[الجوزاء!]

السلام عليكم ورحمه الله ..

انا اليوم جايه اتكلم عن جامعه القصيم الفاشله
بالاخص كليه التصاميم والاقتصاد المنزلي

بالانظمه والقوانين ..

بصرآحه استحي بقووه اني ادرس بهالكليه
وبالجامعه ذي الي طالعه المركز الثالث من ورا

وش ذنبي انا وش ذنبي انا تهئ تهئ

كل شي ممنوع الالوان الصيفيه بس اربع الوان
وكم الحاير ممنوع
الاسود , بني . ابيض .بيج

انا مدري وشوله البني محد طالبه

الكحلي تلبسينه!
يلاحقونك لين ماتكتبين مخالفه

على بالهم فيه سوق اسمه ملابس كليه التصاميم والاقتصاد المنزلي مول
ولابعد اشوفهم اليومين مدهرين انتخابات ومدري وشو ماتحس الا انك بمجلس البلديه

والي يقهرك بس كذا سمعه يعني لاشي للافضل

ورئيسه القسم <تغذيه

ماقد شفتها الا تهاوش !!

يعني اتوقع اننا وصلنا لمستوى لابد تعاملنا باحترام واسلوب مهذب
مايحق لها ترفع صوتها احتراما للمستوى التعليمي الي وصلته الطالبه

والشؤون لايقل عنه
تدخل عليهم والله العظيم يطالعونك من تحت لفوق كل الي بالغرفه
ماتحس الا بشي غلط

والعميده وماادراك ماالعميده عاد

مع احترامي الشديد لها

هذي جامعه ليست مدرسه تطبق انظمتها الفاشله
انجح وافضل الجامعات بالمملكه متحرره بلبس
انا مااطالب بهذا الشي ولكن تعيد النظر

بس تتوقعون ليش طلعت ناجحه!
لان دراستهم دسمه ومتعمقه
وهذا الشي نفتقده للأسف

ونعوضه بشي جدا مخزي ومجلب لضحك

ليش حنا تابع لجامعه القصيم والانظمه والقوانين كليه بحت !!

ليش اول اسبوع من بعد الاجازه حسب الغياب!
وللعملوميه الجداول الجامعيه مانزلت الا يوم الاثنين بالليل
وياريت فيه محاظرات كان اقول معذورين
بس سجلي حضورك واطلعي

اتوقع هذا الاسبوع الاول
من احقيه الطالبات الاسبوع هذا
الحذف والاضافه وتعديل اظن!

وماتبون تطلعون جامعه فاشله!

متى نستوعب وندرك!

والسؤال الدائم
متى نرتقي بالاسلوبنا وتعاملنا ..
ومتى نبحث عن الافضل ليس السمعه ..

مع خالص احترآمي ..