[ابو شرين]

السلام عليكم

وبعدين مع هالامانة صار لهم اكثر من شهر مسوين مواقف بطريق المدينة وتاركينها

قلت قبل كذا واكرر شغلكم بالطريقة هذي اسمه اهمال لا مبالاة

مين يستغني عن المواقف بطريق المدينة وهو اهم شارع في بريدة طريق الملك عبدالعزيز

المواقف جاهزة بس في وصلة بين المواقف والطريق ماتتجاوز متر تمنع الناس من استخدام المواقف

عجزين تزفلتونها اردموها بطين اسمنت اي شيء لكن اهمال بهالطريقة ترى ملينا منكم ومن تصرفاتكم الاستفزازية يعاندون او يكابرون او ماعندهم اسفلت او ماعندهم ميزانية او ايش

اتمنى توصل هالرسالة للوزير علشان يشوف من سبب التقصير وليش التاخير
ياناس بيوم واحد اصغر مقاول يقدر ينفذ اللي ناقص من المشروع واللي معطل خلق الله

مانقول الا حسبنا الله ونعم الوكيل

واتمنى ان الامين مايقدر يلقى موقف عند شغله او عند بيته بسبب بسيط مثل هذا وش بيسوي

غيروا الطاقم مانبيهم المنتدى كله تذمر من تصرفاتهم

ان الله يحب اذا عمل احدكم عمل ان يتقنه اتقنوا عملكم او ارحلوا من اماكنكم
فعملكم مسؤولية كبيرة ولا ننكر ذلك لكن ان لم تستطيعوا تحملها خلوا غيركم يشيل المسؤولية

توقف بطريق المدينة وتنزل انتبه يمكن يطير باب السيارة لانك مجبر توقف بالشارع ويمكن بعد المرور يكمل الباقي ويصك مخالفة

والسلام عليكم اولا واخيرا

[ابو شرين]

على فكرة تراي كاتب وين الوزير قلت يمكن يقرونها حقين البلدية ويخافون

[نادي النصر]

مرحبا ابو شرين

خل الامين على جنب دايم نعلق على الامين وفيه الان بلديه اعتقد هي المسؤولة وهذا لايعفي الامين لكن نسأل المتسبب

مباشرة معجزيل الشكر