[ياحبيلي ياسعدك فيني]

السلام عليكم ورحمة الله وبركاته ..


بصراحه مارئيته وبحثت عنه وجدة النتيجه ان المهر المدفوع لزوجه في غير محله فرش لبيت اهلها واخوانها ماتقصر معهم وانا الزوج كم لبسه وطقمين ذهب وكم شنطه وبعد شهر من الزواج تبي السوق طيب انا دفعت 35 الف ريال مهر واعتقد انها كافيه ووافيه وش دخلني بأهلك واخوانك ولاشفت جهازها تحلف وتقسم انه ماكلف 15 الف ريال وانت دافع 35 الف او 40 لا وجهازها مايملا عينك وشوي تقل شحاذه....؟



-سؤالي لشباب المتزوجين هل جهاز زوجتك مقتنع فيه وتحس ان المهر كفى ووفى والا تحس ان المهر راح وضاع على غير فايده ؟

-وكذالك البنات المقبلات على الزواج بهالعطله المهر صحيح انه لك بس مو لحالك معك شريك فيه وهو زوجك اللي دفع هالمهر يبيك تتسنعين فيه وتتزيينين له مو يضيع على غير فايده وكذالك لامانع من ابدى وجهة نضركن في الموضوع ...؟

[السامي البريداوي]

لا تحرجنـــــــــا

[ياحبيلي ياسعدك فيني]

اقتباس المشاركة الأساسية كتبها السامي البريداوي لا تحرجنـــــــــا

بالعكس انا مابي احراج لكن ابغاك تتكلم بصفه عامه اكيد لنا اخوات متزوجات وشفنا جهازهن بالنسبه لي انا اختي على طول مطبخ مواعين وفرش للبيت وخذو ياخواني فلوس واحد من اخواني عطته 8000 الاف طبعا ايامه كنت انا صغير واكيد بفرح بالفلوس انا واخواني وهذا ضلم لزوجها وش راح تلبس له وش بقت له من المهر واعتقد ان كثير من الازواج مايعجبهم جهاز زوجاتهم وغير مقنع بالنسبه للمهر اللي دفعه.
انا عن نفسي غير راضي على جهاز زوجتي ومهرها وزعته على ابوها واهلها هدايا وجوالات وبالاخير ابي السوق طيب وانا وش بقالي انا معرس ابستانس مو اكد على اهلها وخوانها ..


ارجو التفاعل المهر حق مين ويصرف لمين

[بودرة نونو]

اول مرة اسمع ان المهر يتوزع على الابو ولا الاخوان !!
المهر كامل حق للمراءة فقط لاغير تسوي اللي تبي فيه ..

ومااعتقد انك تشاركها الحق في المهر انت دفعته صداق لها مو عملية بيع !!!
يعني انت مالك حق تقول انا وين حقي من المهر اللي دفعته !!
زوجتك عندك بالبيت لها احتياجات اذا تقدر تلبيها جوزيت خيرا اذا ماتقدر قل مااقدر وبس
اما حكاية وين حقي من المهر !!!

والله عيب !!ِ

[البيضة]

اذا نويت علمتك بالاسعار هع هع

[صمت النار]

بالنسبة للمهر فهو حق للزوجة , ولها الحق بالتصرف فيه كما تشاء , إن ارادت إعطاء والدها او والدتها أو اخوتها من المهر , أو حتى لو أرادت ان تعطي زوجها من المهر فهذا من حقها بما أنه برضاها ..

بإختصار ,, ليس لأي احد ان يأخذ شيء من المهر من دون رضاها ..

لكن بالنسبة لما تقصده وإن فهمه الغير بشكل خاطىء , فانا اوافقك فيه , فالواجب على الزوجة ان تفكر بعقلانية في كيفيه صرف هذا المهر , ويجب عليها ان تفكر في زوجها ( وأنا مايغثني الا اللي تطق فستان بالالاف عشان ساعتين والزوج ماراح يشوف هالفستان )

وانا انصح كل شاب يرغب بالزواج أن ياخذ معه 20 الف ريال فقط , فإن قبلوا وإلا يشوف غيرهم ..
البنات مالين البيوت

[الجمان]

بصراحة انا ماشفت اللي انت شايف

انا اشوف ان الاهل يزيدون المهر ماياخذون منه


,,
تقبل مروري ,,,

[مـغـتـرب]

مهرها لها

لو تبي تحرقه

المهر مب لأجل انهم يجهزونها لك بهالفلوس
المهر تأخذه هي وتتصرف فيه حيث تشاء

[مايصح إلا الصحيح]

اقتباس المشاركة الأساسية كتبها الجمان بصراحة انا ماشفت اللي انت شايف انا اشوف ان الاهل يزيدون المهر ماياخذون منه ,, تقبل مروري ,,,

صحيح كلامك ، وخاصة إذا كانت القاعة على أهل البنت

ولا أعتقد إن فيه بنت الآن توزع مهرها لأن كل شيء صار غالي مو زي أول

[الصباخ]

يارجال الدنيا صارت غاليه الحين وكلن بلشن بروحه، البنت زين إن قدرت تشتري أغراضه الخاصه.
شلون عاد أنت تقول إنه توزعه على إخوانه وأهله ، عاد لا وزعت وش يبي يبقى له بعد التوزيع؟؟

[•°انكسار الأماني°•]

عساك ماتكلفت أجل 35 ألف ريال

وتبيها تشتري كل شيء ؟؟

كيف الحال أقول ..


* حقك على زوجتك تشتري لك ساعة هدية وأحمد ربك تراه مجاملة .

* لعلمك الأهل الله يخليهم يغطون نقص فلوسكم لذا أدعوا لهم .

.

[تيجان]

اخي احمد ربك انت دافع 35 الف وعندنا 70 الف والقصر عليه والطقاقات والعشاء ذبايح 10 وحاشي والبوفيه والبخور والشبكه وشهر العسل وسيارة لبوها ولا يشتكون ابد
اما جهازها قليل او كثير عيب عليك تفكر بمبلغ طلع من جيبك لوحدة بتعيش معك الحياة الله لايفرقكم
والرجال كريم يكون
اهم شي يسعد زوجته
لنها اذا سعدتها بتشغل صوبعها 10 شمع على قولت المصاريه
واخيرا الله يرزقك ويوفقك معها
ابتسم الحياة فيها اشياء كثيرة تستحق الاهتمام
اكثر من مبلغ راح

[ابتهاج]

35 وش بتسوي هالوقت انا كان مهري 45 والله طار وبعدين الحين الاسعار غاليه والذهب ناااااار يعني الطقمين اللي شرتهم مرتك اتوقع انهم ب15الف اذا كانو ثقال والكم لبسه اتوقع بملاه اذا كانت ماركه لان اكيد عروس وبتكشخ ثمن كل هذا حقه ومالك فيه حق صح انه المفروض يكفيه ع الاقل لسنه بعد الزواج بس لوطلبت فهمها وترى عيب الرجال يسال مرته وش سسوت بالمهر تعطي ابوها تعطي اخوانه تحرقه تحطه بالبنك هي حررره!!

[أبوسياف]

امركم غريب كلكم ناقشتو الموضوع من دون ماتفهمونه الرجال قصده وين حقي من التكشخ واللبس والقصد انها تشتري لها لبس وغيره حتى ماتقعد اللبسه عليه اسبوع فهمتو قصده زين وهذا الواقع اللي حاصل الان البنت تفسفس مهرها فسفسه وتتجهز بشي بسيط ولاجت عند زوجها شهرين بالكثير وتبي السوق والا الرجال ماقصد انه تشتريله من مهرها لا لكنه يبي يشوف البنت تحفه تملى عينه وباليوم تلبس اكثر من لبسه تقبلو مروري