[فكرت وخلصت]

السلآم عليكم. عساكم بخير. (- أهم شي عنده انكم بخير
لنا جيران لهم عشر عيال . اخرهم محمد وعلي. محمد عمره 20 وعلي17. طلعت مره من المسجد ابي اروح للبيت. شفت محمد طالع معي سلمت عليه . وسألته عن علومه واخباره . (محمد عربجي). قال : بخير يامال الخير. قلت : ادخل تقهو. قال : قداام شف الدرب. دخل قعدنا نسولف. لقيته واحد عادي كنت اخاف منه. عاد قلت له : انت كلن يخاف منك سربوت( فل كامل) على انك حبيب. قال : شف ابي اقولك شي. قلت : قل وشو. قال : تعرف اخوي علي صح . قلت : ايه . قال : تدري ان اهلي الحين شارين له كامري بـ55ألف وامي معطيته عشرة الاف عشان يكمل المدرسه. ( محمد طالب في مدررسه ليليه في ثاني ثانوي ولا معه سياره ولا يشتغل)ويكمل يقول : وانا ماابي شي ابي بس يعبروني انا اكبر منه ليه ماقالو يامحمد ماتبي سياره, والحين انا طحت في كل شي ردي, وكل الي تسمعه عني ترا صدق , تدري اني مايهمني شي ماااخاف اسجن مااخاف اموت, والله اني اتمنى اموت , ومره دخلت على ابوي وعنده اخوي علي شفته يعطيه خمس إميه . عاد طلع اخوي . وقلت لبوي ابي ميتين ابي افصل ثياب قال: والله مامعي الا هالخمسة اريل تبيهن . قلت : تو معطي على خمس وشحيثني انا . قال : علي يستاهل . طلعت منه . ورحت لم امي . وقلت لها : يمه معك ميتين. قالت : ياوليدي والله مامعي غير هالريالين تبيهن. قلت : لا خليهن لك. وطلعت من البيت ورحت لم العيال في الاستراحه وكانت مافيها الا واحد واكبر مني. وقلت له السالفه. قال : بس خلاصك عندي اصبر اشوي ابي اوصل السياره وارجع لك. قلت: طيب . ورجع بعد اشوي. ومعه قاروره. اول مادخل الغرفه قال: هذي قاروره خارجي اشرب والله ان تنسى الدنيا . قلت : هات . وشربت لما انطنخت. عقبها طحت في الشراب. والحين ابي اترك المدرسه .بعد كل ذا انا اسألك: وشلون ماتبي اصير سربوت؟؟....... انا توهقت ماادري وش اقول له قلت : الله يعينك..... كتبت القصه بعد اذنه...... تقبلوو تحيااتي..