[أم فيصـل]

مخرج...]!

[...تعال خد منّي هدايـاك **وباقي الصور وأغلى المكاتيب.!
ماعاد تنفعني بلّيـاك ** وجودهن عندي تعـذيب...]

صباحكم [] وَ مساؤكم []

|| جاء الصيف وحان قطف الثمار..قصدي الهدايا..

**
لكل منا أسلوب في تقديم الهدية ..أحد يضع كروكي لمكان الهدية..يعني أبحث عن الكنز.
و أحد يقدمها في المكان المحبب للمهدى., و أحد يعطيها وجهًا لوجه., يعني تحسون وجهه مغسول بمرق



الهدية.
الآن مع الانفتاح أصبحت الهدية شيء معتاد عليه و أساسي
في المناسبات بعكس وقتنا حنا اللي إذا عطاتس أحد تشوكلت قعدتي تصارخين
ولا يهمك نوعية التشوكلت و طريقة تقديمها..
أما الآن فـ الكل يهدي لكن من يحــسن أختيار الهدية و تغليفهـا.؟!
حتى الهدية ترى لها موضة
..يعني الحين طريقة التغليف اللي ترز فوقه فيونكة و التغليف يكون مزخرف
و جوا الكرتون يكون مليان ورد مجفف أو القراطيس ذوليك اللي مقصصات
ترى راحت موضته أتذكر مبطي مرة يعني يوم أنا
عبسة.جتني هدية وكان اللي جوا القراطيس المقصصة.
أتذكر رحمت اللي أعطان الهدية حسيته مضيع وقته بالتقصيص

...]

أسلـوب./
فيه أحد يقدم دبدوب كبير مرررة صحيح قديمة
لكن للآن تشتغل هذي وتسوي مفاجأة حلوة.
ويرزه عند باب الشارع و يرسل مسج يقول الله يخليك أفتح الباب.
بعدين أنتِ إذا فتحتي الباب سوتي مثل هذا
لا و وحدة أعرفها دائمًا هداياه مميزة
و ودك دائمًا تعبرك بهدية بس للأسف ما جابت طاريك
المهم هداياها بتتتتلة ما تكون موجودة في المملكة.
يعني إذا عطتك شنطة/ جزمة/ ساعة / الخ.
لازم ماتكون الماركة فاتحة عندنا..يعني أحسها صدق هدية..
وفيه أحد لا مو مهم مكان الهدية وين..الأهم ترتيبها وتنسيقها.
و أحد حول يشوفك تحبين البيبسي ويعطيك الحمضيات.! هذي ما تسمى هدية..تسمى بلشة.
وأحد يعطيع تذكرة روحة وجية لمدينة تحبينها.

...

الموضوع هذا نتشاور في مضمون الهدية و شكلها.

مـدخل...]!

[... اعذرينى يا الهدايا ** لوهملتك فى الزوايا
مانى متحمل اشوفك ** ولى جابك مو مـعايا ...]

[أم فيصـل]

أيه نسيت..


أبي شووووورك يا بنت حواء.
ترى الحالة محتاسة.


المهم
هدية الرجـل.
وش أفكاركم له./ أنا عني صراحة مليت الساعة و الكبك و القلم و الثوب و الشماغ و البدلة و القلم وهالتكميلة هذي
وش رايكم بالشنطـة اللي تكون جلد و هي للأوراق بس أن كنت مش مخبطة فهي [ الدبلوماسية ], مع [ نظارة ] و [ كبك ]
ماركة وحدة و علبة صغيرة تشوكلت.؟؟

و بغيت أفكار للي توهم متخرجين من الروضة.
أنا أختي الصغيرة طلعت للأبتدائي و بغيت هدية تفيدها و تكون حلوة.
راسي أنفقش من كثر التفكير..
أنتم اللي ببريدة وش الأماكن اللي عندكم تصلح للطفل.؟؟
سواء ترفيه أو مشتريات.
بليز و أرقامهم..
وإذا ماحصل الأرقام فـ دليل الحكومة عندنا..بس أهم شي المكان المناسب.

[بنت الشماسية]

ياحبيبتي أسلوبك أعطى للموضوع شيء ثاني مع ان فكرة الموضوع مستهلكة بس طالع بأسلوبك حاجة روعة

ماشاء الله .

* بالنسبة للرجل [ جوال - عطر - آي بود - لاب توب ] طبعاً أنت لازم تهدينه الشيء اللي يميل لنفسه ويحبه ،

بالنسبة للشوكولاته ماتصلح الا بعد عملية أو في عيد بس هدية لرجل ماأعتقد خصوصاً أغلب الرجال مايحب

تقديم الشوكولاته كهدية - وجهة نظر -

* الأطفال .. اممم [ الجيم بوي ] مناسب بنات وأولاد . وهدايا الأطفال كثييييييرة

إذا استجد عندي شيء للموضوع عدت عزيزتي

دمتي بخير

[ح ـايلـــيـة]

أتركوا الموضوع على جنب !
الحين وراه المخرج قبل
والمدخل عقب

والألوان شيء خقق

ـهههههههههههـ ياحوبي لتس اوم فويصل

فايف ستارز على جبهة فصولي

ماضوع توحفة وأنتِ أتحفتيه !

بالنسبة للهدايا زيرو بها !
يعني ما أعرف وش أهدي ومتى وهيك !

أحب أحد يهدين بس مب بتله

ننتظر أصحاب الخبرة

[أم فيصـل]

اقتباس المشاركة الأساسية كتبها بنت الشماسية ياحبيبتي أسلوبك أعطى للموضوع شيء ثاني مع ان فكرة الموضوع مستهلكة بس طالع بأسلوبك حاجة روعة ماشاء الله . * بالنسبة للرجل [ جوال - عطر - آي بود - لاب توب ] طبعاً أنت لازم تهدينه الشيء اللي يميل لنفسه ويحبه ، بالنسبة للشوكولاته ماتصلح الا بعد عملية أو في عيد بس هدية لرجل ماأعتقد خصوصاً أغلب الرجال مايحب تقديم الشوكولاته كهدية - وجهة نظر - * الأطفال .. اممم [ الجيم بوي ] مناسب بنات وأولاد . وهدايا الأطفال كثييييييرة إذا استجد عندي شيء للموضوع عدت عزيزتي دمتي بخير

هلا والله بالغلا بنت الشمـاس.
صادقة..ما أحب اللي يهديك شي ما تحبينه.<< هذا المستخدم متعقد
والله الجوال فكـرة حلوة كانت غايبة عن بالي.أما الآي بود ما يبونه والأبتوب موجود.
يعني كل أبو الأشياء محرقة علي...أنا أفكـر بشنطة تحمل أوراق العمل و القلم المخصص كونه هذي الخصلة دائمًا مزعجة و مسبب فقدان لبعض الأوراق. مع نظارة شمسية و طقم كبك..العطر شكلي بوخر الشوكلاة و أحطه هو ..
بليز إذا فيه فكـرة جديدة خبروني.


*

الجيم بوي عنده وه الوقت يمشي و أنا للحين ما جهزت نفسي.
ودي بقسيمة شراء من مكان مخصص للأطفال بس مشكلتي ما أعرف أماكن القصيم بتاع الأطفال و الجديد عندهم.
أخاف أكلم المام تقولي لا موب لازم تراه مزعلتن اليوم

بنت الشماس ودعواتي لكِ.

[أم فيصـل]

اقتباس المشاركة الأساسية كتبها ح ـايلـــيـة أتركوا الموضوع على جنب ! الحين وراه المخرج قبل والمدخل عقب والألوان شيء خقق ـهههههههههههـ ياحوبي لتس اوم فويصل فايف ستارز على جبهة فصولي ماضوع توحفة وأنتِ أتحفتيه ! بالنسبة للهدايا زيرو بها ! يعني ما أعرف وش أهدي ومتى وهيك ! أحب أحد يهدين بس مب بتله ننتظر أصحاب الخبرة

أجـل وراه المخرج قبل المدخل.
تحسين أني أشبه الصورة بقوووة.
تلسمـي يا بتْ ده كوووووووله ترى من عيونك.
يا حبي له اللزيزه ده بس لو يترك عادته اللي كل ما جا يطيح تمعقط بقراعيطه كان يطلع أقدع واحد بالحتّة

أجل حايلووو ما بتعرفش أمال مين اللي يعرف
ههههههههههه لا أنا أموت ع الهدايا اللي تجي وقت خطمة ..يعني ما تكوني تنتظري أحد يهديك بعدين تجي هديه تصير هدية غييييير.( فهمتي حاقة )

وننتظر و إياك.
وترى مش لازم أنا اللي أنشد يعني ( أوعى تهتم أو تحتار غير الموزوع ده لا تختار )