[شهبندر]

والله ياجماعة إن هذا إلي حصل

دخلت أمي للمستشفى المركزي وما كان معها إلا شغالة اثيوبية وما تفهم عربي
المهم أخذوا للوالدة كشف وتحليل دم ( تطلع نتيجتة بعد حدود ساعتين ) وقسم النساء مايدخله الرجال
وبعد ساعة رحت لحقين الاستقبال وقلت وش صار على المريضة قالوا إسأل ( المشرف )
قلت وين هو المشرف ؟
قالوا هذا هو ... وكان قاعد عند حقين الاستقبال
قلت له أمي في قسم النساء وما معها إلا شغالة اثيوبية وما تفهم عربي وأبغاك تشوف لي وش صار عليها
قال رح لقسم النساء ودق الجرس وتطلع لك ممرضة واسألها
رحت ودقيت الجرس وطلع لي عاملة نظافة وقلت لها ازهمي لي ممرضة فقالت : ما فيه معلوم !!!!
رجعت للمشرف وكان قاعد عند حقين الاستقبال وقلت له ما طلع لي ممرضة , جتني عاملة نظافة وتقول ما فيه معلوم.
قال : قل لعاملة النظافة تسأل لك عن المريضه !!!!!

لا تعلييييييييييييييييييييييق على ردّه

المهم ما أطوّل عليكم ... الوالده طلعت وبخير والحمد لله والشكر