[خوي السرور]

سلام عليكم ..

أمس وبما أنه أول ليلة للدراسة من بعد العطلة .. كالعادة عجزت أنام

وجت الساعة وحدهـ ونص وأنا مانمت ،، قلت خل اطلع أتمشى بحارتنا ..

طلعت وقعدت أدور عند البيت وبيت جيراننا ..

المهم فجأتن سلّم علي بزر ..

أنا نزيت طلع علي فجأتن ..

قلت : وعليكم السلام ..

عاد هو ياحول خااااايف بالحيل ،، ومن الخوف سألن : أنت رديت السلام

المهم الولد عمره بهالخمسطعش سنة ، وخايفن بالحيل ومرتبك ..

بعد شوي دخلت للحارة سيارة صابونة .. وأخذ لفتين بالحارة وطلع ..

قلت وش السالفة ..

قال ذا لحقن ودخلت للحارة ذي أبهج عنه

المهم هشته وش يطلعك هالحزة وركبته معي بالسيارة ووديته لم بيتهم ..

فانتبهوا على عيالكم ياناس .. قبل مايطيح الفاس على الراس .