[‘.. نفحة العود ..’]

بسم الله الرحمن الرحيم

السلام عليكم ورحمة الله وبركاته
اما بعد .. <~
إن الحمد لله نحمده ونشكره ونستعين به ..<~ تراوه مايقلد أحد ..
شرفتونا ونورتونا يا ابل علي
وبعد الغياب وبعد البكاء على الفقد المر وبعد النحيب وبعد النياح والنباح على فقد على فقد على فقد <~ فلم هندي
على فقد .. وشو ؟ ! والله مادري ماسكن هالكيبورد ادعس وافغص بهالأزرة وشكله بعد شوي بيتفل بوجهي
يوووه من زمان ماحطيت موضوع بالسواليف يعني حق إضافة موضوع جديد جيتكم ومحشت الغبار اللي عليه بكمبل عقب العجاج اللي جا ..
إلا مير وش اخباركم مع الدراسة وخرابيطة .. ياعيال المتوسط والثانوي ..الله يازمان .. ؟
قولوا من شفنا الحاسبة اللي ممزوعة بالصورة الشخصية وحنا غاسلين ايديّاتنا ..أخ بس .. >.<
<<~ يقولون فيه واحد معلوك بالسواليف ..
مير وشوهوله انا حاطن هالموضوع ؟!!

إيه صح .. ,

قبل اسبوع تقريباً <~ يوجعن قلبي وانا أقول تقريباً احس اني كشخة بس مادري وشلون ..
إيه قبل اسبوع عطان ابيي الله يحفظه ملزمة تسجيل الغياب ومن هالخرابيط وقال يالله زينهن وتسجيل ومادري إيش هذا غاب يوم كذا وهذا يوم كذا .. أشياء ماتعرفونهن انتم <~ بدا يجخ
عاد يبين ازينهن لأنه هو هالأيام مشغول ومن هالحركتات
عاد عطان شي- ن ثاني ..

هالشي الثاني حق متابعة السلوك وقال يالله زينهن و جايب لي مليون فاصلة نص ورقة تعهدات لطلاب المتوسطة
لأن الوالد الله يحفظة وكيل متوسطة عيال <~ أحسبه بنات ..
انا حطيتهن على جنب قلت متى ماخلصت من اشغالي ناظرتهن

جا ذيك الليلة مابي نوم واقوم وافتح الدرج <~ احلف ..
وارفع اول ورقة نحو بصري ..

وش اناظر وش هالخط وش هالخرابيط ..

ويجيك ذاك الصراخ بالغرفة اشوا ان كلن نايم ولا تسان امي تجلط تحسبن انهبلت ..
وتتمزع مصراني من الضحك ..

اشياء خرابيط ..
والوالد الله يحفظة <~ إحس بشي غريب ..
والوالد على هالطلاب جلد وجليد ولفع ولفيع وملاحق بالأسياب وهو لهم بالمرصاااد ..

عاد جبت نموذج من بعض النماذج .. <~ يجخ
طبعاً الوالد هو اللي ينَقّلهم .. يالله أكتب انا فلان الفلاني فعلت وفعلت وفعلت ...الخ
والله يااهو وناااسة ..

..



سحبت شماغ زميلي وتهاوشا اثنين <~ هندي .. هذا اللي انا أقراااوه



انا رميت على نافذة الفصل قلم .. والله يابوي بعد على كل شي هع ..



دخلت مكتب الوكيل وهو ليس موجود فقلبت احد السجلات <~ ابوووك ياللقافة



عبيت قارورة ماء شاهي ورميته على الفصل الثاني اثناء وجود المدرس ..



كتبت على شماغ الأستاذ أطالب بتغييرة لأنه يمانع عن مايلي : <~ يااااكشخة ..
الخروج إلى دورة المياه وإلى المختبر والاستاذ يطالب بنقل الطلاب بكيفه ..



أني استهبلت



بدون علم مني تفلت الحب فجأة في فمه ثم تفل على وجهي ويحسبني كنت قاصد وثم قال لي قابل بالطلعة .. <~ ونااااسة



جيت للمدرسة الصباح وذهبت إلى البقالة وشريت اللوزين والعصير البرتقال ورجعت إلى المدرسة وهم يدخلون الفصل .. <~ مادري المدرسة الحين مايبيعون عصير وخبيزات ..



نظرت مع النافذة ..



كنت جاي من الفسحة ماسويت شي رايح فصلي ضربني مع ظهري وانا ماسويت شي ثم تضاربنا وقطع زرارين <~ جريمة قتل ..



تعهد بأن احضرت الفصفص وأكلت داخل الفصل ..



رمي علي اوراق من العتيبي ورميت القلم ولم يصب اي حبر <~ شكل كل الحبر اللي بالقلم على ثوب الولد



عاد ياشباب الإسلام أبغى رأيكم بهالصور وفييييه كثير منهن بس مليانات أسماء عجزت احطهن ..
وبعدين صراحة عجزت أصيغ الجمل علشان أكتبهن بسجل السلوك ..

والسلام خير الختام .. <~ تعبير عن بر الوالدين

مع السلامة