[d7eem]

في مساء يوم الاثنين ذهبت انا وعائلتي الى منتزه الخليج الواقعه بالدائري الغربي الي ودك تسمع بها ولا تروح لمها المهم لما وصلت الى الحديقة طلب مني البواب خمسة عشر ريال قلت له تفضل بس عسا فيه اماكن وجلسات حلوه قال تفضل وتجد مايسرك قلت بسم الله ولما عديت البوابه اومير اشوف الناس تقل بسجن من صغيره و كثرة الناس وسوء التنظيم وكثرة الشباب المتجول فيها انا اول مرة اجي لهذه المنتزه ولكن اتعجب من الي دايم يجي لمه . التقيت بحارس امن قلت له في اماكن غير هذه قال شف الدكات مسترة قلت انا منحاش من البيت وتبي تحطن بالعشه هذي الا غير هالكلام مافيه قال لا قلت له ممكن استرجع بعض المبلغ او جزء منه قال لا قلت له مع السلامة حتى اني ماقدرت اخرج الا على خلف من زحمة الناس كل هذا الكلام اقل من خمس دقائق والله ماشافت عيني اسوء من هذه المنتزه . ابي راي كل من يطلع على هذا الكلام هل انا على حق ام لا ؟؟

[kiing98]

مو هالدرجة اللي تقولها والنقد اللي تكلم فيه عن ( الزحمة ) وهي ليست للنقاهه بل هي للعب وتغير الجو وأم النساء فلهن مكان خاص
علــــــــــماً : لست أرتاح فيه ولا غيره !!
والشكر موصول لك

[قصيمي صميم]

البيت أستر لك ولعائلتك

[احساس جارف]

وانا اشهد

[ẦβǾŨĐỸ]

انا رحت لمه وقلت اقبح شاليه بالعالم :s

[نسايم نجد]

هو عوائل ولا شباب

[درة القصيم]

اي والله أنه يجيب الكسل مابه شي زين ..ومساحته صغيره جدااا يالله لك الحمد

هذا المفروض مايسمونه شاليه حسافه عليه والله

اقتباس هو عوائل ولا شباب

للعوائل

[حديث الساعة]

ماشفت حق الحريم فيه ريحه تقطع القلب
فيه مسبح بالوسط وثيل حواليه للجلوس يمكن عرضه خمس امتار
والمسبح مليااااااااااان اطفال اولاد وبنات واعمار مختلفه
وانواع الروائح والله تقل بياره

[.:انــجــريــنــد:.]

انت على حق

وحنا معك

[KaReeM]

اليوم ابروح له مع العائلة

بس يوم قريت المقال هونت ابقعد بالبيت

[عديز]

خخخخخخخخخخخخخ

والله أنتم خسرتو الرجال

مابه منتزهـ ببريدة إلى به الزين والشين

بس خله على الله

[أبو عبدالله القصيمي]

جزاك الله خير
والله كان ودي اجيه بس كل يوم اقول اغديه باكر
لكن جزاك الله خير اختصرت لي الطريق
بعيد!!!!!!!

[نصراوي]

منتزه العيري جميل

[شعلة بريدة ستي]

منتره العييرى بارك ممتاز