[الليــ الأبيض ـث]

اقتباس فهل أنت ممن يحترم المواعيد بدقة ؟

نعم ..

اقتباس إذا واعد أخلف بكل سهولة وبرودة وعدم اعتذار بل أنه عندما تناقشه عن ذلك وكأن شيءلم يكن 000!!!!! سبحان الله000 تواعده الساعة 5 يأتيك 5.30 أي بعد نصف ساعة أو بعد ساعة 000 والأمر عنده عادي جداً !!!!!!!

هذا الأمر عادي عند بعض الشباب ..

يعني أعرف من خوياي إذا قال لي عن الباب يعني بعد 10 دقايق يابي يجي ..

وإذا قالي نص ساعة وأنا جاي يعني ساعتين .. والله من جد .. لاتحسبن أمزح أو أبالغ ..

ابذكر لك بعض الموقف والموقف كثيره جداااااااً ..

من ضمنهااا يوم من الأيام توعدنا أنا واحد من الشباب .. إن الساعة 9 بالمكان الفلاني .. حلوو..

تقريباً قبل الساعة 9 دق علي قالي وينك قلت بالطريق شوي وجااي قلت له أنت وينك قال بالمكان نفسه ..

طبعاً أنا حطيت رجلي قلت تأخر على الرجااال بعد خمس دقايق وصلت المكان إلا الرجال ماهب موجود ..

طارت عيوني قلت يمكن إنها رح يدور ويجي دقيقت عليه أول مكالمه ما يرد ثانيه ما يرد

الثالثه عفواً إن الهاتف المطلوب لايمكن الإتصال به الان .. .. الصرحة غثن قووه ..

بعد ماجتمعوا الشباب قالوا وينه قلت اخر خبري به يقول بالمكان نفسه لكنه مقفل جوال ..

بعد الساعة 12 بالليل دقيق عليييييه رد قلت وينك يالحبيب قال معليش والله إنشغلت مع الوالد ..

قلت شلون إن شغلت مع الوالد وأنت تهاوش تقول وييينك أقال والله موجود بس رجعت للوالد ..

الظاهر والله وأعلم إنها تصريف .. بس يارجال وسع صدرك >> على قوله الشيباان ..

بعض الناس بليد إلى ابعد حدود ..

=================

هذا واحد من الشباب قالي ابمرك قبل صلاه العشاء قلت زين ..

دق علي وهو يذن قالي أنا عن الباب تولم قلت متولم اطلع قال لا بس شوي وأنا عندك ..

قلت يعني نبي نصلي بالطريق قل لالالالا صل بمسجدكم .. قلت شلون تو تقول عن البااب ..

قال يعني ابعلم تجاهز نفس وإني أبمرك قلت يصير خير .. طبعاً بعد الصلاه أنتظر نص ساعة أحتريه يدق ..

مادق وأدق عليه مارد .. ثانيه مارد مليوون مره مارد .. قفلت معي ..

عااد أنا بعد مليون مكالمه قلت خلاص الرجال سحب .. يوم جيت أبنام الساعة الظاهر 12 بالليل ..

جتن مكالمه اشووف إلا خوينا وارد نعم السلام عليكم .. وعليكم السلام .. قال والله معليش مادري ايش وايش ..

قلت وينك ياخي ادق عليك .. اقل شيء ارسل رساله ماهب سذا الهرج سحب مره وحده ..

قال تعرف والله .. الوالد أخذ السيارة وأنا مامعي سياره .. قال إلا فااتك والله ياهو شيء المهرجااان ..

قلت يعني رحت للمهرجاان .. .. شلون تو تقول مامعي سياره .. قال كلامت أحد اخوياي ومرن .. طبعاً وش أقول اسكت ..

مثل هذا مايعرف يهرج وقل دبره ..

والموقف وااااااااجد أما عن الي تقوله نص ساعة يتأخر شيء طبيعي ..

ولا توعد واحد بعد صلاه العشاء يجيك الساعة 11:30 وعاااااااادي جداااااااً ..

وعنده الساعة 11:30 إنها بعد صلاه العشاااااء .. عسى الله يعين ويوفق ..

ياجماعة تراي كاتب الي فوق على عجــــل .. !