[محمد الفاتح]

على مكتب أبي ديفيد .. هاتف احمر .. كُتب عليه USA .. كان واضعا قدميه على المكتب حين رن الهاتف .. رفع السماعه وقال : هلا ابو دبليو .. سم سم .. جايك الحين ..





--- في البيت الابيض ---


جلس الرئيس الامريكي جورج بوش على مكتبه البيضاوي .. خلفه نافذه .. فُتحت ببطء شديد دون ان يدري .. خرج من خلفها رجل وضع يديه على عيني بوش وقال : هااااه عرفتني ؟
بوش : امممممم من ريحة الجراك شكلك ابو ديفيد .
ابو ديفيد : ههههههههههه الله يرجك عرفتني بسرعة ..
ترك ابو ديفيد رأس بوش وعانقه .. ثم جلس على الكرسي المقابل لبوش وقال : وش عندك مناديني ؟
بوش : وش هالنفس الخايسة ؟
ابو ديفيد : ابد ماتدري ؟ .. اقول لك افزع مع فلسطين تؤيد شارون ؟
بوش : خخخخخخخ يبن الحلال امزح معك ..
ابو ديفيد : ذا مزح ؟
بوش : ههههههه ياخي انا احب ارفع ضغطك .. تخبر كل الباردين اللي زيي يحبون يرفعون ضغط الحارين ..
ابو ديفيد : انت بارد ؟ .. نسيت يوم تدق على كلينتون وتقول له ابي مونيكا وعيا عليك ؟
بوش : يارجال مونيكا شينة ..
ابو ديفيد : اللي مايطول العنب ..
بوش : يوووووه حتى انت تسمع لدريمز ؟
ابو ديفيد : دريمز ؟
بوش : احلام .. يبن الحلال لاتدقق .. وش اخبار خوينا التفخ ابو برطم ؟
ابو ديفيد : عرفات ؟
بوش : ايه ..
ابو ديفيد : يقولون سحبوا منه وكالة البراطم ..
بوش : هههههههههه ياخي ذا الادمي غريب شكله غبي ..
ابو ديفيد : منتب عاقل يالقرد ..
بوش : احسن منك يالتيس الاشهب ..
ابو ديفيد : ههههههههههه هذي كنت اقولها لخوينا ذاك وش اسمه .. ايه توني بلير .. وش اخباره ؟
بوش : أبد يزقح .. يتناطح هو وبرلمانه .. ياخي ودي .. ودي .. نسيت الكلمة وشي ؟
ابو ديفيد : تمتطي ؟
بوش : ايه ودي امتطي اذانه ..
ابو ديفيد : اكثر من هالامتطاء ؟
بوش : اكثر ..
ابو ديفيد : الا على طاري الامتطاء وش هالطقاقة اللي جايبها معك ؟
بوش : كوندليزا ؟
ابو ديفيد : ماغيره .. ياخي انتم يا رؤساء امريكا ذوقكم ماش واحد اولبرايت والثاني ذي ..
بوش : بلاك ماتدري .. ذي تعطيك في السهرات لا قامت تطق ..
ابو ديفيد : للحين وانت راعي خنبقة ..
ضحك الاثنان .. وفي هذه الاثناء دخل رامسفيلد ومعه رجلان .. وقال رامسفيلد : ياحليلهم الكتاكيت وش بهم يضحكون ؟
رد الاثنان بصوت جماعي : مالك شغللللللل ..
بوش : ابو ديفيد .. اعرفك ذا طبعا مايحتاج تعرفه رامسفيلد وذا ريتشارد بيرل وذا ..
قفز ابو ديفيد : دييييييييييييييييك
ديك تشيني : ابو دييييييفيد ..
تعانقا بعنف وصرخ ابو ديفيد : الله يقلعك يالدب فكني ..
ديك : ههههههه للحين وانت رخمه ؟
ابو ديفيد : انا رخمه .. اقول اعقل لا اطلع فضايح امك ..
ديك : طلع يارجال مافيه شي مستور عندك ..
ابو ديفيد : تذكر هاك اليوم يابوش يوم نشرب عند امه .. يوم طلعنا وخقيت انت مع تمثال الحرية ..
تنحنح بوش وقال : استح استح فيه رجال ..
ابو ديفيد : ههههههههههه تستحي ؟
قاطعهم رامسفيلد قائلا لبوش : قلت له ؟
بوش : لا مابعد ..
رامسفيلد : وش تحتري ؟
ابو ديفيد : وش السالفة يا شباب ؟
بوش : ابد يبو ديفيد .. ودنا نقوم بحق ضيافتك لكن امريكا في خطر وودنا بفزعتك ..
ابو ديفيد : افا عليك يا بوش امريكا بخطر وانا موجود .. انا خدام امريكا ..
ريتشارد بيرل : ايه واضح ..
ابو ديفيد : اعتقد ياريتشارد ان خدماتي لامريكا ما احد ينكرها ..
ريتشارد : اها بس .. تلايط .. نسيت يوم قربا مربط اللكزس مني ؟
ابو ديفيد : بوش .. شف يا انا يا هو بهالمكتب ..
بوش : يبن الحلال روق المنقا ..
ابو ديفيد : منيب .. طلعه ..
ريتشارد : شف من يتكلم ؟
بوش : اقول ريتشارد .. يله تقلع بس ..
ريتشارد : تطردني عشان ذا ؟
بوش : ايه انقلع ..
ريتشارد : ترا ان طلعت اعتبر اني مقدم استقالتي الايام الجاية ..
بوش : على شحم ..
خرج ريتشارد من المكتب .. فالتفت رامسفيلد على بوش بغضب فأشار له بوش اشارة اسكتت رامسفيلد .. ثم التفت على ابو ديفيد وقال : طال عمرك حنا متوهقين وش بنسوي بعد حرب العراق لو مالقينا اسلحه .. وخبرنا بك ابو التصريفات .. فودنا بوحدة من تصريفاتك نخف بها على العالم ..
ابو ديفيد : انت تعرف يابوش اني اخدمك بعيوني بس الا ضد العرب ..
رامسفيلد : بتخدم غصب ..
ابو ديفيد : وان قلت لا ؟
اشار رامسفيلد لديك تشيني الذي اعطاه ملف رماه على ابو ديفيد وقال له : هذا الملف فيه كامل فضايحك .. يوم انك تغازل بشارع الحوامل وتهج من الهيئة .. ويوم انك تقطع الاشارة وانت مطيح اللوحة ويوم انك ..
ابو ديفيد : يؤ يؤ يؤ .. وش ذا كله ؟
رامسفيلد : الله يخلي ال CIA .
بوش : رامس .. لاتشد على ابو ديفيد .. ابو ديفيد بيخدمنا بعيونه ..
ابو ديفيد : صدقت صدقت يابوش .. بس الموضوع يبي له تفكير ..
ضغط بوش على زر في اسفل مكتبه وطلب من سكرتيرته بالقدوم اتت وهي تحمل حقيبتين .. وضعتهما اما ابي ديفيد .. ابتسمت في وجهه وهي تفتح الحقيبتين وخرجت .. نظر ابو ديفيد الى اكوام من المال في الحقيبة وقال : ايه الحين اقدر افكر
بوش : وترا السكرتيرة بعد لك ..
ابو ديفيد : هههههههههههه عيب يابوش تخبرني ما احب السكند هاند ..
بوش : ولا يهمك اجيب لك وحدة وكالة وش تبي بعد ؟ .. هات التصريفة عاد ..
ابو ديفيد : قولوا ان الاسلحه موجودة بشنب صدام ..
بوش : احسسسسنت .. والله رايقة هالفكرة .. طيب حبيبي حنا ودنا بعد العراق نطقطق بكم ديرة .. ولا حولنا حجة زاهبة وش نقول ؟
ابو ديفيد : امممممممم .. قولوا ان صدام حلق شنبه قبل ماينقتل .. عشان يتنكر وان الحلاق مغبي الشنب بشنطته .. وان الحلاق بالديرة الفلانية اللي ودكم تطقونها ..
صفق الثلاثة للحل .. ثم نظر بوش لابي ديفيد وقال لرامسفيلد : رامس .. ركب ابو ديفيد على اول صاروخ طاير لبغداد ..
ابو ديفيد : وشووووووووووو ؟
بوش : ههههههههههه ياخي انت تبي تبتل طول عمرك غبي .. نفذ يا رامس ..
رامسفيلد : سم طال عمرك ..
دخل 3 رجال حملوا ابو ديفيد الى خارج المكتب ..





--- على الصاروخ ---


ربط الرجال ابو ديفيد على الصاروخ .. وتقدم رامسفيلد يحمل كبريتا لاشعال الصاروخ صرخ به ابو ديفيد : رامس تكفى لا .. يرحم امك اقلها ودني بيتنا .. طيب عطني الفلوس تكفى تكفى تكفـــ.... آآآآآآآآآآآآآآآآآه
وانطلق الصاروخ



--- مخرج ---


صدر مرسوم جمهوري من مكتب الرئيس بوش يقضي بقصف بغداد والبصرة والنجف وكربلاء واي مدينة اخرى يشتبه فيها بوجود ابو ديفيد حتى لايذيع السر ..



--- قبل ان تخرج ---


لامريكا قدم في أفغانستان .. وستضع الاخرى في العراق .. ومابين القدمين سيكون مصدر لمطر من الاوساخ .. فهل تملكت مظلة تحميك ؟



--- معلومة اخيرة ---


كان سقوط بغداد - على مر التاريخ - بداية نهاية الامة الاسلامية .. او ماتبقى منها(15)




اخوكم
محمد الفاتح

[الضرغام]

امحق ربع

[محمد الفاتح]

والله انك صادز