[ٳثمڍ فرζ]

يامرحباآآ فيمن حضر .,.

حبايبي حبيت أوضح أنه:

المقصود بصورتي __> يعني صورمن حياتي وانا يرقه >>لايجي أحد يقول تسذبين علينا

عقلت كلن يقول تغيرت .,.

ماعدت انا ..

عقب ماكبرت

صرت مره

اداري ابوي واكرمه .,

واحب راس امي والبي مطلبه..

احترم اخوي

وأمازح اختي,.

واكره شي ماطيقه المدرسه,.

عقب ماكبرت

صرت احب قعدة البيت,.

وحوسة التسبيع

وقولة ,.

يابنت زيني الغدا,,

وضفي العشا,,

عقب ماكبرت,

صارت لي كلمه تنسمع,.

ونصايح تتبع..

يشاوروني بلبسه..

وأجاوبهم ببسمه..

عقب ماكبرت,,\

صرت انثى.

تهتم بمكياجه ومظهره

وتشكل بعطره وملبسه.

وتفتخر بقولة كبرتي وصرتي مره



+
ومهما كبرت .,


ببقى احن..


لشوفة يديني المصغره

وخطوط حرفي المتعرجه.,

وشوشتي المبعثره,.

وعروستي ومواعيني المكسره,,.


وابقى احن.

لوقفتي بباب الشارع ..

ومحارش بنات الجيران والمصارع.,

ونهاية الهوشه صياح وبعده مافيه مانع


وببقى احن

لضرب امي لي,.

لأني حست غرفتها

وكسرت مرايتها

ولخبطت وجهي ببودرها


وابقى احن

لأول اسبوع دراسه

يوم الكل حولي يصيح يبغى امه..

وانا بعد ابيهابس ظليت واقفه

اكابر دمعتي عشان مااكون دلوعه.,

وألاقي الشماته


وبعد ببقى احن.,

لصفنا الطابور,.

وتماسكنا الشعور..

من يكون بالصف أول.,


وابقى احن.,

للعبنا القطار.

وحرامي الدار.

وأزعاجنا للمدرسه.,,

بورده مفتحه ومسكره.,


وببقى أحن,

لأمنيتي وانا صغيره.,

ألبس عبايه,.

وأصير كبيره


+

وهذآآآني كبرت ولبست العبايه وصاروا ينادوني بنت ومره بعد ماكنت بزرحلمهاا تكون كبيره .,

ادريبها السالفه كلها مجرد مطرسه .,

بس تراها هديه بمناسبة ان باتسر اآآقازه ومابهوش دراسه .,

سيلام .,