[رجل طموح]

بسم الله الرحمن الرحيم
السلام عليكم ورحمة الله وبركاته
وبعد
بعيدا عن الرسمية اليوم سأتكلم باللغة العامية ..لان المقصود ايصال الفكرة الى أكبر عدد ممكن ..

والله يا شباب ويا شابات إن الواحد اذا جاء يبي يتزوج يشيل هم وهم عظيم بعد لان الزوجة يدور عن مواصفات خاصة فيه والرجال يبي كذلك

عشان كذا انا عندي اقتراح ودي لو كل واحد منكم اذا جلس في مجلس او في اي محل انه ينشره عشان يصل الى المنفذ (وعندنا عيب حنا السعوديين اذا صار عندك مشكلة او اقتراح ما تدري وين تروح كل يرجمك على الثاني الين تمل وتهون , والا بعض الناس اذا ما اعجبه اقتراحك قام يسفل فيك ويوريك انواع السب الين تهون وتتوب ما عاد تقترح وعارف ان بعض الناس بردودهم في هذا الموضوع يبي يسون مثل كذا لكن عشمي انه فيه ناس فاهمه ومتفهمه )
المهم نرجع لموضوعنا ::
اقول ياليت بما ان الان قبل الواحد لا يتزوج سواء رجل او مراءة يجب عليهم الفحص , اللي يسمونه فحص ما قبل الزواج , وفعلا تم هذا الاقتراح وتم قبوله من الجميع او بالاصح لاقى استجسان الجميع
وصار الان اجبااااااااااااااااري ..
ياليت لو يكون مثلا في كل مدينة مقر يهتم بزواج الشباب والشابات وللتوضيح اكثر يجب على كل شاب وشابة بلغا سن الزواج تسجيل استمارة عندهم فيها مواصفات الشاب ومواصفات الشابة وتكون هالمعلومات سرية ولا يسمح بالزواج الا عن طريقها
, فاذا الرجال طرى له الزواج راجع هالدائرة هو وابوة وعطاهم مواصفاته اللي يبيه وعن طريقهم يوجهونه بس توجيه للناس اللي يصلحون له (بدلا من شغل البربسه اللي صايره الان سواليف حريم ما تدري وش صزها من كذبها )
وكذلك المرأة اللي تبي رجال بمواصفات خاصة تتقدم الى هذا المركز وما يمنع انها اذا لقت رجال يناسبها انها توصي القائمين على المركز يخطبونه لها وليس من العيب في شيء لان عمر بن الخطاب رضي الله عنه ثاني الخلفاء الراشدين خطب لابنته ثلاثة رجال ورفض اثنان وتم الزواج بالثالث وهو نبينا محمد صلى الله عليه وسلم
فقدوتنا الرسول واصحابه من بعده ما ودي اطول في هالجزئية لانها فيها حساسية وتحتاج موضوع كااااااااااامل
المهم
ويكون في هذا المركز ناس استشاريين وناس يوثق فيهم من المعروفين بالخير والصلاح

ومن ايجابيات هذا المشروع :

تقليل نسبة الطلاق اللي الان الواحد يطيح على ناس ما يدري وش يصيرون ثم يتفاجئ باشياء ما تخطر على باله ثم يطلق بعدها تصير المراءة مطلقة !!! ولا حول ولا قوة الا بالله

افشال مشاريع الزواج التي تتم بطرق غير مشروعة وهدفها مااااااادي وربما شيطاني وذلك لان القائمين عليها لا يعرفون الحلال والحرام ..مثل الزواج عن طريق الانترنت وغيرها ...
القضاء على العنوسة التي بدأت تنتشر انتشار النار في الهشيم ...

والايجابيات لا تنحصر ... لان الهدف من الموضوع طرح الفكرة فقط ...
شكرا لكم

انتظر آرائكم ...
كتبه
رجل طموح يطمح خدمة دينه ..

[سنايبر]

وعليكم السلام

يعني تعتقد انهم احرص من اهلك عليك ؟؟




اعتقد مهنا فرق بينهم وبين الخطابه بس ذولا بمكتب وهذي ببيت




بالنسبة لي

اؤيد ان الاهل يدورونلي احسن من غيرهم مهما كان

[•°انكسار الأماني°•]

^^

مهب المشكلة فيك ياطويل العمر لإنك رجل محشوم إجتماعياً تخطب أنت وخبرك بناتنا مشافيح يلفن أي رجل .
لإن البنت عندنا مرجومة إجتماعياً وتأخذ واحد ماتدري عنه بس يالله تزوجي علشان مايقولون الناس عانس .
وهذا من أكبر أسباب الطلاق عندنا , مافيه شيء أسمه حرية خلوا البنت على مزاجه تتزوج متى مابغت بإختيارها وبرضاها .
لا إذا وصلت البنت 25 بدوا الناس يحنون فوق راسه تزوجي تزوجي تقل تعبانين على مصروفه عاد من بتأخذ ؟؟
عيالهم الأشاوس الله يخلف كل واحد يقول لأخوه أنا أشين منك ليتهم على هاللقافة طلعوا رجال والله مجتمع متخلف ,

بالتوفيق لمشروعك والله لو يسوونه إن مايتزوج أحد بالأصل ماحولك ناس كفو الزواج .

,,

[رجل طموح]

اقتباس المشاركة الأساسية كتبها سنايبر وعليكم السلام يعني تعتقد انهم احرص من اهلك عليك ؟؟ اعتقد مهنا فرق بينهم وبين الخطابه بس ذولا بمكتب وهذي ببيت بالنسبة لي اؤيد ان الاهل يدورونلي احسن من غيرهم مهما كان

كلن على كيفه لكن مشكلة الأهل ما يعرفون الا ناس محدودين والناس اللي يعرفونهم من بعيد ما تضمنهم,, هذا اللي بغيت اوصل له
لكن المركز اللي اتكلم عنه يعدد الخيارات لك وبعدها انت الخصم والحكم
... والله يعين
رضا الناس غاية لاتدرك

[رجل طموح]

اقتباس المشاركة الأساسية كتبها •°انكسار الأماني°• ^^ مهب المشكلة فيك ياطويل العمر لإنك رجل محشوم إجتماعياً تخطب أنت وخبرك بناتنا مشافيح يلفن أي رجل . لإن البنت عندنا مرجومة إجتماعياً وتأخذ واحد ماتدري عنه بس يالله تزوجي علشان مايقولون الناس عانس . وهذا من أكبر أسباب الطلاق عندنا , مافيه شيء أسمه حرية خلوا البنت على مزاجه تتزوج متى مابغت بإختيارها وبرضاها . لا إذا وصلت البنت 25 بدوا الناس يحنون فوق راسه تزوجي تزوجي تقل تعبانين على مصروفه عاد من بتأخذ ؟؟ عيالهم الأشاوس الله يخلف كل واحد يقول لأخوه أنا أشين منك ليتهم على هاللقافة طلعوا رجال والله مجتمع متخلف , بالتوفيق لمشروعك والله لو يسوونه إن مايتزوج أحد بالأصل ماحولك ناس كفو الزواج . ,,

بسم الله عينا , اللهم حولينا ولا علينا هدي الوضع يا بنت الحلال

ياحبك لتهبيط العزائم
وللاسف هذاي نوعيه من اللي اشرت لهم في الموضوع

للاسف مره اخرى الموضوع في واد وردك في واد اخر لكن معذوره السهر يأثر على المخيخ الأيسر
كل على همه سرى وانا على همي سريت ...

[محمد الفوزان]

جزاك الله الف خير
مشورع جيد
شكرا لجرائتك
انت انسان جيد
استمر

[أم جحا]

اقتباس فاذا الرجال طرى له الزواج راجع هالدائرة هو وابوة وعطاهم مواصفاته اللي يبيه وعن طريقهم يوجهونه

أغنمه على غفله ههههههههههههههههههه

أقول لو كل واحد همه المواصفات سهله

بس أهم شي النسب والدين بعدين المواصفات


بس على فكره فيه شباب أهم شي عندهم المواصفات
والاشكال ذولا شف وش يأخذ عاد الحمد لله وشكر

[هايين]

ياخي من اراد الزواج يتوكل على الله
وسوف يصل لزوجه صالحه ان شاء الله
والاهل اعرف بمن تصلح لابنهم



(واذا عزمت فتوكل على الله )

الله يرزقك زوجه شريكه لحياتك في دنياك واخرتك

[بايعه بقرش]

ما أوؤيدك .


ياخي للناس الي أبناسبهم مواصفات بعد مهوب بس البنت ما أبي أي ناس ...

لنا عاداتنا الي مشينا عليه و طرقنا التقليدية بالزواج ..


تخيل أحط مواصفات اختي بمكتب ..

يا عيبااااهــ

على فكرة أرجو عدم التثبيت

[أبو رُبـــــى]

أعتقد أنه فيه ناس أهل خير عندهم هاللي تتكلم عنه ...

[•°انكسار الأماني°•]

اقتباس المشاركة الأساسية كتبها رجل طموح بسم الله عينا , اللهم حولينا ولا علينا هدي الوضع يا بنت الحلال ياحبك لتهبيط العزائم وللاسف هذاي نوعيه من اللي اشرت لهم في الموضوع للاسف مره اخرى الموضوع في واد وردك في واد اخر لكن معذوره السهر يأثر على المخيخ الأيسر كل على همه سرى وانا على همي سريت ...

أصلاً من قال إن كل الرد لك ؟؟
اللهم أخر سطر تقريبا من نصيبك أما الباقي فهو موجه لـ سنايبر .
ماتشوف الأسهم يارب لاتعمينا ماحيينا .

,,

[رابعة]

صراااحة وانااا اقرا اقترااااحك في حاالة تعجب

يااخي فيه نظرة شرعية تقدر تساال اقاارب البنت والمكان الي تعمل فيه البنت او تدرس فيه وماانت ملزوم تلتزم بكلام اهلك عن البنت..

والعنوسة يااخي لم تتنتشر الا من قلة الرجااال الجاادين في الزواااج والصااالحين الحين تلقى وااحد ماتعدى 35سنة ومعه زوجتين والثاالثة قيد التخطيط واحد عمرة 30 مامعه زوجه وحدة بااعتقاادك ايش السبب ماهو الرجل نفسه؟؟؟!!

مشكلتنااا نختلق اعذاار سخيفة يستحي الواااحد يكتبهاا او يقرااها..
موفقين..

[رجل طموح]

اقتباس المشاركة الأساسية كتبها محمد الفوزان جزاك الله الف خير مشورع جيد شكرا لجرائتك انت انسان جيد استمر

بارك الله فيك يامحمد انت صراحة من أنسان ممتاز مهوب جيد وبس
واتمنى نشر هالاقتراح ليتم تفعيله

[رجل طموح]

اقتباس المشاركة الأساسية كتبها أم جحا أغنمه على غفله ههههههههههههههههههه أقول لو كل واحد همه المواصفات سهله بس أهم شي النسب والدين بعدين المواصفات بس على فكره فيه شباب أهم شي عندهم المواصفات والاشكال ذولا شف وش يأخذ عاد الحمد لله وشكر

يالحبيبة
شوفي هالمشروع لا يهتم بالمواصفات فقط بل يعم كل شيء يخص الزواج يعني تجيهم وتقول لهم انا ابي عائلة محافظةو و وو والى اخره من الطلبات وهم شغلهم توجيهك وانت تكمل الباااااااااااااااااااااااااقي فان اعجبتك العائلة توكل على الله والا فلا....

فهمتي