[د.غمارة]

الـــسلام عــليكــم ورحــمة الله وبــركاتــه

بالأمس كنت ملوي مع الشاحنات >> ملوي بمعنى فائق السرعة ..

وتفاجأت بكاميرا بالرصيف اللي بين السيدين

فما كان مني الا الاتصال على 993

المكالمة الأولى لايوجد رد

المكالمة الثانية : لا يوجد رد

المكالمة الثالثة : فرجت ورد علي شخص أسلوبه راقي ..

فقلت له وش سالفة كاميراتكم اللي ماليات الشاحنات وهل اشتغلن وإلا لا ؟


قال الكاميرات مركبات تركيب مبدئي ولكن التشغيل في 15 رمضان المقبل

شكرت الرجال وأنا مدري هو وهقن وإلا صادق وانهيت المكالمة ورحت أدور الكاميرات ابتفاهم معهن ..

ويالهول ما رأيت

من إشارة هرفي إلى إشارة هايبر بنده كاميرا ..

من إشارة هايبر بنده إلى إشارة المحاكم كاميرا ..

ومن إشارة المحاكم إلى موفنبيك كمان كاميرا ..

ومن موفنبيك إلى إشارة الثلاثين به وحده ..

ومن الثلاثين إلى دوار الراجحي كاميرا ..


بغيت أسوي ذهين وكل ما مريت من عند كاميرا أغطيه بشماغ بس خفت يجلدونن


وعلى العموم السرعة مابه خير ..

فـكم من حبيب فقدناه ,, ولكن ساهر( تسايدن) بالحيل علينا ,,



لكن بلانا من هـ الباصات المتنقلة ,,


وعذرا على الإطالة ,, وما كتبت هذا الموضوع إلا لخوفي الجم على جيوبكم وجيوب آبائكم > للي مواترهم بأسامي شيبانهم


انتهى ..

[شاب بريداوي]

لالا المرة هذي جايب الخبر من مصدر قوي اللي هو 993 اللي ما ردوا عليك الا تالي وانت متحملهم لعيون بريده ستي و اعضائه والا ؟

طيب وراه ما صورة الكاميرات علشان نشوفهم تعرف الناس عميان ما يشوفون الا كان تحط اصبعك على الكاميره علشان يشوفه .

وانت صادق السرعه مابه خير , بس وش نسوي خلهم يحطون سرعه معقوله مهب يبوننا نمشي اقصى سرعه 50 ولا 60 وراه قاعد ادور محل على اليمين . اللي ماشين 70 طاااير نقوول عاد ابو فلان مسرع الله يرحم ايام الجرس اذا ما رن تراي ما مشيت .

الله يعين الوالد وجميع الاباء اللي عندهم سيارات باسمهم معطينها عيالهم

[الفهد الأسود]

تدري وش الي جاز لي بالموضوع ؟؟

كله أكيد بس هالجمله رحت وطي معه

اقتباس ومن إشارة المحاكم إلى موفنبيك كمان كاميرا ..

تدري وراه ؟ عشان الي بالاحمر ههههه


أجل زين كاميرات مهب باصات زي الرياض عشان الواحد يحفظ اماكنهن

[د.غمارة]

شاب بريداوي ..

تستاهلون يابعدي ..

وترى الكاميرا ما تجي لحاله .. يجي معه صندوق زي كيبل الكهرب طوله تقريبا متر ونص او مترين وتكون الكاميرا فوقه ..

يعني واضحة بالحيل للي يركز ..

بس المشكلة بعضهن بالرصيف اللي بين السيدين وبعضهن على اليمين ..

[د.غمارة]

اقتباس المشاركة الأساسية كتبها الفهد الأسود تدري وش الي جاز لي بالموضوع ؟؟ كله أكيد بس هالجمله رحت وطي معه تدري وراه ؟ عشان الي بالاحمر ههههه أجل زين كاميرات مهب باصات زي الرياض عشان الواحد يحفظ اماكنهن

حتى أنا رحت وطي

والباصات جايات بالطريق ,, يبون يمخمخون علينا لكن الله يستر ,,

يقولون بعضهن بيحطونهن بالبرسوبس

[حساني الروماني]

واوك انواع الوناسه امبيه

[وهــــم]

(ساهر)
الله يعطيه الموت ولا يحيا بعده
لا برمضان ولاغيره << طفران

[غريب احساس]

النظام تم تشغيله مبدئيآ

[المنخرش]

والله ياب وأب يبي يسحب السيارة عن ولده

أتوقع راح تخف زحمة البزران أيضاً مهب كل من فطمته امه ركب هايلكس ولا ربع

لأن طبيعي السيارة باسم ابوه إلا قله

[د.غمارة]

اقتباس المشاركة الأساسية كتبها المنخرش والله ياب وأب يبي يسحب السيارة عن ولده أتوقع راح تخف زحمة البزران أيضاً مهب كل من فطمته امه ركب هايلكس ولا ربع لأن طبيعي السيارة باسم ابوه إلا قله

اللي شرى له السيارة قادر يسدد مخالفاته ,,

[الفهد الأسود]

اقتباس المشاركة الأساسية كتبها حساني الروماني واوك انواع الوناسه امبيه

بسم الله عليك لا تموت من الفرحه

[د.غمارة]

آجل يقول آنواع الوناسة !!

كله كم يوم ولاك جاي تسفل بساهر عندنا ,,

بس الله يكفينا شر المهايط ,,/

[MiLaNy]

انا مازملت الا للجامعه يبوننا نمشي 90 افلقني ان ركبت لوحات هع << زاحف

يعطيك العافيه يعني نستانس بقطع الاشارات الا 15 رمضان

[MiLaNy]

شارع القناة ما فيه ؟