[جولانار]

عندي مشكله وابي مشورتكم زي ماقلت قبل .

اناعندي طفل عمره3سنوات و8شهور ومن صارعمره 9شهور بدت تظهرعنده مشكله مادريت انها بتزيد

مع الوقت {الخوف} وانا الى يومي هذا ماقابلت او سمعت عن طفل يخاف من عمر9شهور يعني زي ما

يقولون على طلعة قلبه...!

-9شهور يعني يخاف من الاصوات المرتفعه، اوانه ينام ويصحا بالحاله ،يخاف من الزول او الضل بالظلام
وكان يأشر عليه ويبكي ...
-بعد العمر هذا....خليني انط للسنتين ، استمر الخوف والتخيل لازم في كل مره ننام اذا زوّل له شي افتح النور واقول له شفت مافي شي واقرا عليه المعوذات والكرسي والي احفظ من سورة البقره
تقريبا كل يوم وماينام الاعلى حكايه .
-اما الحين مظطرررره اسئل واستشير خواتي بنات بريده لان الامر زاد عن حده صرت اظطراهوشه
حتى مايخاف
{{ الحين يخاف يروح الحمام تكرمون بالنهار بالحاله لازم ياخذني معه كل مره ،يقول يبي يطلع لي
الرجل الي يضحك من المروحه اومن هنا اوهناك.....والرجل الي يضحك هذا صوت سمعه صدفه بالجوال ...تذكرون الاصوات الي يدخلونها لما يجيبون بيت مسكون بافلام كرتون ضحكه تجي بصدى وتكون قهقهه شريره .هوسمعها والله لايوريكم مايتحرك الامعي ،،،يخاف من شكل الهيكل العظمي ، اذاشاف صوره بس وهاتك ياخيال .يخاف من الظلام اذا كنت تحت وهو نايم فوق وصحا ياقف بالدرج ويصيح من الخوف لازم اطلع له وانزله يخاف من اشياء كثيييير بس طولت عليكم معليش ابي احطكم معي بالصوره حتى تساعدوني .


للمعلوميه لمن كان عمره9ش وحده خوفته وكانت تقول ليش مايخاف من شي لازم يخاف حتى ياخذ حذره من كل شي ((حار بارد حيوان حشره شكل مايعرفه لازم يتفحصه بحذر))............وخوفته هي وقته من هذي الاشياء...انا بحِـسبة انها ام عيال صدقت بس عارضت ومنعتها ...هاذيك الليله اول مره ولدي يقوم مفجوع من النوم ويصيح وهو نااايم استمر4ايام يصيح باليل عند النوم ،بعدين ركد،،،،،والخوف الى اليوم يكبر حتى فلام كرتون مايشوف اي شي لازم انتبه له.
انا اقراعليه بنفسي كل ليله قبل ينام بس احتمال اوديه طبيب اطفال مختص .


انا مااسهبت الامن خوفي عليه لايجيه شي. فالي عنده حاله قريبه من كذا اودارسه بشي يخص الاطفال
او أم مجربه تساعدني وتشور علي.