[الحر الجديد]

جميل جدا العمل في سوق التمور الجديد وقبل الافتتاح اود التنيه طالبا من القارىء الرد لمصلحة بريدة
سوق التمور الأول كان بأسم سوق القصيم وأشتهر في كل مكان بهذا الأسم حتى في الخليج وأعتبره اسم جميل وهو يدل على ضخامة السوق والقصيم في أي مكان من العالم أذا اطلق فيقصد به بريدة.
وهذا يغيض الجيران وغيرهم فهم يغضبون اذا قصد بالقصيم بريدة فعملوا على تغييره واستطاعوا وذلك من خلال تصريحاتهم قبل سنتان تقريبا حيث قالوا نفتخر أن يقارن سوقنا بسوق القصيم لأن سوق القصيم ليس لبريدة وحدها بل لجميع محافظات القصيم مما أدى الى تغيير الأسم الى سوق تمور بريدة والمضحك في ذلك أنك داخل مدينة بريدة بل وفي وسطها تجد لوحة تقول سوق التمور ببريدة سوق الحرف والصناعات اليدوية ببريدة عجيب جدا يجب أن لا يذكر اسم المدينة داخلها بل ولا على الدائري يقال وسط المدينة
اصحاب القرار أقول لا نستعجل ونستجيب لأي ناعق
تحياتي لجميع القائمين على سوق التمور الدولي الجديد

[الحر الجديد]

ردوااااااا ياجماعه وش دعوه مو عاجبكم الموضوع

[ســـنـــايـــدي]

ما عندك أحد ...!

[ابوولعf]

صحيح ليس سوق التمور لبريده واغلب التمور تجي من برا بريده

يعتبر سوق بريده الملتقى لجميع الناس والتمور

[السيار0898]

والله ما أدري وش اقولك تكتب بريده اوالقصيم حسب المصلحه

[السيار0898]

المفروض تكتب العناوين بكل الاحوال بهذا الشكل للمحافظات والمدن {{ القصيم بريده ـ القصيم البدائع مثلا}} وتنتهي المشاكل التي لن تنتهي ابدأ

[الرااقي]

حسب علمي أن سوق التمور الجديد أسمةّ{ مدينة التمور


ولاتنسئ أخي مقولة الفاروق رضي اللة عنه


{ لاعزة لناألابالأسلام فمهما أبتغينا العزة بغيره أذلنا الله

[مخفي]

اقتباس المشاركة الأساسية كتبها السيار0898 المفروض تكتب العناوين بكل الاحوال بهذا الشكل للمحافظات والمدن {{ القصيم بريده ـ القصيم البدائع مثلا}} وتنتهي المشاكل التي لن تنتهي ابدأ

والله كلامك صحيح وأعجبن

[عبدالله الصالح]

خخخخخخخخ

اللهم لك الحمد ...

سموه مدينة بريده للتمور وإلا القصيم وإلا نجد وإلا الي يسمونه ... هل لهذا الحد وقفت همّتكم؟؟؟؟؟

أنا ودي كل السوق ينقل لعنيزه ويجيبون الكراث لبريدة ونرتاح

مايصح إلا الصحيح ..

[ورود المساء]

هاه اجل مهب كلهن واحد ..............والله ماندري عن شي...........لويكتبون تمورالرياض

[*سـكـر خـشـن*]

اقتباس المشاركة الأساسية كتبها الحر الجديد والقصيم في أي مكان من العالم أذا اطلق فيقصد به بريدة.

غير صحيح آلقصيم تعني آلمنطقة بكل محآفظآته وقرآهـ وتآكد 90% من آلتمور آللي تسوق في بريدة هي من برآ بريدة

[جبل شمر]

السؤال الأهم :::

متى تنتهي هالسالفه بين بريده وعنيزه ؟؟؟ صايره مثل توم وجيري ..

اللي مايعرف المنطقه يقول هذي دولتين وكل دوله له حكم ودين يختلف عن الثانيه ..

فشلتونا عند المناطق الثانيه .. وانا اتوقع ان اللي ينزل مواضيع زي هذي يقصد اثارة الفتنه بين الاخوان اهل بريده

واهل عنيزه .. والكل يعرف جرم وحرمة الفتنه بين المسلمين ...

[ولد الذيب]

اقتباس المشاركة الأساسية كتبها جبل شمر السؤال الأهم ::: متى تنتهي هالسالفه بين بريده وعنيزه ؟؟؟ صايره مثل توم وجيري .. اللي مايعرف المنطقه يقول هذي دولتين وكل دوله له حكم ودين يختلف عن الثانيه .. فشلتونا عند المناطق الثانيه .. وانا اتوقع ان اللي ينزل مواضيع زي هذي يقصد اثارة الفتنه بين الاخوان اهل بريده واهل عنيزه .. والكل يعرف جرم وحرمة الفتنه بين المسلمين ...

دااامه باااديه من اجدادنا لن تنتهي
وسبب التنافس هو كاان أهل عنيزة اكثر منا شعراء
أتوا مرة ليتحدونا فقالوا عنا شعرائكم كلاب فكان شعرائنا واحد وهم ستة ومن شعرائنا العبود فرد عليهم قائلاً ردو كلابكم ونرد كلابنا
وبدأت الهوااش بيننا وإلى الان وهذي القصة على مااظن 40 سنة
وبعدين هناااكـ عندهم البدو ماسكيين كل شي وحقودين على الحضر اللي عندهم ...

[تروكي]

يا رجال أهم شي بكم صطل السكري هالسنة . وإلا هالكلام ماله قيمه لأن المعروف إن بريدة هي القصيم وهي المفخرة بكل شي ولا أحد يقدر يتكلم عن هالشي فإذا قارنت بريدة بعنيرة فهذا دليل على أنه يوجد مقارنه فعليه بين البلدين ولكن أترك الحكم للناس وإترك الحكم لمن أتيى من خارج منطقة القصيم لأنه هو الذي سوف يعرف الفرق العظيم بين البلدين ولذلك أنظر أخي العزيز إن سوق بريدة في كل عام هومفخرة لجميع أهالي منطقة القصيم وهو السوق الرئيسي والرسمي .
لذلك ننظر إلى المتسوقين الذين يأتون من جيمع أقطار المعموره إين يذهبون هل هم يذهبون لمكان غير بريدة ولذلك أخي الغالي إلى متى نحن نهتم بهذا الشي مع أنه من المسلمات التي لا يختلف عليها إثنان ,
نأمل أن تكونوا أرقى من هالكلام الذي لا يخدم مصلحة البلد . ولكم تحياتي .