[ليااالي]

أخيتي باسمــه..
يسرني أن أبعث لك هذه الكلمات التي
عبّر بها قلبي بمــايحمل لك من ودّ وتقديــر
ومعبرا عن مدى بهجته بوجودك بين طاقمنا في مدرستنا الغاليه...



ودي أصيح من الفرح ومن الفرح ودي أطير
عجرت أعبر عن مشاعر داخلي متبعثره

يمكن أعيش بصمت لحظة فرحتي لما تصير
واللي سكوته يحكمه لاجاء الفرح مايقدره

اللي قدرت أترجمه عن فرحتي شي يسير
يمكن دموع العين لاهلت ترى هي الثمرة

واللي يلوم بفرحتي ماأظن في قدرك خبير
ياباسمه قدرك بقلبي يشهد الله مااكبره

ترى وجودك بيننا ياباسمه يعني الكثير
حبك وقدرك يالغلا بقلوبنا ماننكره

صار المكان بطلتك يالغالية ينفح عبير
تدرين لاغبتي وربي مانطيقه ننظره


أنتي حلاة المدرسة لو نفقدك طعمه مرير
أنتي وهايب ربنا وفرض علينا نشكره

لو نخسر الدنيا ونكسب طلتك يحيا المصير
اللي بوجودك نخسره ماهمنا لو نخسره

التضحية اللي بذلتي يالغلا ماله نظير
وقعه عظيم ماقدرنا باللسان نعبره

ترى حلاة التضحية لاصارت بيوم عسير
ولاجت من أغلى الناس تبقى بالقلوب مقدره

الله يحظك يالغلا ويفتح بوجهك كل خير
ويجعل حياتك بالمسره والهناء مستبشره

والله يعوضك بوظيفه شانها بقلبك كبير
ويحقق أحلامك وعمرك بالسعادة يغمره

ياباسمه مهما أقول الخاطر بمدحك كسير
ياليت شعري لانظمته في وصوفك يجبره

المعذره ياللي غلاك بخافقي حظه وفير
المعذره مهما أقول ياباسمه مقصره