[بنت حائل10]

السلام عليكم ورحمه الله بركاته
اختكم بنت حائل10 عضوه جديده
امسيكم بالخير يااهل بريده الغاليه
عندي استفسار وطلب من كل خواتي واخواني
ابغاكم تساعدوني
اختي الكبيره الله يعطيها الصحه والعافيه عمرها 37
تعاني من كبر حجم البطن بالمقارنه مع باقي جسمها المتناسق
ماكانت في يوم من الايام تفكر انها تسوي عمليه اوتشيل هالكرش لان على كلامها قليل الحريم اللي مالهم كرش فانا ليش اعرض نفسي للعمليات
المشكله هالحين انها تعاني من خفقان شديد وضغط مرتفع بدون سبب واضح
ولما تشتغل بالبيت ينقطع قلبها عند اتفه الاعمال
ولما تصلي اثناء السجود تجيها كتمه ولاتقدر تتنفس
كل الاطباء بحائل والرياض قررو ان المشاكل اللي تعاني منها بسبب الدهون المتراكمه على البطن لانا تسبب عبئ
على القلب ولازم تسوي عمليه شفط وشد للبطن
تصدقون والله العظيم اني ارحمها دايم تشكي من التسلخات اسفل البطن بسبب الترهل وتقول ياسعده الي ماعرف البودره
طولت عليكم اعذروني
خالي عرض على اختي تسوي العمليه ببريده بمستشفى التخصصي بحكم انه مستشفى كبير وله سمعه من ناحيه عمليات القلب وغيره يقول انه سمع عندهم التجميل ممتاز من ناحيه الانف والحروق بس المشكله مانعرف الدكاتره ولاالمستشفى
طلبي منكم الي يعرف دكتور اوسمع عن عمليات من هالنوع اجريت بالمستشفى مايبخل علي بالرد وله دعوه بظهر الغيب ان الله يفرج همه

حبيت انقل الموضوع بالساحه المفتوحه لعل احد الاخوه يكون شغال بالمستشفى ويساعدنا ارجو من الاداره عدم نقله او حذفه ولكم خالص الامتنان
اختكم بنت حائل10