[ولدالديره]

قبل يومين وقد كنت في المنطقه الشرقيه مصطحبا أختي وابناؤها الثمانيه
ولد اختي بسيارته معاه زوجته وكم راس :D وان معي اختي وبقية الرعيه
قالو الابناء نبي نروح للبحرين طبعا استبعدت هذا الشي لان علي مخالفتين واحده سرعه والثانيه سرعه
الفرق بين الاولى والثانيه ان الاولى اخذتها وبتقصير مني كنت ماشي بسرعه 180 على طريق القصيم رايح لبريدتنا الله يحفظها لنا لكن الثانيه ممشاي ماتعدى 120وقالي الي بنقطه التفتيش انك تمشي 130وبالدول المتقدمه امريكا واوربا اذا زاد كيلو خالفوه قلت له هات المخالفه ارحملي من مناقشتك .......

المهم انا مستبعد دخولي للبحرين لكن قلت خلنا ندخل ونجرب واسوي نفسي مدري
اختي معاها دفتر العائله وولد اختي مع دفتر عائلته الخاص به ومعاه بالسياره زوجته واحدى اخواته
انا قلت ابصير الاول ولد اختي الثاني لاني ضامن ارجاعي
اعطيتهم بطاقه احوالي وصوره (( اكرر صوره فقط وليست الاصل )) لدفتر عائله رجل اختي الي هي وعيالها معي
دخلونا بدون اي مشكله واستغربت هذا الشي مع اني كنت امشي ببطئ وانتظرهم يرجعونا لكن شفت ولد اختي تأخر نزلت من السياره لقيت ان سيارته منتهيه استمارتها ورافضين يدخل قلت له خلاص نرجع قدر الله وماشاء فعل
لكن الولد عليه لسان وجلس يقنعهم لين دخلوه
خلصنا من الجوازات السعوديه دخلنا على جوازات البحرين
اعطيتهم دفتر العائله قال انت ابوهم قلت لا انا خالهم قالي عندك تلفون ابوهم قلت ايه اعطيته تلفون ابوهم راح وكلمه قدامي
يافلان انت تدري ان بنتك القاصر ( .....) وبنتك القاصره (......)طالعين للبحرين
رجل اختي عاد فاهم الوضع وقال ايه انا موافق
دخلونا ولا كن شي صاير

والله شي غريب
البنات قصر بالعرف الرسمي والاستفسار يأتي من جوازات البحرين وتصورو لو انه واحد من طالع ببنت قاصر ومعه دفتر عائله صوره وطلع البنت
ترى ماحد قايله شي
وسلامتكم

[صقر الوادي]

افااااااااااااااااااااا
يعني صارو ارجل منااااااا
<<<<<<<<< يلعب بالنار ... راح فيها صقر الوادي :D ...


ع العموم الحمد لله على السلامة ... ولا عمرك تسرع


...

[الصباخ]

شكلي بروح البحرين هالأسبوع .. أبجرب زيك .. وأبشوف ..



بس هنك تسرع مره ثانية .. وهنك تروح للبحرين .. تراه ديرة خراب بس .. السعوديين يروحون للبحرين علشان ذاك وذاك اللي أنت خابر .. وهمن يرجعون ..


واللي يقولك أبروح أتمشى .. إعرف إنه كلاك .. البحرين مابه ولا شيء ..


مابه إلا مجمع السِيف .. وفيه سينما .. اللي أكثر السعوديين يقولون إننا نروح علشان نشوف فلم ..


شكراً لك ..

[°®₪أخـت رامـي₪®°]

الشكوى لله ... الله يهدينا

كذاب اللي يقول أروح أتمشى في البحرين <<< مع أحترامي لك أخوي بس هذي الحقيقه

يمكن تجربه مرره بس كل سنه ويقولون نتمشى هذي ماتمشي علينا ..

البحرين للخرااااااااااااااااااااب بس مثل ماقال صباخ ..

مشكوووووور

[وحيد الخلان]

أجل هقوكـ نروح نجرب هم يدخلوننا ولا لا ؟؟

خلاص يا جماعة اللي يبي يخاوينا يرفع اصبعه علشان يتكي معنا ,, واسرعوا بالحجز علشان تركبون بالغمارة :D ,, واللي يبي يصيف تراوهـ يبي يتكي بالصندوق ,,


يالله سلام

[ولدالديره]

شاكر مروركم اخواني الكرام .........
ودي افتح موضوع ثاني عمن يدفع 20الف في ماليزيا هو وعائلته ويقول ذبحنا الغلاء بابهاء والطائف

[لويس دينيرو]

ولد الديرة

أبسألك سؤال على الطاير

هل يحتاج جواز سفر لدخول البحرين ؟
أم بطاقة الأحوال تكفي ؟ ===>> ناوي على روحة

وهل السيارة يجب أن تكون باسمي الشخصي أم لا ضير إن كانت باسم الوالد >><<<<< باسم الوالد


الأخ الصباخ تراي ابروح معك للبحرين

[ولدالديره]

الله ياخذ بليسكم كلكم
ياخوان انا عارضت سفرة اختي مع عيالها ولا ماعارضت انا تهاوشت معهم ولا ماتهاوشت
انا فقط اوضح شي واحد ان الجوازات عندنا ( داجه )
بالنسبه للبحرين اخوي جلست فيها نصف ساعه وطلعت اخذت مندي من الثقبه ورجعت للبحرين سئلني موظف الجوازات البحريني أنت توك طالع وتبي تدش قلت احسبلي ساعتين انا ما طلعت فانا بثلاجه مستشفاكم
ديره اللهم لك الحمد والشكر حتى البحرينيات يروحن يتسوقن بالراشد بالخبر ماعندهم الا الخبث والخبائث الي هي نفسها موجوده بماليزيا <<< كلما طلعلي واحد يقولي مايروح للبحرين الا داشر وانت وش موديك لماليزيا وعندك ابها والطايف والله يافيه مناطق بالطايف وانت نازل للباحه ماعمري شفتها لا بماليزيا ولا ببونجاك باندونيسيا ولا بالزبداني ولا بفانس فرانسيسكو
قال عندا غلاء
ايه هين اي غلاء وانت دافعلي عشرة الاف ريال تذكره لك ولعيالك واتحدى تلقى فندق نظيف باقل من 300بكوالمبور لاومن زين الامور يجيك صيني بماليزيا ويلعب عليك ببخور خشب ههههههههه
شابف بعيني ولاحد قايلي مره ورجال على شاطئ بماليزيا كما وضعتهم امهاتهم
وش موقفك وانت مودي عيالك هناك ياجنط
قال عندنا غلاء والي راح للبحرين تراه داشر
ياشيخ ضف وجهك

[..بريدة.. موطني...]

تدري ليه لأن الأغلبيه بيكون هذا ردهم.
v
v
وش قصدك بنات اخوي فيهن شي احترم نفسك ترا ذولا اشرف منك ومن اللي جابوك..وبتصير هوشه..

احنا ما نتقبل اي شي من السعودي..ما ادري ليش..

والموضف قال ابعد عن الشر ياعمري وغنيلو..

[لويس دينيرو]

ولد الديرة

تراي سألتك أسئلة ولا جاوبت عليّ

ممكن تجاوب

[الأسطورة]

اقتباس المشاركة الأساسية كتبها لويس دينيرو ولد الديرة تراي سألتك أسئلة ولا جاوبت عليّ ممكن تجاوب

أسمحلي ياولد الديرهـ أرد عليه <<< والله يا أنا ملقوف:D

بس شفتكـ ما عطيته وجه كسر خاطري


بالنسبه للجواز لا بد من الجواز لجميع دول الخليج بإستثناء الإمارات وعمان يكفي البطاقه الجديدة ..


أما بخصوص ملكية السيارهـ فما أدري صراحه بس أتصل على المنفذ حق البحرين وراح يفيدونكـ


أتمنى إني أكون أفدتك يا (( لويس دينيرو)) والله ياعليكـ أسم ما أدري وش يبي ...

[الصباخ]

لويس أنا سيارتي باسمي .. تراهم يشترطون إن السيارة باسمك علشان تطلع فيها ..

ماعليك أنت .. دق علي ونتخاوى إن شاء الله مع بعض ..

[ميمون]

طيب فيه سؤال مو غبي ..
إذا كانوا حريصين على محارمك .. وأخذوا منك رقم ولي الأمر للتأكد .. لاحظ أخذوه منك أنت ياللي تبي تطلع ومعك الحريم ..
قل لي وشا المانع إنك تعطيهم رقم رفيقك اللي أنت متفق معه من قبل ؟؟ والله إن تمشي عليهم زي السلام عليكم ..
أقصد إن طريقتهم مثل قلتها .. ما دام اللي يبي يعطيهم الرقم هو نفس الشخص اللي يبي يطلع ..
هذي الله يسلمك تنفع لو كان الرقم موجود عندهم وما سألوك ..

تحياتي