[عربجي قاااضي]

السلآآآآم عليكم ورحمة الله وبركآآتووو .. وكيف الحآآآل والأحوآآل ؟ أمآ بعد
<== خووش مووقدمه

يآعيآآآل معليييش على الــتأخير ومحشووه بوجهي هالمرّهـ .. تغربلت تغربل موووب هاليومين .. بس ولوو ترآآ وقتي من الجمعه للأحد يعني للحين ماإنتهى .. وماأخفيكم من خرآآب الكمبيووتر لخرآآب النت والتلفووون .. الصرآآحة إني ودي مزينه بدري بس خبركم الدجّه وماتسوي المووهيم قدمت على قرض عشآآن أصلحه ومآآأخفيكم سرّآآ وش كثر حبي للقرووض .. عشآآآن جذي صنّفوون أهلي من القوآآرض وسجلون بكرت العآآئلة فآآر
عآآد تصدقوون إن هالموضووع مآرآآح عن بآآلي ومشغلن بالتفكير وقلت مشكلة تسآآنهم يحتروون .. ومن زوود تفكيري بووهـ عجزت أكمل الموحآآضرة عندي بالكليّة اليووم عآآد عجزت أصبر وطعّيته بوجه الدكتوور وقلت له عن بالله إذآآ ممكن تسمح لي أطلع ؟ .. قآآل إييه اللي بتؤوولوو يآآبني ؟ قلت والله الحقييقه والصرآآحة إني مليت ، وأنت بتلت تفلسف وتمطرس علينآآآ وأسلووبك يجيب الهمّ يعني لو تحط لنآآ فلم عدنآآن ولينآ أو فلونآآ ولآّ هآآآيدي بالبروجيكتر أصرف لنآآ >> شرآآيكم صرييييح .. قآآل أووكي كمآآ أردت يآآبنيّ أخرج وليسآآمحك الربّ ، هههههههه قلت منتب عآآقل يالكآآثوليكي على هالأسلووب مسوي فيهآآ البآآبآ بنديكيت أذهب إلى الجحييييييييييم يآآآرجل .. وبعدين لآتقوول يآآبني المره الثآآنية لآأبربس بوجهك .. والله وأطلع من الجآآمعه مآآلي من الشيطآآن طريق وقآآفلتن معي ، مدري شسوي برووحي ؟ أشنقه مثلآ آو أنتحر ؟ .. وأمسك الخط وآرجع للدآآر وكل ماتذكرت شي اسمه بيت ضآآق صدري وآرتفت حرآآرتي .. لأني سآآكن مع نآآس يجيبوون المغص .. الحقيقه آنآآآ أول مرة أشووف إنسآآن جآدعن ليّ الغآآز بتآآنكي البنزين ويشفط منه .. بزعم أنه يحسن مستوى الأدآآء والطآآقه !! .. والثآآني يحكر له شآآهي تشليح على هالصبح ويبدآآ يفكفك بهالمووتر !! مآآبووش مسمآآر مافكّه وتلقآآ غآآلب وقته يتأمل بمنطقة مآآحول الكفرآآت وإذآآ سألته ليش تسذآآ يقوول غرييبه السيآآرة مآآيجيه حرقآآن بين فخووذه من كثر المشي ؟ والله الحرقآآآن طلع بوجهي من هالعآهآآت ذولآ .. الموهيييم وآنآآ رآآجع للبيت خبركم مشوآآر الجآآمعه وبعده عن الديره يعني مآآلك إلاّ تكيّم عالبنزين وتدعس لآآآخر البنص وتطق هالـ 220 حتى إن جرس السرعه حقّي من كثر ماأشغلته جمع أغرآآضه وضف قشّه وفرآآشه وزبن مع هالدريشه وقآآل أنآآ الحمآآر اللي أنبهك إنك تسرع .. لكن فجأة مآآذآآ حدث أمآآمي ؟؟ وشوووو ؟؟؟ تفتييش أول مره أشووفه والله وأكبس على وآآلدين الفرآآآمل بس السيآآره أسرعت زوود وأجي أتذكر إن هالثآآلوول أخووي ضآآفن الفحمآآت على بآآله برجر بيتعشى عليهن هو وربعه أخوي هذآآ عآآهه أقوى شي .. الموهيم عيّت توقف السيآآره وأجي أطلع رجلي مع البآآب وأدعس على الكفر .. الحقيقه إني شميت رييحة كفرآآت وخفت على الكفر لآيفقع والله وتهج بي ومآآوقفت إلا بصبآآت التفتيش .. واغمي عليّ ويووم قمت وأثره بنت لآبسه بدلة عسكرية برتبة جندي أول !! تقوول إثبآآتك يالأخوو .. قلت لالالالالالالالالا !! حكيت عيوووني زين وألتفت يمين ويسآآر وأشووف كل العسااكر ونقطة التفتيش بنآآت >> إلعن أوووم الفلة يآآولد ، وش جآآنآآآ ؟؟ وتجي تكلبشن البنت وتسحبن بالكلبش وركبتن الصيآآآرة بتودين للحجز قلت يآآهوووه منب رآآكب معكم إلا بمحرم .. وتجي تصكّن بذنب المسدس وقآآلت أقوولك تحرك .. قلت أردى لتس أنآآ الكسبااان .. وصدفه سبحاان الله قمت من النوووووم >> يآآآبثرك بعد .. أدري إني جريتكم وحمست هالزقرت والفاهرين بس مخآآلف

الموهييم مآآلكم بطوول الهذر واسمعوو قصتي ..
طبعآآ من يووم كنت صغير وأهلي ينآآظرن بي نظرة طمووح وأمل وإني نيوتن السابع .. حتّى إن أبووي يجيب أكيآآس شعير ويقوول ازرع هالحين تحصد بعدين >> درس عملي من أبووي .. حتى إن أمي تحني يديني كل ماجيت من المدرسه من الجلد اللي يجين من المدرس أو الوكيل ، يآوآآجب مآحليته أو متأخر دقيقه أو ماجبت بدلتي وأمي ترقّين الأثل وتقوول الضرب للرجآآل وإن المشآآيخ وطلبة العلم كآآآنو يجلدوون ليل نهآآر يآآيمّه بمووت وأنآآ ماصرت رجل ... وتبدآآ تسرد عليّ مآآقبل النووم سوآليف ألف أرنب وأرنب .. المشكلة مآآدري وش ينتظروون منّ .. حتى إن أبووي جآآيبن لي مدرسين خصووصي بكل الموآآد حتى الفنيّة جآآيبن لي لبنآآني مهندس ديكوور وبمآآإن بشرتي حسآآسة وجلدي قطني أبوي طرد كل السودآنيين والمصريين وجآآب لي مدرسين لبنآآنيين لكل الموآآد .. يآآليتكم والله تجوون تشوفوون بيتنآآ أيآآم الإستمحآنآآت .. لبناني طآآلع ولبنآآني دآآخل صآيرتن بيتنآآ تسنه القنصلية اللبنآآنية .. مآآلكم بالطويلة .


. . . .

تخرجت من الثنوي وصلقآآطي للتخصصي بأربع أصآآبع بكل يد >> من الجلد اللي جآن وأنوآآع العآهآآت الكدماات .. ولولآآآ الله ثم رفع معنويآآتي من أمي وأبووي تسآآن طآآلعن من أيآآم الإبتدآآئي وصآآآيرن سوّآآق سطحه ، طبعآآ ملييت وأنآآ أدور على جآآمعه تقبلن أو كليّه تضفّن من العربجه والدشره , على الأقل لو أستلم المكآآفأة حقتهم بدوون درآآسة ومآآأضيّق وأزآآحم على خلق الله .

تحسّف أبووي على المبآآلغ اللي دفعه للبنآنيين أيآآم الثنوي ومآآطلعت بنتيجه وبدآآ يملّ من ويحس إن جلستي عنده بالبيت مآآله سنع وإني مضيّقن عليييه صآآيرن تقل ثالوول خصووصآآ لآصآآر مقآآبل خشتي 27 سآآعه .. وبدآآ يفكّر وش يسوي بي وأخيرآآ بدآآ يجيبه يمين ويسآآر وطنّة برآآسووهـ فكرة الإبتعآآث ..

الموهييم في صبح من الأصبح بعد ماأفطرت فوول وعقّبته بزبآآدي ولبن طبعآآ كآلعآآدهـ جاالس بالملحق لحآآلي وقآآعدن أتآغر من زوود الفرآآغ .. وأفكر بحآآل هالدنيآآآ ... ومآدريت إلا بوآآحدن يطق بآآب الملحق ، سويت نفسي أطلق أحد وقلت لآتشغلني ترآني مشغووووول مشغوول .. طبعآآ جرت العآآده وتم رجف باب الملحق واقتحآآمه من قبل الوآآلد وهوو معصّب .. قلت هلآ بيّيّ شلونك خلفهم >> تحلف انه جآآلس بإسترآحه ويّآآو .. المهم جلس بجنبي وينآآظرن من فووق لتحت وقآل اسمع ياحمآآر : هالحين أنت مآآتشووف وجهك إنوو بدآآ كلمآآله يتعفّط زوود ؟ وخشّك بدت تميييل ؟ وكل هذآآ من قعدك بالبييت ، فآآآ وش رآآيك وآنآآ أبيّك مآآترووح تكمل درآآستك برّآآآ كودك ترزق بوظيفتن سنعه ونزوّجك ونفتك منك >> أبووي مآيعرف يفتح موضووع أبد قلت له وين تبين أرووح ؟ قآآل بوديّك لليآبآآن خبرك وشلوون التطور والتقدم عندهم >> يبين أرووح لليآبآآن على بآآله إن هالفنس مآآعندكم خرآآب .

أنآآ الحقيقه جآآزتلي هالفكرة وخصووصآآ إني أبكسر الروتين الممل تسدّح وتبطح بهالصوومعه ( الملحق ) وإن طلعت برآآ ماغير تفآآتيش بكل جخر .. بس ودي أبين لأبووي إنوو مآآودي عشآآن مايشك برووحتي هنآآك .. قلت يآآيبه مآآأقدر أصبر كل هالوقت بدووونك .. قآآل أنت تعرف وش يقوول أبو وديع ؟ أنكرت وقلت منهوو أبو وديع بشووف وش عنده .. يووم درى إن مآآعندك أحد قآآل إن أبو وديع يقول :

بيئولوو الصبر طيّب !
كفآآية العمر عدّآآ وأنآآآ وآآئف مكآني .. واللي عدّي النهآآر دآآ مش رآقع بكرآ تآني

عآآآد أنآ دخلت جوّ وشلعت :

واللي أديتهم زمآآني نسيوو زمآآني في سوآآآآآآني ( ثواني)
واللي ضحيييت عشآنهم مآآضحّوش عشآآني

ويجي يكرشن بطرآآق مع العلبآآت وقآآل لآعمرك تسمع يآثووور .. قلت طيب أنت ورآآك تمسمع ؟ قآآل أنآآ قآآريه بكتآب لحدآ شعرآآء سوريآآآ .. وأجي أحجره واللحن منين لك ؟؟ قآآل خلآص بكرآآ ولّم قشّك وزهب أغرآآضك برسلك لليآبآآن .. طلعت من الملحق وزهبت أغرآآضي وأخذت معي جرآآيد ( بتعرفوون ليه أخذ جرآآيد بعد شوي ) ومآ جآآ بكرآآ إلا كل قشي بالمطآآآر .. ركبت الطيآآآرهـ وجلست بالممر أتصفح الجرآآيد ( طبعآ الممر مآيآخذ إلا شخصين بالكثير وأنآآ جآآلس وكل مآآمرّ أحد فتحت صفحة بالجريده وماأفوت أحد ويمر بدوون جمركه لغرض .... ) الموهيم جمركت كل اللي بالطيآآره من ركآآب ورآكبات ومضيفات ومستعد أسمع لكم مقآسآآتهم فيه شي مغري وفيه شي ابليت يووم جمركته .. المهم وصلنآآ لطوكيوو بعد ماجمركت الركآآب بس المشكله عيّو علي أنزل الأخير ونزلووني الأول >> كآآسرن عيوونهم يالثوور
الموهيم نزلت وجلست أدور تكسي وكلهم فنننننس مالقيت أحد من ربعنآآ أو وآآحد يفتح النفس المووهيم نزل وآآحدن من السمآآآ ووقف جنبي وقآآل بدّك سيآآرآهـ قلت إيه الله يلعن الدرآآهم أبي سيارهـ وأركب معووهـ وخذ سوآليف معه عآآد قلت له وش اسمك ووش جآآبك هنآ ؟ قآآل : أنآآ اسمس علّووش من لبنآآن وجآي هوون بدّي أجمّع لي مصاااري .. قلت والله والنعم تصدق إن خوآآلي لبنآنيين >> مآآعآآقت تسنه ارتآآح لي وقآآل وش بدّك ع طوكيوو ؟ قلت والله الحقيقه إن أبوي أرسلن يبين أدرس وأنآآ منب فيد درآآسه وأنآآ جآي ودي أنبسط وأفلّه وعطآآن نظره بنت كلب .. قآل شو بدك مشآآن تنبسط ؟ عطيته قآآئمة مليآآنه للضحك والونآآسة .. عآآد قآل : على وين بدّك بتروووح الحييين ؟ قلت شف لي أقرب فندق أبرتآآح وبعده شف شغلك وسعسق بي .. وأجي أعزمه من بكرآآ وجآآيبن معه خويّه من بكّين .. قلت أنآآ عزوزز من بريده وأنت ؟ قآآل شنق جووشآآ من بكين قلت والنععععععم .. قلت له هالحين عندنآآ بالسعوديه اللي من بريده بريدآي واللي من الشرقيه شرقااوي وجده جدّآآوي !! .. وأنت وش عندكم ؟ أنت من بكّين بتقوول بكّيني ؟ جدع علي نظرهـ معنآآه كل تبن .. دشرت هنآآك ومآآلقيت للدرآآسه بآآل وأطلب من أبووي درآآهم وأكزه أقوول إن القلام والدفاتر ومصاريف الدرآآسه غااليه عندهم ..

قرب موعد رجعتي لبريده وبلش وش بقوول لأبووي ووش تعلمت هنآآك وإيش استفدت ؟! رحت وفضفضت على علووش وقاال عندي لك حل ! قلت هآتوووه .. قاال فيه معهد مدته شهرين يعلمك مبادئ طريقة العلاج بالإبر الصينيه وأنت أدخل وخذ شهآآده وورهـ أبووك وقل له إنك تدرس بالطبّ .. قلت خشمك يآآذيبآآآن وقسم إنك عفريييت .. رآآحت شهرين المعهد تسااهيل ثلآثة أيآآم غيااب ويوم أسبووع ومرة أرووح لهم وأنآآ موآآصل وأدبخ نوومه ومرّهـ مآآصل إلا متأخر وهلم جرّآآآ >> بريدآآوي أصل وفصل .. اختبرت ونجحت وأدق على أبووي وأنآآ أشهق من الفرحه قلت يبآآآآآآآآآآآآآآهـ أبشرك إني نجحت وسمعت أمي حووله تصفّر وتصآآرخ ، استآآنست أحسبه على شااني بس طلع حسين عبدالغني جآآيبن هدف >> أمي نصرآآآآوية بحته ..

حجزت رجعة لبريده وحآآطن شهاتي بمخبآآتي فرحن به طبعآآ كالعآآده جآآلسن بالممر ومعي جرآآيد أبجمرك حقين الطيآآره بس شكلهم عآآرفين حركتي ومآقآآم آحد عن كرسيّه .. حتى المضيفه تستأذن لآجت تمر وتقوولي لو سمحت أبمر > عآآرفتن الدعوآآ .. حتى أشك إن بعضهم يسويهآآ على نفسه بس مآآيمر من عندي وأجمركووهـ

وصلت مطار بريده وركبت مع ددسن يتكّس >> مآبووهـ إلا هو ,, وكل شوي أتلمس مخبآآتي وآتأكد من شهآآدتي رآآآس مآلي ، دخلت على أبوي بالبيت ولقيت عنده خمس طعش ألف شآآيب سلمت عليهم وحبيت رآآس أبوي وقعّدن جنبه بالمجلس وقآآل هذآآ يالربع ولدي اللي حتسيتكم عنه إنه رآآح لليآبآآن وصآآر دختوور وهذي شهآآدتووهـ وتسيد قآبلوو معه بالتلفزيوون وصآآر يدرّس الطب باليابان >> الله يصلحه أبووي مآآيعرف يبهّر بالحتسي أبد .. تجمعّو علي هالشيبآآن اللي يحبي واللي بعصآآو واللي يتدربآآ كلهم يبونن أعآآلجهم .. التفت على أبووي ولقيته فآآجن كشرته من الفرحه وقلت والله ماأكسحك يآبيي

الحقيقه توهقت لكن قلت لأبووي مخآآلف دخلهم علي بالملحق وآحد وآحد وأرووح أسلّم على أمي وأحب رآآسه وضفيت شنطة الخيآآطه وهي مآآدريت بي .. ورحت للملحق وقلت المريض الأول .. دخل علي شآآيب قلت وش بك يآآعم ؟ قآآل يآآوليدي أنآآ فشلن من السورية اللي أخذته من تآآلي وأبيك تقوي ظهري وتبيّض وجهي عنده مآآودي أسمع بالليل غير صرآآآخ .... قلت مخآآلف أبعآآلجك بالإبر الصينية بس أنت انبطح أبغرز ذوولي بظهرك وتطلع أبو 22 سنه مآمدآآن أكمل حستيي إلا والشآآيب منبطع ويتضووحك .. وأسمّي بالله وأغمّض وأغرز من هالإبر بظهرهـ زعق أول زعقه عقبه ماسمعت له نفس .. فتحت عيووني وألقآآآوهـ مغمّض وجآآيبن العيد .. شقلته وحطيته بطرف الملحق وأطلع على هالشيبآآن قلت شووفوو ياجمآآعه خويكم هذآآو نيم بالبنج وبيصحي بعد سآآعه متعآفي ومبسوووط إن شااء الله .. وآنآآآ دآآآآيخ وتوي وآآصل وبرووح أرتآآح ووعدكم بكرآآآ ، رآآحو الشيبآآن وكل وآآحد بيده كرت طآآبعه أبوي له ..

طلعت من البيت وأقص تذكرة رجعه لطوكيوو أدور الهجّه لأن هالشويّب شكله نووم موبد /, طبعآآ كالعآآده جلست بسيب الطيآآآرهـ وأمآآرس هوآآآيتي الجمركية . . عيآآل الحرآآش عآآرفين وضعي ومخلينن بالطيآآرهـ لحآآلي ومعي وآحد أسوووووووووووووود كوييييييح طوله أربعتمتآآآر شكلهم جآآيبينه بشبك من جنووب إفريقيآآ .. حتى هالطيآآآرهـ مآآبه ولآ مضيف .. بلعت العاافيه وتركت عنّ شغل الجرآآآيد والجمركه لأنه خلآآآص صآآرت مكشووفه .. نمت لمآآ وصلت لـ طوكيووو وقبل ماأنزل تجمعوو علي الشرطه وركبووني سياارتهم وعلى المركز علطووووول أنآآآ أنهبلت أحسبه عمليّة خطف .. دخلوون المركز وعيني مآشآآفت النووور صآيرتن خشتي مثل الخيشة اللي يتعلموون عليه حقين الكرآتيييه .. وقسم إني قمت أعترف بكل الأشيآآآء اللي سويته واللي ماسوّيته .. عقبه جآآآن المترجم بعد ماإنلعن خيري وقآآل إنوو جآينآآ بلآآآغ من السعووديه وإنك مطلووب لهم .. دريييت إني رحت وطي وإنهم كفشوووون .. لكن ماأقوول إلا حسبي الله عليييك ياعلوووش قريييح لو أنآآ ماسمعت كلآمك ومآآدخلت المعهد أصلن أحسن لي .. صحيح إن أبووي يبي يغسلن وبيآآكلن مع قشووري بس مع الوقت بينسى وبنرجع حبآآآيب ..

وأنآآ الأآآآآن في سجن يوكوهآمآآآ العظيييم .. وتمت إجرآآءآت وموآآفقة رجووعي للسعووديه .. وكآآتبن هالموضووع من جوآآآل وآآحدن أفنس عندي بالعنبر ..

وسلآمتكووووو .. واعذرونآآآ ع الإطآآآآآآله .. والصرآآحه منذووو مبطي مآآلزخت موضووع وأحس إن أصآآبعي بدن يصرصرن من هالكتآآبه .. وإن أعجبكم الموضووع فــ زين وعييين .. وإن مآآجآآزلكووم فترآآآهـ مآآآوقفت عليكم ورضى النآآآس غآية لآتدركـ >> يسلّك لرووحه هالغبي ...




مآآآيستفآآآد من الموضوووع /
1- مآآآفيه أحد يرووح للخآرج بإسم الإبتعآآآث ويزبط
كلهم دشيييييير ....
2- مآآلي حبييبة بس أبجركم تدخلووون الموضوووع ..

[rèmàn]

يعني شلون تجمرك عزوز
تبين أحلف انك الى اللحين ماقدرت تقعد عقب ماحاولت تجمرك الأسود

[أبو شباصة]

ههههههههههههههههههههههه
والله يا رقبتي راحت وطي من موضوعك لا عادت عليه .. بس موضوع خوووبل تفداه رقبتي
موضوع متعوب عليه ..
بنسبة لي أنا أُجيزكـ وبعنف ..
وفالك الأسبوع الذهبي
عربوووووج..

[الضَمَـادَا ®]

قبل ما أقـرى الموضوع ::

مهبووول إلى الدفنة ..

.

[GIVENCHY]

حسسسسيت آن الموضوع تسكيتة
بتله موآضيعكـ حول الحب
مآدري وش الحكمة <

عربووووج !

[AL RAJHI]

.



لي عودة


.

[كآيدهمـ]

تسلم الانامل الي كتبت هذي القصة
ومشكور اخوي (( قاضي فاضي ))
على الاخراج الحلو والتحميس الزايد

سئوال ممكن تكرر لك؟

كيف تجمرك بالجرايد
نبي توضيح اكثر
قلبتها يمين ويسار عيت تجي براسي
وتقبل مروري لموضوعك

[دريم]

لالالا مايصلح الحريم يصيرن شرطه
يبدون الشباب يخالفون بالعنايه حتى توقفم آوم فوزيه
آوم فوزيه ذي طويلة الذراع .. رقيبه بالمرور
آجل قاري اللحن هالكلاك شايبكم
لايصير يشعر بآخر الليل بس هههههههههههههه
هههههههههههههههههههههه
<<- يضحك على الجمركه
نعنوا ببليس ماتوفر شي حتى الآسود وآبو آهمدآ
آدري ردي حوسه بس آقرا شوي همن آعلق
موضوع مونتاز فالك الآسبوع الذهبي اللي يصبخك مع الجبهه

[بررريده]

هاذي قصة محمد اليحيى وسليمان العرفج بمسرحية(وش لو)يوم يوديهم عمهم للمصر ايقاله بيصير طبيب واخوه مهندس اوومير يصيرون فااشلين
يوم جو لابوهم للبريده اثره مجمع اخوانه واقاربه ومحمد اليحيى لابسن ثوب وشمااغ ايقاله طبيب هو وسليمان العرفج ايقاله مهندس ومجمعن ابوهم شيباان الحاره ايقاله بيكشخ بعياله انهم صاار اطباء ومهندسين
باخر شي جاء عمهم وكشفهم انهم راايحين يستهبلون
الزبده قصك ماهنا بعد عن هالقصه
نبي نبحث با (ال اي بي) هو انت هناك ولا لا
الله يفك اسرك

[[ لــمّــآح ]]

اقتباس أنت من بكّين بتقوول بكّيني

تنسيييييييييييييييييييييييييييم ..

[.:القيصر:.]

اقتباس مآآودي أسمع بالليل غير صرآآآخ

هههههههههههههههههههههههههههههههههه


الشاييب مخربه


تسانه يبي من الابر الي عندي فــ ميخالف

[عـدنــان]

اقتباس بيئولوو الصبر طيّب ! كفآآية العمر عدّآآ وأنآآآ وآآئف مكآني زز واللي عدّي النهآآر دآآ مش رآقع بكرآ تآني واللي أديتهم زمآآني نسيوو زمآآني في سوآآآآآآني ( ثواني) واللي ضحيييت عشآنهم مآآضحّوش عشآآني

عربووووج موضوع منتهي آخر شيء


فالك الأسبوع الذهبي

[المعتز بدينه]

اقتباس وطعّيته بوجه الدكتوور وقلت له عن بالله إذآآ ممكن تسمح لي أطلع ؟ .. قآآل إييه اللي بتؤوولوو يآآبني ؟ قلت والله الحقييقه والصرآآحة إني مليت ، وأنت بتلت تفلسف وتمطرس علينآآآ وأسلووبك يجيب الهمّ يعني لو تحط لنآآ فلم عدنآآن ولينآ أو فلونآآ ولآّ هآآآيدي بالبروجيكتر أصرف لنآآ

أجل حنا بردقان تحلت علينا من هالرخيص ..

بس احمد ربك إنك ختمته إنه حلم , ولا تسان تشوف وش معنى الطعّه بوجه الدكتور إذا طلعت النتيجة

دمت عربجيا

[Fast]

تنسيم لاخر شي يسلمو عربجي

بس وش صار على الشايب ‘ ..؟


فالك الأسبوع الذهبي


كل الود