روايه نوره جدتها الزاحفه ,,ههههههه لا تفوتكم

رهآم · 14-02-2011, 04:34 PM

نوره وجدتها الزاحفه..

الجزء الأول
وأتركمـ مع نوير تحكي لكم القصصه

//

جدتي ياجدتي ياجدتي

هذي جدتي صيته فاكهة البيت< غصبتني امدحها

جدتي صيته طال عمركم عمرها وشسمه الظاهر 90 المهم ان العداد فطس وهي لهاالحين حيه

جدتي هذي مأذيتنني وذا ماغير تسرق نعالي

ولسانها اللهم ياكافي خلوني ساكته احسن

وذبحتني بالقهوه ماغير دله رايحه ودله جايه

حتى اني في عرس اختي ماخذتلها صوره مع دلتها<المفروض تاخذها مع العروس بس جدتي الله يهديها

وبعد وشسمه لاشفتني على الابتوب نشبتلي هذا وش هو يهرج معتس طيب علامه مايكل ومايشرب مثلنا يوم انه يهرج

المهم ان هالجده هبلت فيني

انا عطيتكم مقدمه عن جدتي
وماعرفتكم علي
انا نوره عمري 20سنه تخرجت من الثانوي وجلست بالبيت لأن نسبتي تفشل مادخلك حتى قسم فراش

عندي أخت اصغر مني بسنتين
اسمها هيا اقرب وحده لي

وعندي أخت اكبر مني اسمها حصه عمرها 36 سنه متزوجه وعندها ولد وبنت

وأخوي الطيب الحنون الي مايناديني الا بانواع الدلع

يعني مثلآ لاكان رايق يناديني بسحيله ام الخلاقيين

هذا اخوي اسمه فارس

متوظف طبعا ومزيون البنات يتحاذفن عليه من كل جهه

**************

اتركم عاد انا بروح لامي تناديني واذا شفتو امي تبوسني غيرو القناه لو سمحتو

امي: نوير ياجعلتس ماتعرسين
انا: هاآآآه وش تبين وانتي ماغير تدعين على ماأعرس وتقولين انتي ورى ماجاتس خطيب ولاحد طق الباب يبيتس
من دعاويتس الله يحفظك

امي وهي وشسمه منزله نعلتها ومسكتها بيدها اليمين : مواعينتس ليش ماغسلتيها للحين

انا:وش رايكم اتوظف خدامه عندكم مو احسن هالحين المواعين بتطير خلاص بروح انظفها الحين

امي وتحذف النعله بالأرض ومير تلبسها: يالله يالله غسليها وسويلنا دلة قهوه

وانا اصرخ على امي: خير مافيه الا انا بالبيت وينها هذي بنتس المصون هيا ماتجي تساعدني

هيا وهي تطل من الدرج: انا عندي أختبار تحسبيني مثلتس فاضيه

امي: ايه يابنيتي روحي ذاكري شدي حيلك وجيبي نسبه تبيض الوجه مومثل بعض ناس

انا:خير خير من تقصدين هذا وانا ماني مقصره معكم

<<وقمت ابتسي واقول

ياربي انا ماحد يحبني مالت عليكم وعلى من يقعد في هالبيت

المهم اني رحت للمطبخ اغسل هالمواعين
واسمع عصاة جدتي جايتن للمطبخ
وجايبه خويها معها << الدله

مير واجي ورى الباب يوم دخلت وانا اخرعها
ذا وهي تصمخني بالدله
انا: يااااجده والله ماينمزح معتس

جدتي: انتي من
انا: انا خيريه بنت حسب الله
جدتي: والله والنعم فيتس

انا: والنعم بحالتس جده شكلي بفقد عقلي والسبه انتي

جدتي: اجل انتي فيتس عقل

انا: لحظه جده تراني من اصبحت وانا اهانه ورى اهانه تجيني

جدتي: انتي نوره مير جابتس الله دوتس سويلي قهوه
انا: استغفرالله الظاهر مكتوب على جبهتي عامل قهوه
الله يصبرني

المهم قعدت اغسل مواعيني واغني بصوت عالي وانا رافعه قميصي لنص ساقي ومتحمسه + مندمجه
الا والتلفون يرن

عاد انطلقت له ورديت وانا الهث

انا: الو
المتصل: السلام عليكم
انا:وعليكم السلام

المتصل: انتي
انا:وش دخلك
المتصل:الباب

انا:لحظه خلني اتغصب الضحك هاهاها

المتصل :صاحيه انتي

انا: سنة عيص ميص ماني صاحيه
المتصل:هههههههه اقول امتس وين بس
انا:بالحمام وش تبي

المتصل:طيب قوليلها ان ناصر اتصل
اناا:نعرف واحد بهالأسم على العموم دق بعد يومين يمكن نتذكرك
ناصر:انتي متأكده انتس صاحيه
انا:الحمدالله والشكر وش رايك اجل نايمه والي يكلمك من يالخبل

ناصر:ههههههههههههههههههههههههههههههههههههههههههههه

ملاحظه وياليت ماتدققون واجد بهاالملاحظه: تقطعت يوم سمعت ضحكته

امي: يآآآآآآآوه انتي من تكلمين يا.....طوط تم التشفير حفاظا على سمعت المنتدى

انا: تعوذي من ابليس واتفلي عليه يايمه هذا واحد ناصيتس انتي

امي وتورد خدودها: هو من

انا: ياخراشي ياخراشي وش عندها نانسي وردت خديداتها

من قلت هالكلمه مادريت الا نعلتها في جبهتي

وحطيت رجلي للحوش والقى جدتي منبطحه عند دلتها الفنجال ورى الفنجال

انا: مسيتي بالخير ياأم خلف
جدتي مسيتي بالنور والسرور اقلطي اقلطي ياالله حيها تو مانور المكان
انا:الله مير يسلمتس والله مستعجله وراي شغل ماخلصته

جدتي: العمر يخلص والشغل مايخلص حلفت عليتس فنجال واحد بس
انا:انتي والله مافاصل مختس غيرهالفنجال

واسمع صوت امي جايه
وانا اطمر ورى جدتي: انا ناخيتس ياأم خلف انتس تفكيني من هالمبليه

وجدتي أتحمس وتحذف الفنجال ويروح الفنجال ستين قطعه بالحوش: انا بنت ابوي والله ماتمس شعره من راستس
انا:كفووو والله

ومير تجي امي شايشه مدري وش قايلها الزفت ناصر

امي: انتي انتي يومنتس مستلمه الرجال بلسانتس انتي ماتستحين
جدتي وهي تمد عصاتها:وخري هنا لاخلي هالعصى ترقص على ظهرتس
انا:وقصم بالله اني بس هذا قلت هذا

امي: ايه تلعثمي تلعثمي يالي ماتستحين فضحتيني جعلتس ماتربحين

انا:انتي وش حقه معصبه ومنهو هذا

جدتي: نوره وش جايبتس وراي
انا:تكفين لا مو وقته تشبكين هالحين

امي:هذا ولد عمك الحين معاد هو خاطب منا ابد والسبب السانتس

انا: ولد عمي وخير ياطير لايخطب بالطقاق ,,

اصلاً انا قاعده على تسبدتس مافيه زواج لاتحاولين نيهاهاهااااي

المهم ان امي ماخلت كلمه حلوه ماقالتها لي << اي اي هين

//

ابغى ردوود علشان اكملها اذا اعجبتكم << =)

مآيهزهآ إلا عزهآ · 14-02-2011, 08:02 PM

يعطيك العآفية رهآآم
(كملي)..

..وديــان.." · 14-02-2011, 09:17 PM

ههههه رهيبه هالنوره

كملي تحمست

عززز الخامسه عشر · 14-02-2011, 10:46 PM

تككككفين بسرعه كمليييييها >> تتشرط
لا بجدد تحمست اقوى شي

واللله انتس تسذا

وﭐقعےحلم نبضہ‘إستحالہ · 16-02-2011, 01:51 AM

ะ

كمممممممممممممملي ي حبيل قلبتس
تحممممست اقوى ششيء

وش يبي داق ناصر بصصصرعه قوليلنا

لا تتتأخرين هاه

هــيـبـتـي بـعـثـرتهم · 16-02-2011, 03:07 AM

يعطيك العافيه..

بإنتظاركـ

......

رحاب جده · 16-02-2011, 09:14 AM

كممممممملي

أنشودة المطــــر؛؛ · 16-02-2011, 08:51 PM

ههههههههههههههههههه هه
تفحححيييييييييط هالنوير

كملــــــــــــــي رهوووم بلييييز ...
بإنتظــــــــآآإركـ ..!

ξــزتــےِ مَالهَـآ כــد · 17-02-2011, 12:33 AM

هههههههههه دوران
هع
كملي

الماسة ستي · 17-02-2011, 01:35 AM

ههههههههههههههههههههههههههههه
خطيره اسلوب شيق ومرح جدا .......................

ننتظر البقيه

أطوي جروحي بضحكتي · 17-02-2011, 02:07 AM

يالله كملي ..........

.................أمــــــــــــا ..........جدتس ياهي موسعه الصدر

عززز الخامسه عشر · 17-02-2011, 04:54 AM

بتكملين ولا شلوووووون<<< تسني بديت اعصب

أوتار سرمدية · 17-02-2011, 11:48 AM

في أنتظارك رهام

خناجر الفراق · 18-02-2011, 12:27 AM

تكفييييييييييييييييييييييييييييييييييييييييييييييي ييييييييييييييين كملي تحمست وايييييييييييييييييييييييييييييييييييييييييييييييي يد شسمه احس جدتك فيها انفصال بالشخصيه

14-02-2011, 04:34 PM	#1
رهآم عـضـو تاريخ التسجيل: Feb 2011 البلد: بريده المشاركات: 12	روايه نوره جدتها الزاحفه ,,ههههههه لا تفوتكم نوره وجدتها الزاحفه.. الجزء الأول وأتركمـ مع نوير تحكي لكم القصصه // جدتي ياجدتي ياجدتي هذي جدتي صيته فاكهة البيت< غصبتني امدحها جدتي صيته طال عمركم عمرها وشسمه الظاهر 90 المهم ان العداد فطس وهي لهاالحين حيه جدتي هذي مأذيتنني وذا ماغير تسرق نعالي ولسانها اللهم ياكافي خلوني ساكته احسن وذبحتني بالقهوه ماغير دله رايحه ودله جايه حتى اني في عرس اختي ماخذتلها صوره مع دلتها<المفروض تاخذها مع العروس بس جدتي الله يهديها وبعد وشسمه لاشفتني على الابتوب نشبتلي هذا وش هو يهرج معتس طيب علامه مايكل ومايشرب مثلنا يوم انه يهرج المهم ان هالجده هبلت فيني انا عطيتكم مقدمه عن جدتي وماعرفتكم علي انا نوره عمري 20سنه تخرجت من الثانوي وجلست بالبيت لأن نسبتي تفشل مادخلك حتى قسم فراش عندي أخت اصغر مني بسنتين اسمها هيا اقرب وحده لي وعندي أخت اكبر مني اسمها حصه عمرها 36 سنه متزوجه وعندها ولد وبنت وأخوي الطيب الحنون الي مايناديني الا بانواع الدلع يعني مثلآ لاكان رايق يناديني بسحيله ام الخلاقيين هذا اخوي اسمه فارس متوظف طبعا ومزيون البنات يتحاذفن عليه من كل جهه ************** اتركم عاد انا بروح لامي تناديني واذا شفتو امي تبوسني غيرو القناه لو سمحتو امي: نوير ياجعلتس ماتعرسين انا: هاآآآه وش تبين وانتي ماغير تدعين على ماأعرس وتقولين انتي ورى ماجاتس خطيب ولاحد طق الباب يبيتس من دعاويتس الله يحفظك امي وهي وشسمه منزله نعلتها ومسكتها بيدها اليمين : مواعينتس ليش ماغسلتيها للحين انا:وش رايكم اتوظف خدامه عندكم مو احسن هالحين المواعين بتطير خلاص بروح انظفها الحين امي وتحذف النعله بالأرض ومير تلبسها: يالله يالله غسليها وسويلنا دلة قهوه وانا اصرخ على امي: خير مافيه الا انا بالبيت وينها هذي بنتس المصون هيا ماتجي تساعدني هيا وهي تطل من الدرج: انا عندي أختبار تحسبيني مثلتس فاضيه امي: ايه يابنيتي روحي ذاكري شدي حيلك وجيبي نسبه تبيض الوجه مومثل بعض ناس انا:خير خير من تقصدين هذا وانا ماني مقصره معكم <<وقمت ابتسي واقول ياربي انا ماحد يحبني مالت عليكم وعلى من يقعد في هالبيت المهم اني رحت للمطبخ اغسل هالمواعين واسمع عصاة جدتي جايتن للمطبخ وجايبه خويها معها << الدله مير واجي ورى الباب يوم دخلت وانا اخرعها ذا وهي تصمخني بالدله انا: يااااجده والله ماينمزح معتس جدتي: انتي من انا: انا خيريه بنت حسب الله جدتي: والله والنعم فيتس انا: والنعم بحالتس جده شكلي بفقد عقلي والسبه انتي جدتي: اجل انتي فيتس عقل انا: لحظه جده تراني من اصبحت وانا اهانه ورى اهانه تجيني جدتي: انتي نوره مير جابتس الله دوتس سويلي قهوه انا: استغفرالله الظاهر مكتوب على جبهتي عامل قهوه الله يصبرني المهم قعدت اغسل مواعيني واغني بصوت عالي وانا رافعه قميصي لنص ساقي ومتحمسه + مندمجه الا والتلفون يرن عاد انطلقت له ورديت وانا الهث انا: الو المتصل: السلام عليكم انا:وعليكم السلام المتصل: انتي انا:وش دخلك المتصل:الباب انا:لحظه خلني اتغصب الضحك هاهاها المتصل :صاحيه انتي انا: سنة عيص ميص ماني صاحيه المتصل:هههههههه اقول امتس وين بس انا:بالحمام وش تبي المتصل:طيب قوليلها ان ناصر اتصل اناا:نعرف واحد بهالأسم على العموم دق بعد يومين يمكن نتذكرك ناصر:انتي متأكده انتس صاحيه انا:الحمدالله والشكر وش رايك اجل نايمه والي يكلمك من يالخبل ناصر:ههههههههههههههههههههههههههههههههههههههههههههه ملاحظه وياليت ماتدققون واجد بهاالملاحظه: تقطعت يوم سمعت ضحكته امي: يآآآآآآآوه انتي من تكلمين يا.....طوط تم التشفير حفاظا على سمعت المنتدى انا: تعوذي من ابليس واتفلي عليه يايمه هذا واحد ناصيتس انتي امي وتورد خدودها: هو من انا: ياخراشي ياخراشي وش عندها نانسي وردت خديداتها من قلت هالكلمه مادريت الا نعلتها في جبهتي وحطيت رجلي للحوش والقى جدتي منبطحه عند دلتها الفنجال ورى الفنجال انا: مسيتي بالخير ياأم خلف جدتي مسيتي بالنور والسرور اقلطي اقلطي ياالله حيها تو مانور المكان انا:الله مير يسلمتس والله مستعجله وراي شغل ماخلصته جدتي: العمر يخلص والشغل مايخلص حلفت عليتس فنجال واحد بس انا:انتي والله مافاصل مختس غيرهالفنجال واسمع صوت امي جايه وانا اطمر ورى جدتي: انا ناخيتس ياأم خلف انتس تفكيني من هالمبليه وجدتي أتحمس وتحذف الفنجال ويروح الفنجال ستين قطعه بالحوش: انا بنت ابوي والله ماتمس شعره من راستس انا:كفووو والله ومير تجي امي شايشه مدري وش قايلها الزفت ناصر امي: انتي انتي يومنتس مستلمه الرجال بلسانتس انتي ماتستحين جدتي وهي تمد عصاتها:وخري هنا لاخلي هالعصى ترقص على ظهرتس انا:وقصم بالله اني بس هذا قلت هذا امي: ايه تلعثمي تلعثمي يالي ماتستحين فضحتيني جعلتس ماتربحين انا:انتي وش حقه معصبه ومنهو هذا جدتي: نوره وش جايبتس وراي انا:تكفين لا مو وقته تشبكين هالحين امي:هذا ولد عمك الحين معاد هو خاطب منا ابد والسبب السانتس انا: ولد عمي وخير ياطير لايخطب بالطقاق ,, اصلاً انا قاعده على تسبدتس مافيه زواج لاتحاولين نيهاهاهااااي المهم ان امي ماخلت كلمه حلوه ماقالتها لي << اي اي هين // ابغى ردوود علشان اكملها اذا اعجبتكم << =) __________________ التوقيع مخالف .

14-02-2011, 08:02 PM	#2
مآيهزهآ إلا عزهآ عـضـو تاريخ التسجيل: Jan 2011 البلد: آآم المدن بريدة المشاركات: 65	يعطيك العآفية رهآآم (كملي).. __________________ الحياه تحب من يحبها .. والتعاطف أساس الأخلاق .. والصدق لغة التفاهم !

14-02-2011, 09:17 PM	#3
..وديــان.." عـضـو تاريخ التسجيل: Oct 2010 البلد: بريـــدة المشاركات: 314	ههههه رهيبه هالنوره كملي تحمست __________________ لا تأخــذ كـل الأمـوـور بجـدية .. .. .. وأجعـــل كل النــآأإأاآإس يعتقــدون أنــك تصــدق كــذباتهــم.. .. .. فأحيـــآأإآأاناً التسليــك "" يجعــل الحيــاة اسهــل :)

16-02-2011, 01:51 AM	#5
وﭐقعےحلم نبضہ‘إستحالہ عـضـو تاريخ التسجيل: Jan 2011 البلد: علے عـ’تبآإت ¸【السرآب】!! المشاركات: 95	ะ كمممممممممممممملي ي حبيل قلبتس تحممممست اقوى ششيء وش يبي داق ناصر بصصصرعه قوليلنا لا تتتأخرين هاه __________________ ...... .. .................. رغماآ عني يخنقني [ آلحنين ] لِـ أياآم لن ’ تعود !

16-02-2011, 03:07 AM	#6
هــيـبـتـي بـعـثـرتهم عـضـو تاريخ التسجيل: Dec 2010 البلد: ....الرياض..........ولــيتــني بـضـيـق بـطـنـك يــايــمـه....ولا طــلـعـت وضــاق بــي وســع هــــــــالــكــون.......!..!..!..!..!..! المشاركات: 680	يعطيك العافيه.. بإنتظاركـ ...... __________________ غـــريــبه هــذه الـعقـول الــتي تـصادفـنـي... بـعضهـم يـرانـي طـفـله...وبـعـضهـم يـرانـي فـتـاة نــاضـجـه.. وأخـرون يرون صـمـتي ضـعـفـاً..والأخـرون يرون فـي نـظراتـي جـبـروت قـوه.. أنـاغــرابـتـي أجـدها لـيس فـيـما يـرونـني فـيه... ...بــل...غـرابـتـي أجـدهـا بـأنـهـم... نـســـو..رغـم كـل ذلـك بأنـني أنـثـى ولـست كـأي أنـثـى... {{ أنـثـى صـح ,,, لـكـن عــن ألــف رجــل بــل أنـثـى تـجـمـع بـداخــلــهـا مـــايـنـقـص كــثـيـر مــن الــرجـــال }}!

14-02-2011, 10:46 PM	#4
عززز الخامسه عشر Registered User تاريخ التسجيل: Nov 2010 البلد: بتنا العزيز المشاركات: 211	تككككفين بسرعه كمليييييها >> تتشرط لا بجدد تحمست اقوى شي واللله انتس تسذا

16-02-2011, 09:14 AM	#7
رحاب جده Registered User تاريخ التسجيل: Feb 2011 البلد: حبيٌبتـُــي جِدهَ المشاركات: 24	كممممممملي

16-02-2011, 08:51 PM	#8
أنشودة المطــــر؛؛ عـضـو تاريخ التسجيل: Sep 2010 البلد: في الدار الممر المشاركات: 854	ههههههههههههههههههه هه تفحححيييييييييط هالنوير كملــــــــــــــي رهوووم بلييييز ... بإنتظــــــــآآإركـ ..! __________________ مآ هـــــــــــــــــو خطـآ .. / .. يـوم آتصـفّـح ولآ أرّد ..؟ مآ كل موضوع يكتب " يرضـي غـروري " ..! سهلـہ علـى لسـآنـي ..و صـعـبـہ على آليــدّ [ صح آلله لسَـآنـِڪْ ] ..... [ٺقبـّل مـروري]

17-02-2011, 12:33 AM	#9
ξــزتــےِ مَالهَـآ כــد عـضـو تاريخ التسجيل: Feb 2010 البلد: هٌنــــآك حيثُ أكونْ ~ المشاركات: 3,438	هههههههههه دوران هع كملي __________________ اليــوم ..! أنا هنا [] ولكــن ..! سيأتي يوم وأكون ؟ [] للأبـد ! للأبـــد !

17-02-2011, 01:35 AM	#10
الماسة ستي عـضـو تاريخ التسجيل: Jan 2008 المشاركات: 129	ههههههههههههههههههههههههههههه خطيره اسلوب شيق ومرح جدا ....................... ننتظر البقيه

17-02-2011, 02:07 AM	#11
أطوي جروحي بضحكتي عـضـو تاريخ التسجيل: Oct 2009 البلد: في أحضان من أحب المشاركات: 550	يالله كملي .......... .................أمــــــــــــا ..........جدتس ياهي موسعه الصدر

17-02-2011, 04:54 AM	#12
عززز الخامسه عشر Registered User تاريخ التسجيل: Nov 2010 البلد: بتنا العزيز المشاركات: 211	بتكملين ولا شلوووووون<<< تسني بديت اعصب

17-02-2011, 11:48 AM	#13
أوتار سرمدية عـضـو تاريخ التسجيل: Dec 2010 البلد: حَيْث الْأَمَل أَكُوْن !! المشاركات: 1,197	في أنتظارك رهام __________________ - يا شام ما حـسبت أني سأبكيكِ يومًا !

18-02-2011, 12:27 AM	#14
خناجر الفراق عـضـو تاريخ التسجيل: Dec 2008 البلد: في عيون الاحباب المشاركات: 83	تكفييييييييييييييييييييييييييييييييييييييييييييييي ييييييييييييييين كملي تحمست وايييييييييييييييييييييييييييييييييييييييييييييييي يد شسمه احس جدتك فيها انفصال بالشخصيه __________________ [POEM="font="Simplified Arabic,4,deeppink,bold,italic" bkcolor="purple" bkimage="" border="double,7,limegreen" type=2 line=0 align=center use=ex num="0,black""]انا عرفتك ...والسوالف تذكار تبقى على مر السنين بشعوركــ والقصة اللي اوقدت داخلي نار باكر تموت وتنتهي في حضوركـ [/POEM]