[حفيد اعقيل]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خايف عليها من الثرى غطاها = ولاالحصى حافي اخاف اذاها
اكرم عليها بالكفن يامطوع = بالبيت ظل فراشها وغطاها
اكرم عليها بالكفن هذي امي = وأشهد عليهافي ماعطت يمناها
هذي الضحى واليل يتحرونها = هذي السماء ونجومه تنعاها
هذي السوالف مثلنا تبكيها = هذي الارض تنشد عن اثر لخطاها
هذي الكبيره كبر هذي الدنيا = هذي العظيمه جل من سواها
ابكي عليها مونهار وليله = ولاسنه تمشي وأعد قضاها
ابكي عليها كثر ماشالتني = وكثر الحنين اللي اختلط بغناها
وكثر الاسامي وكثر من سموها= وكثر النجوم وكثر من يرعاها
ابكي عليها من القهر يادنيا = من لي انا من لي عقب فرقاها
من فتحت عيني ولاخلتني= وشوفو ولدها بالقبر خلاها
هل التراب بوجها ماقصر= شفتو ولدها كيف هو جازاها
لوانها مكاني ماسوتها = لاكن اعز عيالها سوها
يادود يدود شفها ذابله جنبها = انا ولدها وحاضر وافداها
قطعني هاك اللي تبي من جسمي = بس الكريمه لاتجي بحذاها
وأوصيك امانه قل لها تعذرني = وتكفى تروح تحب لي ماطاها
ابيها تغفر لي مثل ماكانت = كل خمله منهي بطيبها ترفاها
يالله عساها بنعيم الخالد = وعساها في جنة عدن سكناها
يافضو هاذا الكون ياهو خالي = ياضيق هذي الدنياء يامقساها
يامر طعم فراقها يامره = ماني مصدق ارجع وما ألقاها
وشلون اجي غرفتها ماهي فيها = وش عذري السبحتها ومصلاها
وش اقول انا لدولابها واذا = سالني مشطها وحناها
وعباتها ومي زمزم ومصحفها = والمبخره ورشوشها ودواها
الكل في غرفتها مفتقدها = حتى الجدار متفطر ويرجاها
الكل يبكيها مهو ناسيها = يالله صبرني وشلون انساها
ياليتها ماراحت وخلتني = او وسعت بالقبر لي وياهـا[/POEM]

الشاعر / الحميدي الشمري

معـذرة أخي على تطفلي بالتعديل وإجراء بعض الإضافات الطفيفة
على بعض الأحرف لتظهر كما كانت ,,