[][^][جالكسي][^][]

جيت قبل كم يوم وبديت يادافع البلا اقلب صفحات جريدة الوطن - اكرمكم الله -
وقلت يالله اسمه اسمه فاضي ولا شغل ولا مشغله خل اقلب خشيشتي قدامه
واشوف وش الدنيا صايره عقبي لاني مثل ما ( اخبر روحي ) والا انتم ما تخبرونن
كنت سياسي محنك خاصة يوم ازمة الخليج الثانية بس عاد يوم جت الثالثة
قلت اترك الدرعا ترعا احسن لك


عاد وسعادتي يقلب صفحات جريدة الوثن - كيفو الشباب -
شفت هاك المقال اللي ماشاء الله تبارك الله ما بقي الا بس تطق ورا اللي كاتبه
همن يرقص على رجليه ويديه من كثر الغرور وشوفة النفس يادافع البلا
ماسكن له قطعة خشبه تسمى بعض المرات قلم وحاطن تحت ايده جلد حمار ( محشومين )
ويشخبط ويلخبط لين تعبت ايديه لكن ياحسرة مالقى من يعطيه وجه
بس عاد الشيطان احسن مستشار للمغفلين والسذج قاله الشيطان ياحبيبي انت دبشه
شف ترا مالك الا مشايخك تدق عليهم وتمسح بهم الارض علشان تطلع
اثر هالكلام وافق هوى بنفس هالشخبطاني وصدق وركض لقطعة الخشب والجلد
وبدا الحسد يملي عليه كل شي وصار مثل العجوز العمياء اللي تبي تهاوش رجله
وتصارخ عليه بالغرفه وهو قاعدن مع ربعه بالمجلس مكيف ومعينن من الله خير


بدا صاحب السعاده يجرجر ويمسح وبدا على ما اذكر بـ ( لا تحزن ) همن عاد توالت
الامور والدحدرة لمين وصلت مقاله اللي يستهتر فيه بالمدافع عن السلفية
همن عاد جا هاليوم اللي انا قاعدن اقرا فيه جريدة الوثن يسب في شيخه ويعلمه وش
المفروض يسوي بالقنوات الفضائية ويستهتر بلبسه البشت والشماغ الجديد !!


هذا الله يسلمكم ديك القايله يقولون انه ماله حظوه بين الدجاج لا الصحيحه ولا الوجعانه
لا هو قادرن يصير ديك مع الديكه ولا دجاجه مع الدجاج صايرن طالع ( آوت )
المهم قرر يصير شي عند هالدجاج ويثبت لهن انه فتوة زمانه وانه ماهمه
صار هاك اليوم بعد الظهر ورقى فوق صندقة قريبة وبدا يذن وهو رافعن راسه
عقب اشوي قال هالحين جت التشخيصه ابروح لم الدجاج واطرب زماني
يوم نزل من الصندقه واثر لا دجاج ولا ديكه ولا حوله الا بر برير وارض فسيحه
طبعا باختصار شديد كان راكب فوق ددسن الجيران اللي ولدهم راعي السياره
مدرس بالحفر اثر هالديك بكل هالطريق يذن !!!!!



على فكره تراي نسيت اقول لكم السلام عليكم