[لااله الاالله]

السلام عليكم ورحمة الله وبركاته ......................

الله يجزاكم الجنه ووالديكم يارب .. من يعرف مدرسه ابتدائيه نموذجيه صح يعني فيه اهتمام بحفظ القران والمواد الاخرى ويكون المدير جيد والمعلمين كذلك..
منزلي بالافق وابغاها قريبه واذا كانت نموذجيه وبعيده مو مشكله أهم شيء ابغى ولدي بمدرسه صح والله ان بعض المدارس الحين يخوفن
انا مدخله بمدرسه تحفيظ والله ما فيه اي اهتمام ولا فيه مراقبه على الطلاب ابد والمدرسين مافيه اهتمام يصحح الكتاب ويكتب ممتاز ونجمات والمشكله الجواب غلط .. رحت للمدرسه واخذته يوم الاربعاء بدري وطلعت ما فيه احد بالفصل من المدرسين وطلعت ما احد قال لي وينه ولا احد دري عن اصلا اني ماخذه ولا افقدوه الله يستر المشكله اني ابغاه بالتحفيظ يحفظ القران بالسنوات الاولى ولا تقولون حلقه الحلقه مو مثل المدارس ..

ارشدوني للمدرسه الزينه الله يرزقكم الجنه ..

[منيفه اخت صيته]

ماظن بهالوقت يكون فيه ....
بس ترى تحفيظ البناات ... اكثر اهتماام من العياال ..

[حامل الراية]

مع انني لااقتنع الا ان مدارس التحفيظ عموما لها مستقبل للطفل اكثر من غيرها من جهة الاهتمام بالقرءان والتجويد ومع هذا فهي من اسوء المدارس اخلاقا فطلاب التحفيظ اسوء اخلاق من طلاب المدارس العادية وذلك لان اغلبية الناس يدخلون اولادهم التحفيظ من اجل المكافئة فقط ولو قيل انه لن يكون هناك مكافئات بعد اليوم؟؟ لم يبقى الا القلة لكن الله يصلح احوال المسلمين ..؟

[لااله الاالله]

ألف شكر لكم على الردود .............

لكن معقوله فيه أحد يدخل عياله علشان الراتب ؟؟؟؟؟؟؟؟؟؟؟؟؟؟؟؟؟؟؟؟؟

ومعقوله مدارس التحفيظ يكون فيها انحطاط اخلاقي ؟؟؟؟؟؟؟؟؟؟؟؟؟؟؟؟؟؟؟؟

والله ثو والله ما دخلته علشان الراتب أنا ولدي الله يحفظه ان شاء الله سريع الحفظ قلت ادخله التحفيظ علشان يستغل حافظته بحفظ القران الكريم وانا كنت داخل التحفيظ ودرست كل مراحل عمري بالتحفيظ والحمد لله احس عندي معارف بالقران والتجويد والمواد الدينيه والاحكام احسن بكثير من اللي حولي ما ادخلوا ....

وكلن بيرزق حسب نيته ..

بس ابي مدرسه يكون فيها اهتمام بعض المدرسين خراب الطلاب والمراحل الاولى التأسيسيه اهم من غيره بالاهتمام لانه راح يواصل تعليمه بناء على المراحل التاسيسيه اعرف واحد نجحت بنته لثاني ابتدائي وهي ما تعرف تقرأ ولا تكتب والله حرام على الدرسين لازم يخافون الله بطلابهم ليش ينجحونهم وهم ما يعرفون وليش ما يتابعونهم هذا غير الاهمال اللي داخل المدرسه ما يدرون الطلاب وش يسوون طبعا بعض المدارس الله يهديهم ....

أرجوا اني احصل مدرسه نموذجيه أقل شيء بمراحل التأسيس .............. والله يوفق الجميع ..

[ايام زمان]

اختي حريصه على ابنه دخلته مدرسة صالح البليهي لتحفيظ القرءان وهي تتمنى لعل ابنه يحفظ القرءان
أو لعله أقل شيئ يضبط قراءة القرءان نظر

لكن تفاجأت لما علمت من ابنه أن الذي يسمع له المحفوض أحد زملائه في الفصل
الولد في صف ثاني ابتدائي
والله راحت الذمة من بعض المدرسين
اسألكم بربي هل هذا المدرس ومن كان بمثله أداء الأمانة
لكن أخيرا أقول تبي التعليم الحقيقي غالباً لايكون إلا في المساجد ومدرسي أكثرهم يدرس بدون مايأخذ مكافأة وكذالك الطالب لايطمع أن كون لقراءتهي مقابل
فيأخذ الإبن لحفظ والتربية في انن واحد
لكن وصيتي لك أنتحث عن الحلقة القوية ولو بعدت السافات
فلابارك الله في المال إذا لم نذهب جزء منه للتربية الابنا
ولابارك الله في الوقت إذا لم يذهب جله في تربية الأبناء

[العفالقي]

مدرسة الامام حفص بالمريدسية لاتفووووووووووووووووتك -والله يوفقك ويصلح لنا ولك النية والذرية-----تقبل مروري

[معصقل بس قوي]

هذي القدوة الله يخلف علينا بس
ما دهورنا الا هالمطاوعة
يترك الطلاب ويروح يصلي سنة الضحى
هذا اذا احسنا الظن
الله يخلف

[لااله الاالله]

جزاكم الله خير على الردود ........

[سامي بريدة]

اقتباس المشاركة الأساسية كتبها معصقل بس قوي هذي القدوة الله يخلف علينا بس ما دهورنا الا هالمطاوعة يترك الطلاب ويروح يصلي سنة الضحى هذا اذا احسنا الظن الله يخلف

عذراً حبيبي لا تعمم الله يصلحك

ثم هل شهدت بذلك الذي سيسألك الله عنه ؟
وهل نصحت من رأيته كذلك ؟
ثم لاتنس بارك الله فيك بعض أصحاب الأسهم .

[الوزير الفدرالي]

والله ماعندي علم ..

لكن اللي اقدر اقوله الله يخلي لك ولييييدك ويقر عيون والدينه بوة والله يجعله من حفظة القران الكريييم

وان شاء الله يجي الييوم اللي تصلون وراو بمكة

[لااله الاالله]

أخوي الوزير الفدرالي ..
الله يجزاك خير على الدعوه ولك بالمثل ان شاء الله ..
والله انه جتني الصيحه يوم قلت تصلون وراه بمكه .. الله يقبل منك يارب ..

اللهم اصلح نياتنا وذرياتنا يا حي ياقيوم ..

[ابوفلان]

سلام الله عليكم
ياليت تسأل عن تحفيظ القران اللي في حي التوفيق شرق حي السلام اسمه أبي بن كعب اذكر إنه جيدة والله يقر عينك بصلاحه ويجعله ذخر لك ولوالدته وللمسلمين.امين..امين..امين

[لااله الاالله]

جزاك الله خير اخوي ابو فلان ..
والله يجعله بموازين حسناتك يارب .. والله يتقبل دعاك يارب ..