[بنت آبوي]

السلام عليكم

آخباركم؟؟اخبار العيال والاهل انشالله بخير؟

الحمدلله

المهم يابنات تكفوون انا حرمتن محتاره مرررره ولا ادري وش اسوي بعمري

سلمكم الله رجلي جته بعثه يكمل الدكتوراه برآ ((لندن))
واذا بياخذها لازم بعد رمضان نروح ..

انا ولدي توه تام خمس شهور ومع العلم ان الجهه اللي ابتعثته يقولون له فرصة تدريب عمل هناك
يعني هو دراسته 3سنين والعمل كتدريب هناك 3 سنين ويرجع معاه خبره وكلن يتمناه وهذا اللي مشجعني نروح ..بس ست سنين مهيب شوي وهو عادي لانه دارس الماجستير هناك يعني مهيب غريبه عليه ..بس انا وولدي ماودي ولدي يربى هناك يعني برجع وعمره 6 سنوات يعني قد كبر وآخذ أطباع ..وعلى فكره السكن يقول انه فلل كلها سعودين حوالي 52 فله جنب بعض وكلها سعودين وبعضها من الكويت
واللي مزيد الطين بله انه فيه امل نقعد اكثر من كذا هناك يعني يمكن تمدد وتصير 8 او اكثر..انا مااحب الغربه ..بس والله مدري
ابوي متحمس يقول روحي وحتى اخواني مشجعيني يقولون طسي فكينا
بس انا ودي وماودي مدري وش السواة ؟؟؟

مع اني استخرت كثير ورجلي يبي بس يقول كان ماودك خلاص نقعد واخذها هنا
<<رحمته



وش رايكم؟

[ثقة]

اولا مبروك البعثة
ثانيا ما دام انك تقولين ان زوجك وده وانتي استخرتي وكذلك الوالد الله يحفظه يشجعك طيب ليش ما تروحين ؟

هذي فرصة والفرص ما تتعوض !!

نصيحة لا تتردي فالوقت يمضي وقد لا تدركون هذه الفرصة مرة اخرى ..

بكرا إذا حصل زوجك على شهادة الدكتوراه إن شاء الله يبي يفرح كثير ويبي يشكرك على مساعدته وانتي بعد تكونين مرفوعة الرأس بزوجك وإنجازه فلا تترددي .

بالنسبة للولد لا خوف عليه كثير اللي يروحون وبالعكس ابناؤهم يستفيدون من بعثات الدراسه ..

بالتوفيق للجميع ..

[بنت آبوي]

جزاك خير ثقه

كلامك شجعني


ألف شكر :

[طبعي كذا]

وش فيها كثير اعرفهم راحوا هناك والحمدالله ماجاهم شي

بالعكس انتي ولدك صغير احسن من يكون مرحله المراهقه

والله يكتب لك الخيره

[بنت آبوي]

ياختي انا دارسه ثالث متوسط واولى وثاني ثانوي بلندن بحكم ان ابوي يشتغل بالسفاره..وتعودت على التنقل

بس ولدي الخوف عليه

شكرآ..اختي

[أم فيصـل]

هلا بــ بنت أبوك.
وراه مترددة..!
روحي بس الفائدة ترى بترجع لك أنتِ أولاً و أخيرًا فرصة لا تضيعينها.
بالنسبة لـ النونو ترى هناك في أماكن للسعوديين يعني تحسين عمرك بالخبوب << قوية
بالعكس أن أشوفها أنه فرصة أنك تربينة تربية [ حسنة ] يعني أنتِ طول الوقت بتكوني متفرغة له فـ تحسنين المعاملة معه., وراح أنتِ تتصرفين بالنوع اللي راح يندمج معهم., أحمدي ربك أنك مارحتي و هو أبو [ 14 ] .ساعتها صدق تقولين أروح أو لأ.
وبعدين خلي الولد يطلع [ عنطليزي ] بالرطن
وصدقين أن شاءالله ماراح تندمي.


وكلي أمرك أنتِ بس للي [ عينه ما تنام ]

[بنت آبوي]

أم فيصل..حبي لك والله..

تسلمين

[乂♥ متفائلة ♥乂]

من رايي تروحين والله فرصه وولدك إن شاء الله مايتأثر ..

وأهم شي تستخيرين ..

والله يعينك على الغربه ..

[بنت آبوي]

تسلمين .., متفائله

[. الأمــــل .]

الاستخاره لان الخيره فيما استخاره الله.

ولاادري انا بالذات لا اشجع الفكره

وزي ما يقولون نصف القوت راحه .

[أشيقرية]

وعليكم السلآم ورحمة الله وبركاته

هلا هلا .. نزقح وانا اختتس ..

وانتي علومتس .؟!

أول شيء ../.. [ إن شاء الله ] <- تكتب بهذه الطريقة وليست [ إنشاء الله ] لاختلاف المعنى ..،

ثاني شيء ../.. ماخاب من استخار .. راحتك للشي ماتبين من أول استخاره .. استخيري في كل يوم مرّة ومتى ما حسيتي بـ راحة لـ السفر اجزمي على السفره وفـ وداعة الله .. وان ماحسيتي بـ راحة اجلسي ..،

و الله يسهّل أمرتس ..،

.. ..

[بنت آبوي]

الأمـل .., اشيقريه ..

الله لايحرمكم الأجر .., تسلمون ..

[بنت آبوي]

طيب ووش رايكم اذا رحت هناك وكبر ولدي شوي آكمل انا بعد ماجستير
انا معي بكالريوس English ؟؟
اكمل؟؟ او بس كذآ يكفي ..

[. الأمــــل .]

يا عمري يابنت ابوي هناك فيه اختلاط وزوجك ماراح يصير معك .اذا مافيه اختلاط زين طيب وولدك تخلينه لحاله

اهم شي ولدك وزوجك خليك قنوعه والا اذا جيتي للسعوديه كملي احسن لك ترتاحين نفسيا

الله يوفقك ويسعدك ويحفظكم بالروحه والرجعه .امين