتي اللي هم اولى بالمعروف يقابلونني بهذا الهجوم العنيف وياليت الامر اقتصر على هذا وحسب جمعت قواي وحاولت امسك نفسي واتجاهل الموضوع وذهبت الى المواضيع اللي نزلتها وأتفاجأ بأن جميعها محذوفه؟؟؟؟؟؟؟؟؟؟؟؟؟؟؟؟؟ انا بقمة الحيره ياأخواني وأخواتي طرحت عليكم ماحدث لي بالتفصيل وامل من الله ومنكم ان تفسرو لي ماحدث من ابناء منطقتي الغاليه ويقول المثل(العتب على قدر المحبه) أنتظر ردودكم لانني والله احببت هذا المنتدى ولكن لا استطيع ان اواصل مع كل هذا الهجوم من يوم واحد والسلام عليكم ورحمة الله وبركاته

رحمتك

والله يااحورية بريدة افضل الحلووول انك تتوااصلين مع اصحااب الفخااامة مشرفين ومشرفااات بريدة ستي وتشكين حااالك لين تصلوون الى نقطة اتفااااااااااق وانااا متفاااائل جدااا جدااا جدااا انك راااح تاااصلين لنتيجة

اتمنى لك كل خير