ـ*ـ*ـ( سالفة حمد والمشاكل )ـ*ـ*ـ

خوي السرور · 16-08-2009, 10:40 PM

السلام عليكم ..
* أرجو اللي يبي يرد ويقول كسل أقرا لأنه طويلة .. أنه مايردّ ..

حيا الله كل واحد يعرف روحه وبدون ذكر أسماء واللي بشسمه ريش مايستريح ..

وشلونكم مع هالحر والطبخ .. قسم بالله اللي سعودي ويدخل النار أنه خسران بالدنيا والآخرة ..

المهم ..

تخيل أنك مستانسن ببراد السبلت يهفهف عليك

وبراااااد يالله من فضلك

همن تقولك أمك ياوليدي رح جب من البقالة خبز وتناظر الساعة ولاه ثنتين الظهر

ولا يمديك تطلع من الباب ألا وأنت

همن لاوصلت البقالة لقيته صاكه

ترجع للبيت وانت تحلم بالبراد والنفاهة همن لادخلت البيت قالت لك أمك رح للبقالة البعيدة

الله لايرزقنا هالموقف ولا يبتلينا

طبعن ذي مقدمة

وقبل أن نبدأ أتمنى عدم سرقة المواضيع لأني لقيت موضوع لي كنت تعبان عليه بقوة وآخرته ناقله واحد لمنتدى ثاني ـ الله لايحلله قسم يانا أنغثيت يوم شفته ناطله

<<<< يبي يقنعكم أنه يقوطر براءة ..

المهم نبدأ على بركة الرب :

هذا سلمكم الله واحدن يقاله حمد .. قام من النوم والسعابيل تقوطر والريحة وشو بس .. حتى الذبان هاجات من الغرفة

دخل النت وأثر صديقه بالجامعة فاتحن معه محادثة .. دخل وأثره كاتبن :

زميله : هلا حمد .. ترا رفيدزنا الدكتور المصري حارمك بالصيفي .
حمد : قل أحلف ؟ .. وااااااوك وش السوات .. أحد يحرم بالترم الصيفي ؟

زميله : رح لم الجامعة الحين وحاتسه .
حمد : يالله الله يعين ..

شغل الموتر .. وطيران للجامعة وهو يحلطم

ويدخل مكتب الدكتور ولاوه قاعدن يقرا كتاب ..

حمد : سلام عليكم ..

الدكتور المصري : وعليكم مسل زالك الزي قلتم

حمد : دكتور أنا أسمي حمد محمد محمود المحيميدي .. وانت حرمتن وخبرك الناس بالترم الصيفي لازم يغيبون

الدكتور المصري : وبعدين ؟

حمد : بعدين ليتك يادكتور تسامحن ولا يروح جهدي بالصيفي .. تصدق أن أخوياي كلهم مسافرين ألا أنا جالس ببريدة عشانك

تكفى يادكتور هالمرة سامحن

الدكتور : مليش دعوى إنتا محروم محروم ..

حمد : يعني خلاص

الدكتور : أيوه ويالله إطلع برا

المهم ويجي حمد ويحمّر وجهه .. ويقوم على الدكتور ويتوطاوهـ وتصير هوشة

وبالأخير طلّع حمد من الغرفة

ويطلع حمد من الجامعة وهو حمدز وكل من مر بجنبه بالسيارة تهاوش معه

المهم يوم لفّ مع حدا التقاطعات وأثر راعي ددسن 79 يلف عليه ويصدمه ..

ويحول حمد وقعد يناظر سيارته شوي

ويلتفت على اللي صدمه ولاوهـ بنقالي .. قال البنقالي : مأليست .. أنا مافي معلوم

ومير يقوم حمد عليه بالزبيرية لين أغمي على البنقالي ..

ويشغل ويمشي ..

ويوم وصل البيت وهو كله عرق ويالله ينفس من الزعل والحرّ ..

وتقول له أمه : جب لنا زبادي <<< زبادي عشان ماتصير مثل المقدمة

حمد : ويوم أني طالع وراه ماقلتي لي قبل أجي ..

أمه :

المهم ويطلع حمد ويجيب من البقالة .. يوم وصل قالت له امه : جب خبز نسيت أقولك

طبعاً حمد قعد يلعن ساعة ويهوش ويحلطم وكسر المزهرية اللي شارينه أول ماولد حمد ..

حمد : حرام عليكم .. وش أنا مزين

المهم جاب خبز .. قالت له أمه يالله هذا غداك خبز وزبادي .. لأن حنا تغدينا قبل تجي ..

طبعاً حمد صار تسذا >>>

يوم أنه خلص ويناظر علبة الزبادي أثره منتهية له يومين .. ويمغصه بطنه ويقعد طول الظهر بالحمام مبوبز

المهم طلع من الحمام وهو محبط .. وأثره يذن .. ومير يتوضى ويروح للمسجد ..

عقب الصلاة لقى ولد جارهم سلمان ..

سلمان : هلا والله حمادهـ .. بارك لي ..
حمد : مبرووووك .. بس وشو ؟
سلمان : شف موتري الجديد ..

التفت حمد وألاوه ربع 2009 بوليسي ..
قال مبروك ياسلمان الربع .. وتقلب به بالعافية ..

ومير يناظر حمد سيارته ( بيجو 77 الباب مربوطن بحبل عشان ماينفتح )

المهم دخل بيتهم وهو ضايقن صدره ... قال خل أنام وأنسى هالهموم ..
ويوم أنسدح ويجيه ذباب ويهبل به عجز ينام

المهم بعد المغرب طلع من البيت ويلقى جارهم الشايب يقشع تضليله البيجو

ويقعد يناظر حمد شوي ماصدق

هيه أنت يالشايب وراك على التضليله .. حرااام عليك مضلل بعشرين

الشايب : تقل شفت أحد داخل السيارة وقلت أبفك التضليلة عن الشك

حمد : هذا ظلالك يادبشة

الشايب : بس ولو

المهم رجع حمد للبيت وقعد يصيح على السرير من هالمشاكل اللي مرت عليه اليوم ..

ويسمع جواله يرن رسالة جديدة .. ويفتحه يبي يقرا وشي

أثره حبيبه ريان مرسل له يقول : خلاص من اليوم ورايح أنا بخاوي سلمان <<< راعي الربع !

ويصبخ الجوال بالجدار .. ويقعد يصيح ويمعط شوشته

ويرن جواله ثانية برسالة .. بس عجز يقراه لأن الشاشة أنكسرت

المهم أذن العشاء .. وحمد ضايقن صدره ..

وقعد يفكر .. ياربي وش أنا مزين .. وراه البلاوي اليوم علي .. وراه حظي كذا ..

أقام المسجد ومير يقوم من السرير ..

وهو بالطريق سمع الإمام يقرا " لاتدري لعل الله يحدث بعد ذلك أمرا "

ابتسم حمد وعرف أن هالمشاكل بتروح أن شاء الله .. وهي أمر عارض يحدث لكل أحد ..

كبّر وصلى .. وبعد الصلاة أكتشف أنه ماتوضا

ا.هـ

******

وبنرد عليكم أن شاء الله بعد الرجوع من السفر

طالب طب · 16-08-2009, 10:50 PM

اقتباس


	كبّر وصلى .. وبعد الصلاة أكتشف أنه ماتوضا

هههههههههههههههههههههههههههههههههههههه

يحّول يآ حمد .. شكل أمّه دآعيةٍ عليه

وإلا شكله من اللي يزعجون النآس بالطرطعآن والنآس يصلّون الترآويح , أُمَر تدعي عليه وحدةٍ من هالعِجز وصآر اللي صآر

إلا وش يقرب له المثل اللي يقول : كل يومٍ يا حمد بآتسر

شيكرًا أبو عزّوز

توصل بالسلآمة ولا تنسآنآ من دعآك ~

سراب · 16-08-2009, 11:52 PM

اقتباس


	" لاتدري لعل الله يحدث بعد ذلك أمرا "

فعلا ليس بغريب عن الله شيئا..

تصدق مير حسيت ان حمد هو انت

لكن يوم قال معه بيجو 77

قلت خبري بابو عبد العزيز انه طخطخه ولا تصير معه هالانواع الشينه !

تحاياي ..

نبع الوفا · 17-08-2009, 01:18 AM

مشكور وماقصرت

جـلـوكـوز · 17-08-2009, 02:33 AM

اقتباس


	يوم أنه خلص ويناظر علبة الزبادي أثره منتهية له يومين .. ويمغصه بطنه ويقعد طول الظهر بالحمام مبوبز

ووووع الله يحوم اتسبدك ,, وش يزين بالحمام >>>> وشرايك

والله ياهو شؤم ياويلي ومشكور ياخوي السرور

وترجع بالسلامة يارب ولا تنسى تجيبلنا بردد

wméédh · 17-08-2009, 03:15 AM

×××××

الخط غير واضح

أبو شباصة · 17-08-2009, 04:49 AM

كسل أقرأ طوووويل ..

اقتباس


	وهو بالطريق سمع الإمام يقرا " لاتدري لعل الله يحدث بعد ذلك أمرا "

إقاااااله قصة هاااادفة ..

<< المفرووض تحذف طااالع عيبة ..

اقتباس


	ويوم وصل البيت وهو كله عرق ويالله ينفس من الزعل والحرّ .. وتقول له أمه : جب لنا زبادي

بتله يحصلي هالموووقف ..

اقتباس


	ا.هـ

BRHOOM · 17-08-2009, 05:01 AM

ههههههههههــ ,,
شكرآآ لكـ ,,
أنا أدري له شين يوه ذا بس ..
ماودي اقولكم ..

كبير مايكبرني لقب · 17-08-2009, 05:08 AM

اقتباس

المشاركة الأساسية كتبها طالب طب


	هههههههههههههههههههههههههههههههههههههه يحّول يآ حمد .. شكل أمّه دآعيةٍ عليه وإلا شكله من اللي يزعجون النآس بالطرطعآن والنآس يصلّون الترآويح , أُمَر تدعي عليه وحدةٍ من هالعِجز وصآر اللي صآر إلا وش يقرب له المثل اللي يقول : كل يومٍ يا حمد بآتسر شيكرًا أبو عزّوز توصل بالسلآمة ولا تنسآنآ من دعآك ~

خخخخخخخخخخخ

LOVELORN · 17-08-2009, 05:28 AM

اقتباس

المشاركة الأساسية كتبها خوي السرور


	أثره حبيبه ريان مرسل له يقول : خلاص من اليوم ورايح أنا بخاوي سلمان <<< راعي الربع ! ويصبخ الجوال بالجدار .. ويقعد يصيح ويمعط شوشته ويرن جواله ثانية برسالة .. بس عجز يقراه لأن الشاشة أنكسرت

.
.
واااااوك والله يانا رحمته ياويلي
قسم بالله حرام على ريان << مصدق

ترجع بالسلامه,,

.
.

فاهم الكون · 17-08-2009, 06:22 AM

تبي ترد علينا لرجعت و 24 ساعة خوي السرور (يُشاهد لوحة تحكم العضو)

خوي السرور · 17-08-2009, 08:34 AM

طالب طب : هلا والله بعماد الدين زنكي .. والله يابن الحلال مهب لازم يصير مدعين عليه .. أحيانن الواحد حظه يصير شسمه .. أنت ماسمعت الشاعر اللي يقول :

شسمه شسمه شسمه كمثل قمح نثروه ... ثم شسمه قالوا اجمعوه

فالله يجيرنا ويجعلنا من المحظوظين والمحظوظات الأحياء منهم والأموات

>>>

شيكرن عمادوهـ ..

خوي السرور · 17-08-2009, 08:41 AM

اقتباس

المشاركة الأساسية كتبها -الوافي-


	فعلا ليس بغريب عن الله شيئا.. تصدق مير حسيت ان حمد هو انت لكن يوم قال معه بيجو 77 قلت خبري بابو عبد العزيز انه طخطخه ولا تصير معه هالانواع الشينه ! تحاياي ..

هلا بالوافي ..

ونعم بالله والحمدلله على نعمة اللي ماتحصى ..

أجل حمد حسيت انه أنا

لا الحمدلله حظي متوسط الشسمه مرتن زين ومره يفقد التركيز .. وعسى الله يكتب الشسمه ..

مرورك ياسيدي أثلج صدري <<< تقل داخلين الساحة المفتوشة ..

خوي السرور · 17-08-2009, 08:45 AM

علي الساقي : هلا والله بعلي .. أجل علي وساقي

الظاهر أننا بمنتدى خبوب ستي

بالنسبة للحقاق من الحين أقولكم : طاح وحنا راجعين .. لأننا حاطينه فوق السيارة وجاء عجاج بالطريدز وطاح كل أبو الحقاق

شيكرن لطلتكـ ..

16-08-2009, 10:40 PM	#1
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	*ـــ( سالفة حمد والمشاكل )ـــ* السلام عليكم .. * أرجو اللي يبي يرد ويقول كسل أقرا لأنه طويلة .. أنه مايردّ .. حيا الله كل واحد يعرف روحه وبدون ذكر أسماء واللي بشسمه ريش مايستريح .. وشلونكم مع هالحر والطبخ .. قسم بالله اللي سعودي ويدخل النار أنه خسران بالدنيا والآخرة .. المهم .. تخيل أنك مستانسن ببراد السبلت يهفهف عليك وبراااااد يالله من فضلك همن تقولك أمك ياوليدي رح جب من البقالة خبز وتناظر الساعة ولاه ثنتين الظهر ولا يمديك تطلع من الباب ألا وأنت همن لاوصلت البقالة لقيته صاكه ترجع للبيت وانت تحلم بالبراد والنفاهة همن لادخلت البيت قالت لك أمك رح للبقالة البعيدة الله لايرزقنا هالموقف ولا يبتلينا طبعن ذي مقدمة وقبل أن نبدأ أتمنى عدم سرقة المواضيع لأني لقيت موضوع لي كنت تعبان عليه بقوة وآخرته ناقله واحد لمنتدى ثاني ـ الله لايحلله قسم يانا أنغثيت يوم شفته ناطله <<<< يبي يقنعكم أنه يقوطر براءة .. المهم نبدأ على بركة الرب : هذا سلمكم الله واحدن يقاله حمد .. قام من النوم والسعابيل تقوطر والريحة وشو بس .. حتى الذبان هاجات من الغرفة دخل النت وأثر صديقه بالجامعة فاتحن معه محادثة .. دخل وأثره كاتبن : زميله : هلا حمد .. ترا رفيدزنا الدكتور المصري حارمك بالصيفي . حمد : قل أحلف ؟ .. وااااااوك وش السوات .. أحد يحرم بالترم الصيفي ؟ زميله : رح لم الجامعة الحين وحاتسه . حمد : يالله الله يعين .. شغل الموتر .. وطيران للجامعة وهو يحلطم ويدخل مكتب الدكتور ولاوه قاعدن يقرا كتاب .. حمد : سلام عليكم .. الدكتور المصري : وعليكم مسل زالك الزي قلتم حمد : دكتور أنا أسمي حمد محمد محمود المحيميدي .. وانت حرمتن وخبرك الناس بالترم الصيفي لازم يغيبون الدكتور المصري : وبعدين ؟ حمد : بعدين ليتك يادكتور تسامحن ولا يروح جهدي بالصيفي .. تصدق أن أخوياي كلهم مسافرين ألا أنا جالس ببريدة عشانك تكفى يادكتور هالمرة سامحن الدكتور : مليش دعوى إنتا محروم محروم .. حمد : يعني خلاص الدكتور : أيوه ويالله إطلع برا المهم ويجي حمد ويحمّر وجهه .. ويقوم على الدكتور ويتوطاوهـ وتصير هوشة وبالأخير طلّع حمد من الغرفة ويطلع حمد من الجامعة وهو حمدز وكل من مر بجنبه بالسيارة تهاوش معه المهم يوم لفّ مع حدا التقاطعات وأثر راعي ددسن 79 يلف عليه ويصدمه .. ويحول حمد وقعد يناظر سيارته شوي ويلتفت على اللي صدمه ولاوهـ بنقالي .. قال البنقالي : مأليست .. أنا مافي معلوم ومير يقوم حمد عليه بالزبيرية لين أغمي على البنقالي .. ويشغل ويمشي .. ويوم وصل البيت وهو كله عرق ويالله ينفس من الزعل والحرّ .. وتقول له أمه : جب لنا زبادي <<< زبادي عشان ماتصير مثل المقدمة حمد : ويوم أني طالع وراه ماقلتي لي قبل أجي .. أمه : المهم ويطلع حمد ويجيب من البقالة .. يوم وصل قالت له امه : جب خبز نسيت أقولك طبعاً حمد قعد يلعن ساعة ويهوش ويحلطم وكسر المزهرية اللي شارينه أول ماولد حمد .. حمد : حرام عليكم .. وش أنا مزين المهم جاب خبز .. قالت له أمه يالله هذا غداك خبز وزبادي .. لأن حنا تغدينا قبل تجي .. طبعاً حمد صار تسذا >>> يوم أنه خلص ويناظر علبة الزبادي أثره منتهية له يومين .. ويمغصه بطنه ويقعد طول الظهر بالحمام مبوبز المهم طلع من الحمام وهو محبط .. وأثره يذن .. ومير يتوضى ويروح للمسجد .. عقب الصلاة لقى ولد جارهم سلمان .. سلمان : هلا والله حمادهـ .. بارك لي .. حمد : مبرووووك .. بس وشو ؟ سلمان : شف موتري الجديد .. التفت حمد وألاوه ربع 2009 بوليسي .. قال مبروك ياسلمان الربع .. وتقلب به بالعافية .. ومير يناظر حمد سيارته ( بيجو 77 الباب مربوطن بحبل عشان ماينفتح ) المهم دخل بيتهم وهو ضايقن صدره ... قال خل أنام وأنسى هالهموم .. ويوم أنسدح ويجيه ذباب ويهبل به عجز ينام المهم بعد المغرب طلع من البيت ويلقى جارهم الشايب يقشع تضليله البيجو ويقعد يناظر حمد شوي ماصدق هيه أنت يالشايب وراك على التضليله .. حرااام عليك مضلل بعشرين الشايب : تقل شفت أحد داخل السيارة وقلت أبفك التضليلة عن الشك حمد : هذا ظلالك يادبشة الشايب : بس ولو المهم رجع حمد للبيت وقعد يصيح على السرير من هالمشاكل اللي مرت عليه اليوم .. ويسمع جواله يرن رسالة جديدة .. ويفتحه يبي يقرا وشي أثره حبيبه ريان مرسل له يقول : خلاص من اليوم ورايح أنا بخاوي سلمان <<< راعي الربع ! ويصبخ الجوال بالجدار .. ويقعد يصيح ويمعط شوشته ويرن جواله ثانية برسالة .. بس عجز يقراه لأن الشاشة أنكسرت المهم أذن العشاء .. وحمد ضايقن صدره .. وقعد يفكر .. ياربي وش أنا مزين .. وراه البلاوي اليوم علي .. وراه حظي كذا .. أقام المسجد ومير يقوم من السرير .. وهو بالطريق سمع الإمام يقرا " لاتدري لعل الله يحدث بعد ذلك أمرا " ابتسم حمد وعرف أن هالمشاكل بتروح أن شاء الله .. وهي أمر عارض يحدث لكل أحد .. كبّر وصلى .. وبعد الصلاة أكتشف أنه ماتوضا ا.هـ **** وبنرد عليكم أن شاء الله بعد الرجوع من السفر __________________ في بريدة ستي .. كانت لنا أيام :** http://www.buraydahcity.net/vb/showthread.php?t=262111 ( قلب حب 1 ) آخر من قام بالتعديل خوي السرور; بتاريخ 17-08-2009 الساعة 08:39 AM.

17-08-2009, 03:15 AM	#6
wméédh عـضـو تاريخ التسجيل: May 2007 البلد: حول بقاالة الاجتياز حقّت ابو سر خخخ .. المشاركات: 3,517	××××× الخط غير واضح __________________ إن شكيت الحال محدٍ لي سُموع ! آخر من قام بالتعديل خوي السرور; بتاريخ 17-08-2009 الساعة 08:43 AM.

17-08-2009, 05:01 AM	#8
BRHOOM عـضـو تاريخ التسجيل: Feb 2009 البلد: لاٌ مكَان لاٌ وًطَنِِ ... المشاركات: 1,353	ههههههههههــ ,, شكرآآ لكـ ,, أنا أدري له شين يوه ذا بس .. ماودي اقولكم .. __________________ خطااااااااااي اني سألت وجيت ادور للغياب اسباب .. خطاي اني تعلمت الوفا والناس كذابه .. حسايف يا زمن ما عاد باقي في الزمان اصحاب .. على حسب المصالح كل واحد يحسب حسابه ..

17-08-2009, 06:22 AM	#11
فاهم الكون عـضـو تاريخ التسجيل: Sep 2008 البلد: بجاحة المشاركات: 238	تبي ترد علينا لرجعت و 24 ساعة خوي السرور (يُشاهد لوحة تحكم العضو) آخر من قام بالتعديل فاهم الكون; بتاريخ 17-08-2009 الساعة 06:25 AM.

17-08-2009, 08:34 AM	#12
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	طالب طب : هلا والله بعماد الدين زنكي .. والله يابن الحلال مهب لازم يصير مدعين عليه .. أحيانن الواحد حظه يصير شسمه .. أنت ماسمعت الشاعر اللي يقول : شسمه شسمه شسمه كمثل قمح نثروه ... ثم شسمه قالوا اجمعوه فالله يجيرنا ويجعلنا من المحظوظين والمحظوظات الأحياء منهم والأموات >>> شيكرن عمادوهـ .. __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )

17-08-2009, 01:18 AM	#4
نبع الوفا عـضـو تاريخ التسجيل: Aug 2009 البلد: عشقي و روحي بريدة المشاركات: 427	مشكور وماقصرت

17-08-2009, 08:45 AM	#14
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	علي الساقي : هلا والله بعلي .. أجل علي وساقي الظاهر أننا بمنتدى خبوب ستي بالنسبة للحقاق من الحين أقولكم : طاح وحنا راجعين .. لأننا حاطينه فوق السيارة وجاء عجاج بالطريدز وطاح كل أبو الحقاق شيكرن لطلتكـ .. __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )