[ابوجياد]

السلام عليكم ورحمة الله وبركاته

ياهلا ومرحبا

طبعا الأغلب منا قد سمع ببرنامج ستار اكاديمي وللأسف انه قد سبق وتلوث فكري في سنه من السنين الماضيه حيث اني سبق وتابعت هذا البرنامج في بداياته ولايخفى على الجميع مايحمله هذا البرنامج من فكر تدميري للمجتمع ومايحمله من معاول هدم للأخلاق وللفضيله ومايقوم به ايضا من اماتت للغيره وقبل ذلك كله مايقوم به هذا البنامج من محاربة لله ولرسوله صلى الله عليه وسلم وموضوعي ليس عن هذا البرنامج لأن العلماء طلبة العلم ومن هم اكثر مني علما واكثر مني غيره على الدين قد تكلموا وبينوا حقيقة هذا البرنامج وغيره ومالها من اثار سلبيه على المجتمع .
وفي الحقيقه ماجعلني ماجعلني اتذكر هذا البرنامج هو ان الوالد الله يحفظه ويطول بعمره ووالديكم وجميع المسلمين تعب في احد الايام فاظطرينا اننا نوديه لمستشفى التخصصي وديناه وكانت حالة الوالد حرجه فدخلوه الاسعاف المهم بدت التحاليل والفحوصات والاكسجين والمغذيات الله يجزاهم خير والحمد لله على كل حال وكان فيه شي ضايقن كثير وهو ان اللي ياخذ التحاليل والفحوصات هن نساء ولافيه ولا رجال واحد ممرض واللي يضيق الصدر انهن متبرجات وغير ذالك الدلع الزايد والضحك اللي ماله مبرر وكل وحده تجي تبي تاخد تحاليل او تبي تسوي فحوصات لازم تكلم الوالد وتضحك وتميوع واصلا الوالد مايدري عن شي .
المهم هذا الكلام كان بالليل وكان الاسعاف تقريبا مافيه الا الوالد وواحد ثاني حالته بسيطه طبع ركبوا المغذي والاجهزه على الوالد وطبعا لازم الانتظار حتى تستقر حالة الوالد بعدين يقررون هل يرقد او يطلع .
المهم وانا جالس عند الوالد طبعا ضحكات الممرضات وسواليفهن بصوت عالي مستمر ولا ينقطع وانا اشوف الاستقبال فيه دكتور جالس وعنده ممرضتين وخذ سوالف وضحك وفيه ثنتين جالسات بمكان ثاني يسولفن ويضحكن ضحك غير .
طبعا انا صراحه انصدمت حتى اني مادري وش اسوي لأني مقتنع ان اللي قاعد يصير غير طبيعي المهم دخل علينا بالأسعاف ممرض سعودي معه جهاز الاشعه طالبينه للوالد المهم وهو يطقه ابتسامه لممرضه من الممرضات وهو يقوله (( بالأنجليزي )) خلاص ماراح تشوفينن ثاني مره ( شكله ابي ينقل ولا شي ) وهي ترد عليه : ماتقدر تصبر بدوني . او كلام قريب من هذا الكلام وهي تطلق اكالضحكه هي وخويته .
طبعا كل اللي قاعد يصير قدام الجميع .
جاء الممرض واخذ الاشعه على الوالد وكد علي وراح .
يوم قعدنا اشوي ويجي دكتور سعودي الصراحه فرحت جدا يوم جا قلت هالحين اكيد يبي يضبط الفوضى اللي صايره .
ويجي ويكشف على الوالد ويروح ويجلس بالأستقبال ويبدأ يسولف مع الممرضات وخذ توزيع من هالأبتسامات ولا يغير اي شي بالعكس الان صارت صدمتي اكبر من الاول وفي هاللحظه جت سيارة الاسعاف وفيها شاب مصدوم بحادث وكانت حالته سيئه جدا وكان راسه مهشم وكله دم المهم وهم يسوله اسعافات ويحاولون معه لاكن الشاب كان ميت قبل يجي المستشفى ( الله يرحمه ويغفر له وجميع موتانا وموتا المسلمين ) وكان منظر مؤلم جدا ويغطونه ويصكون الستاره .
قلت هالحين اكيد هالمنظر يبي يعقلهم ويتركون عنهم هالضحك وهالأستهبال وهي بس لحظات ومير نرجع على الضحك والدلع وكأنه ماصار شي قبل شوي .

الأطباء قرروا ان الوالد يرقد وفعلا تم ترقيد الوالد ورحنا فوق باحد الغرف الانفراديه لان حالة الوالد كانت حرجه بعض الشي .
رقد الوالد وصرت انا المرافق معه يوم يرقد الوالد يمكن بحدود منتصف الليل وتستقبلنا هالممرضات انا بس ودي اشوف ممرض واحد .
مافيه امل.
يمكن فيه حوالي عشر ممرضات بالأستقبال المهم نمنا ويوم قرب الفجر ويدخلن ممرضتين ملابس وماء وغيره ويكشفن غطاء الوالد ويكشفن عورته المهم وانا افز واغطي الوالد واقولهن وش فيه وترد علي وحده تقول تغيير بابا . فقلت له لازم اول كلام هاتي انا اغير لبابا خلاص روحي .
طبعا الحمد لله الوالد يخدم نفسه بس اكاليوم تعب تعب شديد . طبعا هن ماعندهن اي احترام ولاادب على طول يدخلن على المريض ويسون اللي يبن يسونه بدون استئذان ولاغيره وعلى فكره غالبية الممرضات غير مسلمات .
يوم صار من بكرى ونفس سيناريو الاسعاف يتكرر بل بالعكس هنا اعظم من الاسعاف .
الفجر رحت للمصلى اللي بنفس القسم وهي قريب من الاسعاف وانا اسمع اكالموسيقى واناظر الا ممرضه منقبه مشغله مسجل يدوي وتسوي تدريبات صباحيه على صوت المسجل . الحمد لله وفقن الله وتكلمت معه وقلت له انتي مسلمه مايصير هذا ومن هالكلام فسكرت المسجل ورحت انا للمصلى .
كانت الغرف مليانه من المرضى وتسمع هذا يكح وهذا يأن وهذا مايشعر وتشوف نعم الله عليك .
الحمد لله الوالد بدا يستعيد صحته واول كلمه قاله هات الماء خل اتوظا شف كبار السن كيف تربوا على حب الدين وتعظيم اوامر الله .
وكل ماجت ممرضه لازم تطقه ضحكه ودلع مع العلم ان المريض يحتاج لمن يذكره بالله ويقربه لمولاه مهب يبعده عن ربه ويفتنه .
وبعد فتره جت تغيير الورديه والحمد لله جانا ممرض فلبيني لاكنه غير مسلم اهون شوي .
كانت الغرف اللي جنبنا تقريبا مليانه وتغلبها حالات حرجه وكان في احد الغرف مريض حالته حرجه جدا وكان والمرافق اللي معه ابنه شاب . وفي الليل حول الساعه 12 اسمع صراخ وبكى واطلع الا باب الغرفه مفتوح والولد يصرخ ويصيح .
وش السالفه اثر ابوه توفى الله يغفر له ويرحمه وكان الولد منهار ويبكي ويترجى ابوه انه مايموت والممرضات قاعدات يفككن الاجهزه اللي عليه ويطلعن والولد مالقي احد يواسيه ولا احد يذكره بالله ويصبره ماغير هالنصرانيات وراحن وخلنه بعد . فلو كان الممرض رجل مسلم اكيد راح يكون الموقف اهون بكثير .
المهم صار يوم السبت ويجونك الممرضين السعوديين وليتهم ماجوا ماغي ضحك مع الممرضات وسواليف وقلت حيا ( طبعا مهب كلهم علشان مانظلمهم لاكن 80 % ) ولا ودي ازيد بالتفاصيل لاكن والله العظيم انه مصيبه وفتن مايعلم بها الا الله سبحانه وتعالى يعني بصراحه ان الممرضين الشباب ابتلوا بهالممرضات النصرانيات .
حتى ان واحد من الشباب اعرفه تخرج من المعهد الصحي وبدا يطبق باأحد المستشفيات وبعد فتره ترك المستشفى ودخل دوره عسكريه برتبة جندي يقول احسن من هالفتن اللي بالمستشفيات .
الوالد جلس اسبوع في المستشفى . خلال هالأسبوع رأيت العجب في المستشفى وهذا اللي خلان اتذكر برنامج ستار اكاديمي لما رأيت من الاختلاط والمواقف المخجله .

*** صرخات***

* معقوله مايوجد في بريده من الوجهاء من يستطيع ان يغير هذا الوضع .

* مادري وش المشكله لو جابوا ممرضين لاقسام الرجال وممرضات لاقسام النساء .

* مهب لازم ترى الواحد يصير مطوع علشان يغير المنكرويذكر بالله فكل واحد مسؤول عن الي قاعد يصير .

* علما اني مابالغت بالكلام وترى اللي ماذكرت اكثر من اللي ذكرت والخافي اعظم .

واعذروني على الاطاله .

[ابراهيم الفهد]

شوف يا عزيزي ..!

يا انك تستهبل .. او انك في مستشفى ما نعرفه ..!
رقدت في قسم العظام لمده 10 ايام في مستشفى الملك فهد ..


الاستقبال .. وهو استقبال وتعودنا نشوف ممرضات .. كان كله طقم رجالي ..
غسيل الكلى الي جنبنا .. كا فيه رجال وفيه ممرضات تدريب نساء صباحا" بس ..


اعتقد لو انك تتكلم عن مستشفى الحبيب .. (فهذا كلام ثآني )

أما لو عن التخخصي .. والمركزي ..!

آتمنى تتحفني بما عندك خصوصا" باي قسم .. وانا اجيب لك ( بالتفصيل الممل )

كم ممرضه وكم ممرض موجود ..

مستحيل طاقم اداري كامل نسائي .. ولا يوجد الادكتور مناوبه ( على حد ما فهمته من كلامك )


مستحيييييييل ...!

[اللهذام]

الله المستعآن ،،

الله يكفينا شرّهم .. والاختلاط في المستشفيات تكلّم عنه علماء كُثر لكن لاحياة لمن تنادي !!

للأسف هؤلاء السعوديين في الاستقبال يوزعوا الابتسامات ويتضاحكوا مع الكافرات دون أن تجد منهم دعوتهن إلى الإسلام - إلا من رحم ربي - وهذا أعتبره من تشويه صورة الإسلام بينهن !!

- أخي .. الحالة في المستشفيات يُرثى لها وهذهـ من خطط القصيبي وشلّته - أخزاهم الله -

[ لا نملك إلا الدعاء لأبيك بأن يشفيه الله ويعافيَه ويصلح أحوال المسلمين ]
وفقك الله ،،

[ابوولعf]

الله المستعآن

[هايين]

الله المستعان

ياكثر الخلوات في هذا الزمان

شكرالك

[اميرة البحار الـ7]

اللهم احمنا من الفتن ماطهر منها وما بطن
فعلا موضوع يجب النظر فيه

[اسماعيل عبدالله]

اللهم ولي علينا خيارنا

[** همــــــــس **]

استغفر الله العظيم اللهم عاافهم ولا تبلانا ,,

غررريبه أنا قبل شهور ذهبت زياره لعمتي في قسم العظام وفعلا كاان فيه مااذكرت !!

** شكرآآ على الموضوع **

[صريح جد]

اهم شي يقومون بدورهم ولا يكون هناك تقصير في الخدمة اما يسولفون يضحكون يزينون الي يبون

[شمعة الفؤاد]

الله المستعان

وهذا فعلا في كل المستشفيات بسبب الاختلاط

الله يحفظ ابناء المسلمين من كل فتنة

[ابوجياد]

اقتباس المشاركة الأساسية كتبها ابراهيم الفهد شوف يا عزيزي ..! يا انك تستهبل .. او انك في مستشفى ما نعرفه ..! رقدت في قسم العظام لمده 10 ايام في مستشفى الملك فهد .. الاستقبال .. وهو استقبال وتعودنا نشوف ممرضات .. كان كله طقم رجالي .. غسيل الكلى الي جنبنا .. كا فيه رجال وفيه ممرضات تدريب نساء صباحا" بس .. اعتقد لو انك تتكلم عن مستشفى الحبيب .. (فهذا كلام ثآني ) أما لو عن التخخصي .. والمركزي ..! آتمنى تتحفني بما عندك خصوصا" باي قسم .. وانا اجيب لك ( بالتفصيل الممل ) كم ممرضه وكم ممرض موجود .. مستحيل طاقم اداري كامل نسائي .. ولا يوجد الادكتور مناوبه ( على حد ما فهمته من كلامك ) مستحيييييييل ...!

اولا شاكر لك مرورك اخوي ابراهيم
وثانيا موضوع المستشفيات واحواله مهب شي جديد الكل عارف اللي قاعد يصير ولاكن انا نقلت بعض اللي شفته لعل احد يطلع على الموضوع ويحاول انه يغير على قدر استطاعته .
وكونك تقول انك رقدت بقسم العظام ولاشفت الا رجال هذا اللي حنا نبي وهذا شي يفرح ولاودنا مثل ماقلت نتعود نشوف ممرضات .
* وايضا ليش يحطون متدربات بقسم الرجال يعني مافيه اقسام نساء .
شف اخوي ابراهيم ترى الشق اكبر من الرقعه لاكن بتظافر الجهود وكل واحد يعمل اللي يقدر عليه لدرء مداخل الشيطان صدقني الامور تبي تصير احسن بكثير .
تراي اتكلم عن مستشفى الملك فهد التخصصي القسم الباطني

اقتباس المشاركة الأساسية كتبها اللهذام الله المستعآن ،، الله يكفينا شرّهم .. والاختلاط في المستشفيات تكلّم عنه علماء كُثر لكن لاحياة لمن تنادي !! للأسف هؤلاء السعوديين في الاستقبال يوزعوا الابتسامات ويتضاحكوا مع الكافرات دون أن تجد منهم دعوتهن إلى الإسلام - إلا من رحم ربي - وهذا أعتبره من تشويه صورة الإسلام بينهن !! - أخي .. الحالة في المستشفيات يُرثى لها وهذهـ من خطط القصيبي وشلّته - أخزاهم الله - [ لا نملك إلا الدعاء لأبيك بأن يشفيه الله ويعافيَه ويصلح أحوال المسلمين ] وفقك الله ،،

بارك الله فيك اخوي اللهذام
لاكن ترى لوكل واحد منا قام بمحاولة التغيير المقدور عليه تبي تغير الامور لاكن الله يبي يشوف منا صدق بس .

اقتباس المشاركة الأساسية كتبها ارا3993 الله المستعآن

اقتباس المشاركة الأساسية كتبها هايين الله المستعان ياكثر الخلوات في هذا الزمان شكرالك

اقتباس المشاركة الأساسية كتبها اميرة البحار الـ7 اللهم احمنا من الفتن ماطهر منها وما بطن فعلا موضوع يجب النظر فيه

اقتباس المشاركة الأساسية كتبها اسماعيل عبدالله اللهم ولي علينا خيارنا

اقتباس المشاركة الأساسية كتبها ** همــــــــس ** استغفر الله العظيم اللهم عاافهم ولا تبلانا ,, غررريبه أنا قبل شهور ذهبت زياره لعمتي في قسم العظام وفعلا كاان فيه مااذكرت !! ** شكرآآ على الموضوع **

آمين
وبارك الله فيكم جميعا
وشاكر لكم مروركم وتفاعلكم
واتمنى ان التفاعل يكون بالميدان ايضا
والله يصلح الاحوال

اقتباس المشاركة الأساسية كتبها صريح جد اهم شي يقومون بدورهم ولا يكون هناك تقصير في الخدمة اما يسولفون يضحكون يزينون الي يبون

لا ياخوي ياصريح جدا
حنا مانتكلم عن العمل ويقومون بدورهم ولا مايقومون
حنا نتكلم عن امور تغضب الجبار تغضب رب العالمين امور لا يرضاها الله جل جلاله ولا رسول الله صلى الله عليه وسلم

اقتباس المشاركة الأساسية كتبها شمعة الفؤاد الله المستعان وهذا فعلا في كل المستشفيات بسبب الاختلاط الله يحفظ ابناء المسلمين من كل فتنة

آمين
وبارك الله فيك
ومشكور على التفاعل

[& ابـــوتـــج &]

الله المستعان

[البرنس455]

كان قلت مستشفى التخصصي من أول كـان كأنه لغز الموضوع من الأول الله يستر علينا بس !!

[sosoبريده]

المركزي
من زينه جيبين لكم بنقاليين ويقلون دكااااااتره أنصح كل واحد مايروح له