|
طيب مداخلة بسيطة
ومنذ متى اصبح شبابنا ب حاجة لمراجيح وسليحات
اظن ما يحتاج لوحات
مكان مهيأ للعب الاطفال ولن ياتي الطفل بليموزين لوحده اكيد مع اهله
الاجانب ساكنين بشقق صغيرة يحتاجون للمتنفس
طيب يطلعون لحديقة البصر ؟؟ تسكر الساعة 11 ونص لان الهيئة بيروحون ينامون
وين يروحون؟؟؟؟
الشباب خصصت لهم اماكن فيها مسطحات خضراء (سادة) بدون سليحات
بتقولوا وين
انا ما سكنت بريدة بس شفت بجنب الامارة من جهة طريق الملك فهد مسطحات تطارد به الخيول
وايضا بجانب المكان اللي تقام فيه فعاليات الصيف
وايضا بالاسكان مكان رهيييب وهادئ وفيه مضمار للمشي وممارسة الرياضة
الاماكن كثيرة
البلدية مشت بخطة مدروسة وهي ازالة الاشجار الكبيرة من الحديقة لتكون مكشوفة ويصعب
لجوء النفوس الضعيفة لاستغلالها
وفعلا الحديقة(البلدية) صارت مكشوفة وماحد يقدر يلعب بذيله
نشكر البلدية والاهتمام
ونرجو ان ننظر للجزء المملوء من الكأس ولا نقتصر على الجزء الفارغ
اشكركم على الموضوع وعلى الغيرة
__________________
وش اللي يجبر الدنيا
تبادلني الضحاك طعون
|