[الفاروق]

هذا الحوار ياشباب حقين خويا مدحت

حوار بين اثنين سمعهم ثقيل

>حوار بين اثنين سمعهم ثقيل تضحكك وأن ماضحكت بكيفك
>
>تخيلوا لو اثنين سمعهم ثقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة التوبيس ( النقل الجماعي ) ودار بينهم الحوار ده
>
>الأول : التوبيس ده بيروح مــصر الجديدة؟
>
>الثاني : على الحديدة !!... ليه انت طالب احسان
>
>الأول : بذرة الكتان !! لا ..دي تلاقيها عند العطار
>
>الثاني : جزار!! اه ..قوللي كده .. عايز تشتري لحمة
>
>الأول : معك حق.. الدنيا زحمة ..علشان ده ميعاد خروج الموظفين
>
>الثاني : نور الدين !! لا والله .. ماعرفوهش
>
>الأول : ما بتشربوش!! ليه ..كفا الله الشر
>
>الثاني : رأس البر !!! ..ده مــصيف هادي
>
>الأول .: عايز تركب للمعادي... دي منطقة جميلة
>
>الثاني : بليلة !! انت شكلك كده جعان
>
>الأول : عيان!!! أي والله .انت باين عليك عيان ..طيب ما تروح للدكتور
>
>الثاني: الحنطور!! ده احسن من التوبيس ، وبيوصلني لحد الباب
>
>الأول : هبــــاب !!! وانا اللي كنت فاكرك محترم
>
>الثاني : اتخـرم !! هو مين ؟؟
>
>الأول : عاوز اسـبرين ! ليه انت عندك صداع ؟
>
>الثاني : قراع !!! ينهار اسود . ده مرض خطير
>
>الأول : لا والله مش عايز. وبعدين مش بأحب الفطير. تقيل على المعدة وتمنه غالي
>
>الثاني: خالي.. انت تعرف خالي ؟ ده راجل كبير في السن
>
>الأول : الجن .. نهارك مش فايت ..انت عليك عفريت .!؟
>
>الثاني : لا والله ..ممعاييش.. انت عايز الكبريت ليه . عايز تولع؟
>
>
>الأول : أدلع ! أدلع عليك انت!؟ انت ما تملاش عنيا
>
>الثاني :يقبضوا عليا !! ليه !؟
>
>الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
>
>الثاني : خيش!! والله ده صوف انجليزي
>
>الأول: بنتك زيزي!!! ربنا يخلي...
>
>الثاني : أنتاج محلي .!!!! ده مستورد
>
>
>يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
>
>الاتنين: ايوة يا شاويش ...احنا مستنين التوبيس
>
>
>الشاويش :! نهاركم مش فايت .... جواسيس !!! قدامي على القسم

===================
إنتهى الحوار بين المصريين
(( كلمة الشاويش معناها :: الشرطي ))

===================

أرررررررررررررررررجووووووووا التعليق


أخوكم الفاروق نت