[abo suliman]

.
.
.
.
.

صراحة وبكل صراحة ..
واسمحولي ياعيال .. اسمحولي يامشرفين ..

الأخبار من تالي بهالقسم ... تحوم التسبد . وتفقع المرارهـ
مع أني ما أواطن شي اسمه مرار ..

بعذري .. من طلعتي على الدنيا ..
لارحنا لبيت جدي الله يرحمه بعيد الضحية ..

لاجينا نعاون ( الرجال ) بالصلخ

أووووووووووووهـ كل شي ولا ( الجلد ) .. أقطع أصبعك ولا تروح اللحمه ..

أف .. ولا لاقربت لم الكرشة .. خشتي تطلع حمرا ( )
الدم كله يطلع بالخدود ..

أنواع أجراس الإنذار .. هنك وإنك ..
تشق الكرشة .. مصيبة ..

طراق .. وشو طراق شوي طراق >>>> عده خمس

المهم ان المرارهـ أويحيه .. لو تقطعه وتخر على اللحم ..

مالنا بالطويلة ..

المهم أن المواضيع من تالي أو نقول الأخبار .. ماجازت لي لعدة أمور ..

كل من هب ودب .. بدأ يكتب موضوع ..
صح أنه زينه .. وتنعش القسم .
لكن مواضيع ماااااااااااله داعي ..
شين سخيف بالحيل .. وشين ( بايخ ) على قولة أبو ريم .

( ماصورة مايله .. ولا وردة بشارع الملك عبدالله مانبتت من بد خوياته .. )

( ومطعمن .. يهوجس أنه يفتح .. )

( وبقالة .. ماعنده فيري بالليمون .. )

( وسباك .. ماعنده مفك 15 )

وخذ من هالمواضيع ...
لاعلى سبيل الحصر ولكن على سبيل الإجمال

,
,
,

( 1 )

( وععععععععععععععععععع فخذ صارور بأكبر مطعم في بريدة ( صورة + فضيحة )

يجلبك هالعنوان ,,,
تمشي طبلونك وتلحط الفارة ,
تدخل هالموضوع على السرعة ؟.
تبي تدري وش هالمطعم الوصخ اللي حاطين لوهـ فخذ صارور ..

تناظر وتدقق بالصورة وآخرته .. قطعة دجاجة علدزهـ
أنا ودي أدري وش جابه لفخذ الصارور ههههههههه

الله العالم وهو يكتب الموضوع فخذهـ بوهـ مشق وقاعدن يحكحك ويسوفه ..
على طول ضرب العقل اللاواعي .. وسجل الفخذ ..

( ممكن سجلوهـ . هذا إحتمال كبير ..)

,,
,
,
,
,
,
( 2 )

( الأمانة ... قلة أدب , وعدم إهتمام , وعدم وجود ضمير حي يؤنبهم .. ( قصتي معهم )

تدخل هالموضوع على برائك ...
مولمن كرتون مناديل جنبك .. متولمن للصياح

اكيد هاذي مأساة لن يعيدها التاريخ ...

دخلت الموضوع ... ومتحمس تبلع الحروف بلع
ودك تدري وش قصة هالمسكين .. مع المجرمة ( الأمانة )

يوم دخلت ..
وأثره سواليف مبزرة جالسين بحدا ( البراحات )
يشوون دجاجة مثلجة

وش تناظر .. وأثر البلدية حدا الأيام .. نسو
ما أخذوا الزبالة عند بيته ..

المشكلة أنه مسفلن بالمدير والطقة كله حقت الأمانة ..
والعمال .. والباكستاني ذاك اللي يسوق الدباب

وآخرته .. نسي أن مرته ماطلعت الزبالة

شلدز ..

,
,
,
,
,
,

( 3 )

( المدرس الكلب ... في أحد المدرس ...( نظر مذا سوى )

اللي يناظر العنوان ..
يقول غريبة .. الوزارة مركبة ( dsl )
بفصول ثالث إبتدائي ..

تحلف وانت تقرأ الموضوع .. ان البزر
وادزف يكتب الموضوع ..
وامه وراو تحفظه ..

ههههههههههه

صراحة

الأسلوب .. مهناش أو قل مابوهـ
الإملاء .. صفر أو أنه سالب ثماني وعشرين .

ألخ .

وآخرته القصة .. أنه قال للمدرس
ابروح أشرب ( ماااااااااء ) وقاله المدرس بالفسحة

( سجل ياعمر اليحيى .. سجل )

,
,
,

فأنا أقول ..

خلو قسمنا يرتقي.. بمواضيعنا ..
خلو المواضيع .. تحل مشاكل ..
خلو المواضيع .. تنقل صورة للواقع الصحيح
خلو المواضيع .. صحيحة مافيها كذب وزور ..
خلو المواضيع .. بدون تجريح وتسفيل ونقد جارح ..
خلو المواضيع .. يغلب عليه اسلوب الإحترام مع المسؤول أو الجهه .

خلو خلو خلو ...

بالنهاية ..
ما أقول مواضيعنا كله .. (من هالنمونة.. )

لا .. فيه مواضيع بالصميم .. ويشكرون كتابه
..
وأمثلتي .. ليست صحيحة . لكن ايضاً ليست بعيدة عن الواقع

كل الإحترام

أبو سليمان

[المديرالعام]

رحم الله امرئن عرف قدر نفسه

[_ المجاهد الصغير _]

مافيهة أمل اشري منه مشكووووووووووووووووووووووووو أخوي

[abo suliman]

اقتباس المشاركة الأساسية كتبها المديرالعام رحم الله امرئن عرف قدر نفسه

هلا حبيبي ....
فعلاً كلامك صحيح ...
والصحيح كتابة ً ( رحم الله أمرئً عرف قدر نفسه ) ..

[abo suliman]

اقتباس المشاركة الأساسية كتبها _ المجاهد الصغير _ مافيهة أمل اشري منه مشكووووووووووووووووووووووووو أخوي

هلا اخوي ...
وش اللي مافي أمل تشري منوهـ ...
تراي منب أحرج على سطل كوسة .. ولا مزين دعاية لمطعم أفغاني ...

أقر الموضوع زين ياحبيلك ..

[غريب احساس]

اشكرك ابو سليمان ع الأسلوب و الموضوع الحلو يا حلو
اما المجاهد على الريحة ما في امل يشتري منة خخخخخخ

[عبدالرحمن99]

مشكور اخوي على الموضوع الاكثر من رائع

[خـآالد]

والله أنكـ صآدق
جبتهآ يا أبو سليمآن


مشكور ع الموضوع..

[【يــبقـى شموخ‘ـي]

والله صدقت بكل كلمه قلتها
من جد شيء يقهر يكتب العنوان اللي ماشااء الله يجذبك من على امتاار وبالاخير سخااافه بالدااخل
والله يااخوي كلاامك صحيح 100%
وانا اواافقك كلاامك
مشكوور ع الموووضووع
ويااليت العاالم يصحوون ويكتبوون موااضيع سنعه
يعطيك العاافيه

[abo suliman]

اقتباس المشاركة الأساسية كتبها غريب احساس اشكرك ابو سليمان ع الأسلوب و الموضوع الحلو يا حلو اما المجاهد على الريحة ما في امل يشتري منة خخخخخخ

العفو حبيب قلبي .. غريب احساس الحلو
ياحبيله المجاهد الصغير .. هذولا وانا خوك ..
تبع حملة .. ( زود مشاركاتك لتحصل حلاو مصاص ) ..

شرفتنا ياورد ..

[abo suliman]

اقتباس المشاركة الأساسية كتبها عبدالرحمن99 مشكور اخوي على الموضوع الاكثر من رائع

هلا والله بدحومي ..
أنت الرائع . اي والله ..

شرفتنا ياباشا مهندس ..

[abo suliman]

اقتباس المشاركة الأساسية كتبها خلودي 8888 والله أنكـ صآدق جبتهآ يا أبو سليمآن مشكور ع الموضوع..

هلا ومرحبتين ألف .. بخّلودنا ..

العفو حبيبي .. والموضوع مجرد سواليف ..

[abo suliman]

اقتباس المشاركة الأساسية كتبها 【يــبقـى شموخ‘ـي والله صدقت بكل كلمه قلتها من جد شيء يقهر يكتب العنوان اللي ماشااء الله يجذبك من على امتاار وبالاخير سخااافه بالدااخل والله يااخوي كلاامك صحيح 100% وانا اواافقك كلاامك مشكوور ع الموووضووع ويااليت العاالم يصحوون ويكتبوون موااضيع سنعه يعطيك العاافيه

حياتس ربي .. اختي ( يبقى شموخي ) ..
والحمد لله .. أني منب لحالي منقهر من هالمواضيع ...

شكراً لحضورك وتعقيبك ..

[GIVENCHY]

الله يرحم الحـآل بس : (
لكن لآحيآة لمن تنآدي : (

ولو عقب الآشرآف لك غيرة على بريدة ستي مآدي وش الدبرهـ