[غريب 2000]

سلام عليكم ورحمة الله وبركاته
بعد تقصي وطول متابعه وطول تصفح وعناء
إكتشفنا ما هو آت :

ان لكل عضو من اعضاء بريدة ستي الله يخليهم لنا ويحفظهم ، لوه شخصيتوه الخاصة ، فلمن اراد ان يتهارجَ هو وإياهم فليضع في اعتباره ان لكل واحد منهم مزاجه الخاص :

أولاً : المنخرش:
هو المشرف اللذي إذا نكتت انت عنده انخرش من الظحك
ولكن إذا هاشك يوماً ما فسوف يخرشك خرشتن ما بعدها خرشة
ثانياً :ابو شباصة :
ذو ترقب ودهاء ، ما يهموه لا مشرف ولا غيروه ، نفسوه لا وصلت وصلت ، مافيه لعب يا تعقل ولا اعقلك انا
ثالثاً: الهر :
شخصية مميزة ، غير ، غير ، ما يملح ويبهر الموضوع غيروه ، من مميزاتوه انوه اول من يرد على موضوعك ، فنصيحتي ـ احسب حسابوه
رابعاً : ابو حسان :
ذو احاسيس جذابه ، وابتسامه مشرقه ، وعيون زغر وله جمهوره ـ تحيتي له من هاذا المنبر

خامساً : دريم :

تراوه رجل مهوب مره معليش على هالعباره ، ولكن من سمع هالاسم ظن انوه مره ، لين يقرا تحت *ذكر* يعرف .

سادساً :كربة نخلة

اووووه . وش خليت وش خليت ، هو بيت القصيد ، هو مربط الفرس ، ان كتب عن موضوعك انوه زين ترا الكنترول سمح لك بالمرور .

سابعاً : الجني العبد

ياخي احس ان كل حياتوه نكته دايم شاقن هالخشة ، ياخي الله يسعدوه دايم ، ما عمروه كتب رد ، الا وتسمع صوت اللي يظحكون < أعرف ابالغ

ثامناً :مستر خالد

انواع التفتفه ، ردودوه على كيف كيفك ، يقولون * بعض العرب تحطه على الجرح يبرا وبعض العرب لو مابك جروح يجرحك * ما ادري وش دخله بس تمشي

تاسعاً :الدب

يوقع الناس في الفخوخ ، ثم يتهرب منها ، والشاهد على ذلك اخونا ابو شباصة

عاشراً : ابو عمر * راعي التصاميم *

ما هنا اروع من تصاميموه ، بس شكلوه يحتار لا منهو بغا يرد ، اغلب ردودوه ضحك .

الحادي عشر : ابو عمر@ * راعي التصوير الفني *

عندوه سوالفن ما ادري منين يطلعه ، لا بغا يرد على موضوع ، يتشكر ويتشكر ويمشي ، يا خي شذب شوي .

الثاني عشر : طالب طب

سنايدي وشقردي وسنافي واللي تبي ، وقد قلت فيه بيتين وهن :
يا طالب الطب يا واف المواعيد يا حر الاحرار ** يا شهم يا صـــــنديد يا كاسرن مسمارها
يا ليث يا غيـــث يا ونس يا أنس يا نسل الأخيار ** يا ذيب يا هيب يا وحش يا رايحن نوارها

الثالث عشر : ريكـــي

بالردود نكته ، بس بنفس الوقت ردوه بوه ذكاء شوي ، تراي ما اشحط ، انا انبه ـ ريكي ينكشك بالرد حتى يعرف الموضوع وشو بالاصل ، الله يصلحوه .
في الختام ، انا صحيح اني نسفت موضوع ابو شباصة على جنب ، لأني جبت عدد كثير من الاعضاء ، لكن ارجو منوه السموحه < مع اني ما اتوقع يسامحن لانوه بوه نكاده شوي

[أبو شباصة]

اقتباس ذو ترقب ودهاء

لك عبيتلي مزاجي

يا حبيلهم اشوفهم إكبروا وبدو يخذون مكاني
وراك ما تكتب العدد الخامس بدالي

يكنينه ..

اقتباس لكن ارجو منوه السموحه <

مشاء الله عليك إقالك مهذب

أولاه لو أدري ونهوبه بيتكم لاغولك وطلع عيونك مع اسنونك

يا شباب من يوصفلي بيته وله جائزة قيمة عندي
واللي يبي يخاوين لمه لا ينسئ العجرة

[أبو شباصة]

لا تخاف

[ALHR]

اقتباس ثالثاً: الهر : شخصية مميزة ، غير ، غير ، ما يملح ويبهر الموضوع غيروه ، من مميزاتوه انوه اول من يرد على موضوعك ، فنصيحتي ـ احسب حسابوه

لي عوده ان كان هناك ردود تضحتس

[mr.khaled]

اقتباس المشاركة الأساسية كتبها غريب 2000 ثامناً :مستر خالد انواع التفتفه ، ردودوه على كيف كيفك ، يقولون * بعض العرب تحطه على الجرح يبرا وبعض العرب لو مابك جروح يجرحك * ما ادري وش دخله بس تمشي

الحين هذي مدح وإلا ذم وإلا وش تكون

وشي تفتفه

[غريب 2000]

هو
شباب وراكم زعلتو
ما عنيت اغظبكم
ابو شباصة ، كفو والله كدها وقدود ، وانا اروح معك لبيتهم واخذ ان بغيت السكتون مهوب عاد العجرة

[غريب 2000]

الهر : تي تشوف اللي يرضيك
وابد ردودن تظحتس .

[غريب 2000]

هو مستر خالد
وش جاك خبطت .
لا مدحه ومدحتن دسبريتن بعد . ولا هنا مدحتن دسبيرتن عليك
ومعنا تفتفه يعني نكتتتته ، عرفت .
المهم نروح مع ابو شباصة يا شباب ولا ؟

[الغلا السامي]

ثالثاً: الهر :
شخصية مميزة ، غير ، غير ، ما يملح ويبهر الموضوع غيروه ، من مميزاتوه انوه اول من يرد على موضوعك ، فنصيحتي ـ احسب حسابوه




قسم بالله أنك صادز ..

[ALDB]

تاسعاً :الدب

يوقع الناس في الفخوخ ، ثم يتهرب منها ، والشاهد على ذلك اخونا ابو شباصة

هههههه حلوه فخوخ

وين حنابه فخوخ قالولك نصيد دببه أمريكيه

وبعدين من الي قالك إني تهربت من أبوشباصه حبيب ألبي
وهذانا أتفقنا وعيب عليك تشيع الإشاعات ويوم تقول إنه تهرب كان
بس يوم ونص بعد كان خربان إتصال
الإنترنت عندي فهمت ولا لا






بس كل دايم أهوش الله يهديك هاذاوأنا
ماودي أهوش لكن ....






الله يهديك ومن يقرا

[أبودخيل]

بقى أنا ؟؟

[mr.khaled]

اقتباس المشاركة الأساسية كتبها غريب 2000 هو مستر خالد وش جاك خبطت . لا مدحه ومدحتن دسبريتن بعد . ولا هنا مدحتن دسبيرتن عليك

فكك الله وإلا انا منخبص من الهر وأحسبك مثله

مادام إنها مدحه أجل تسلم والله

وإن شاء الله دوم عند حسن ضنك يا أطلق تفته بالعالم

[غريب 2000]

الغلا السامي : هلا والله انت والخالدي يجي وقت تشذيبكم ، بس خلنا نجمع لنا شوي . شكراً
آمين الله يهدينا جميع .
انا قلت يشهد ابو شباصة على ان اسمك الدب هع .
هو انا قايلن شي غلط ؟
وبعدين ابو شباصة ذا ما ودك اروح انا لبيتوه اوريه شغلوه هع هع .
وش دخلوه بموضوعي ؟؟ هع

[غريب 2000]

ههها
خالدي مطنوخ هعهع
يجيك الدور بالتشذيب ، اصبر شوي ؟؟! هع