بريدة






عـودة للخلف بريدة ستي » بريدة ستي » سـوالـيـف كـشكـولـيـة » تعالوااااا شوفوا غزل القراوى

سـوالـيـف كـشكـولـيـة الطرائف و الألغاز

إضافة رد
 
أدوات الموضوع طريقة العرض
قديم(ـة) 01-01-2002, 11:32 AM   #1
الخالدي
عـضـو
 
تاريخ التسجيل: Dec 2001
البلد: القويعية
المشاركات: 36
تعالوااااا شوفوا غزل القراوى

هذه..خاطرة كتبها ابوكريّم على جدار مدرسة السابعه والسبعون المتوسطه..وهي
مدرسة الآنسة هيلة..

كتبها بعد ان غمر قلبه الحب...حب محبوبته هيلة..فاليكم هذه خاطرته..كما
كتبها..

هيلة..

حبيبتي...يامصيبتي...ياسعبولتي..

مالي اراك دوما بالحوش منسدحه..

والبساسه من حولك منبطحه ...

الا ليتني امزعك..الى ان تصيحين..

ما أجملك وانتي بالزنوبات تركضين..

انتي بين الفتيات....

هم حبوب الكيرم وانتي الخمسين..
هم الجحه و انتي الــســكين ..
انتي الفلته ...وهم مستدلخين..

حبيبتي...انتي عسيب نخله...بل انتي ركبة نمله...

انتي لينا وانا عدنان...
انا سوق الخضرة..وانتي صندوق بردقان..
حبيبتي..تراي جوعان

ياصندوق البردقان...ياغطا جالون....يادعاية صابون...ياسيارة بلا
طبلون...ياقمله لازقه بشطرطون..

حبيبتي انا بدونك..
زي طلعة شباب بدون القطه..
زي الغدا بدون سلطه..
زي الشاورما بدون شطه..
زي الكورلا بدون شنطه..

حبيبتي...انتي السكه وانا القطار..
انتي المطرقة..وانا المسمار..
انتي المنقله وانا الفرجار..

حبيبتي..فيه احد ياكل سلطة بدون خيار ؟؟

ياخيارة حياتي...يابويبينة لمباتي..

بالأخير..بسألك سؤال صريح ...

هذي سيقانك...والا مراجيح ..!!

* ياحـبيـبي ترى حـبـك رجـنـي رج الـلـبـن ** بديت مافـرق هو الكيري قـشطه
والا جـبـن

انتهت خاطرة ابوكريم..وكاتب تحتها ك + هـ = مجموعة خاليه ..

هيلة...وبعد ان اضناها الشوق..وتحركت مشاعرها بعد قراءتها لخاطرة ابوكريّم
العاطفية..ردت عليه..بهذه الخاطرة..

حبيبي ..

ماذا تبي ؟

ياكثرك..ياحبي ..

اشتاق لك شوق مهوب بسيط..حبي ينقط بقلبي تنقيط..

يابعد براميل شارع التفحيط..

حبيبي..

خذني الى الحوش..لكي نلهو.. ونلعب.. مصاقيل..

ونسمع اخبار بوش..واركض قدامك ..وتطلع العصاقيل

حبيبي...ياشلختن من تسبدي..

حبيبي...أنا غيرك مابــــدي..

حبيبي..أنت الجنوط...وأنا الكفرات..

أنت راس المعسل...وانا الجمرات..

أنت الددسن وأنا الصندوق....انت اللحمه وانا المرقوق..

ياحبيبي...يادفتري المشقوق...احبك كثر البيض المسلوق..

حياتي بدونك..حوسة...والخشة معفوسه...

وشعري..شوشة..والكشة منفوشه..وبالحوش تلقاني من ابوي مفروشة..

حبيبي.. ترى نبي كيلو كوسة ..

أتذكرك..وانا آكل سليق...كتبت اسمك على غطا بريق..

انت بدنيتي..زي الريموت للــتلـفزيون...ومثل الغطا لــلقوطي..

وبدون شوفك اصير باب بدون كيلون...وزي النكته بلا حوطي..

حبيبي..اذلف انت ووجهك

:D :D :D :D :D :D :D
__________________
إذا كنت ريحا فقد لاقيت إعصارا
الخالدي غير متصل   الرد باقتباس


قديم(ـة) 02-01-2002, 12:31 AM   #2
شيخ بريدة
عـضـو
 
صورة شيخ بريدة الرمزية
 
تاريخ التسجيل: Dec 2001
البلد: مدغشقر
المشاركات: 1,317
وياحليلك ياأبوخرابيط ياأبو الخذاريف ياأبو المطاريس.....الحين لاأرقعك مع وجهك ياالخالدي.......وش شيافنا هنا......سوق الرياض مول......وإلاعنتر وعبلة
خلك من هالخرابيط ولا تركتك أنت والسديراوي:D :D :D على كل حال ياأخي الخالدي لاتقعد تنقل لنا خرافات أم حديجان وشلته.
__________________
^&)§¤°^°§°^°¤§(&^ياحول يااللي ماله بريدة^&)§¤°^°§°^°¤§(&^
شيخ بريدة غير متصل   الرد باقتباس
قديم(ـة) 02-01-2002, 07:37 AM   #3
راشد الراشد
عـضـو
 
صورة راشد الراشد الرمزية
 
تاريخ التسجيل: Nov 2001
البلد: الدمــــ AL-DAMMAM ـــام
المشاركات: 3,293
الخالدي

مشكور على كل الكلام
وشكرا
__________________

من الدنيـا أنـا مابـي سوى عـفـو العلي التـواب
ويحسـن خـاتمـة فعـلي ويغـفـر لـي ضـلالاتـي

أبمـلا العمر "بالتوبة" و "نوح" و "هود" و"الأحـزاب
متى كـانت سنيـني عمـر انـا عمري في ركعاتـي

راشد الراشد غير متصل   الرد باقتباس
إضافة رد

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 04:17 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)