[ابو عـمر]

السلام عليكم ورحمة الله وبركاته

صبحكم الله بالخير ...

أمر مخزي جداً !!

اسراف وتبذير بمدرسة حكوميه !!

وتجيك وزارة الكهرب وتقولك : القرار بيدك :/

بما اني كنت اتجول في أحد الاحياء شمالاً .. ووجدت مدرسة يوم خميس لا دوامات ولا شي وآخر الليل المدرسة مشغل به كل لمبه بالمبنى !! ..

انا توقعت المدرسة ليليه ولا شي لانه مدرسة حكومية مهب معقوله تبي تخلي اللمبات كل هالساعات الطوال حتى ماتدري يمكن من امس مشغلات !!

وأكد احد زملاي انه مب ليليه وهو موجود بنفس الحي

وهذي الصور :-

بعيداً :-



قريباً :-






قال الله تعالى : (يا بني آدم خذوا زينتكم عند كل مسجد وكلوا واشربوا ولا تسرفوا إنه لا يحب المسرفين)

والسلام عليكم ورحمة الله وبركاته

[حساني الروماني1]

المدرسه بريان صح

[ابو عـمر]

اقتباس المشاركة الأساسية كتبها حساني الروماني1 المدرسه بريان صح

موضوعنا يتكلم عن اسراف المدرسة مب موقع المدرسة الله يهديك ذذ

والمدرسة فعلاً بالريان

[دفا.]

بليز خلونا من ذكر المدراس


يعني السالفه موهب تصيد اخطأ


بالفعل اخوي التاكيد على المدارس مهم للغايه
ولاتنسى الدوائر الحكومية


اكرر الابتعاد عن تصيد الاخطأ



شكرا مجددا

[%*%الحلوة%*%]

يمكن عمال النظافه يشتعلووون فيها

آؤ يصبغون الجدار أو ...

ماإأتوووقع انهم قاصدين كل الليتأت مفتوحات

[صمت الجروووووووح]

الله يعين اكييييييييييييييييد ناسينهم

[ابو عـمر]

اقتباس المشاركة الأساسية كتبها %*%الحلوة%*% يمكن عمال النظافه يشتعلووون فيها آؤ يصبغون الجدار أو ... ماإأتوووقع انهم قاصدين كل الليتأت مفتوحات

والله ياختي ..

المدرسة ماحوله سيارة عمّال ولا شي ..

وهم يبي يصبغون كل الفصول والغرف بوقت واحد

ومن متى اولاه الحكومه تصبغ الجدران هههههههههههههههههههههه صرنا ماندري لون الجدار ازرق ولا اخضر من كثر الكتابه

[نمله متحنيه]

والله كنت ابكتب موضوع عن مدرسة ابن كثير وسبقتن
ماعمري مريت من عنده الا وانواره كله مشغله.

[القنزهـ]

فعـلا .. اسراف واضح .. والتصوير واضح ايضا ..

انا اشكرك اولا طال عمرك ..

ثاني شي :

مهب اول مدرسه يخلون انواره مولعه تالي الليل ..

لاني بتله اشوف مدارس العشاء والمغرب والكبوس ولمبآت الفصول مولعات من بعيد ..

اتوقع انه يجب ان يحذرون العمال والحراس وينبهونهم على هالشي ..

بارك الله فيك ..

[ام القمرين1]

الله يجزااااك خير

فعلا ونعم المواطن انت

[Sense Designs]

السلام عليكم

..( اتوقع والعلم عند الله .. انو المدارس بعض الأنوار شغالات ..

السبب كثرة سرقة المدارس من شان كذا يخلونهم مشتغلات لو يدخل احد يطيحون فيه ..

يمكن ..

[بنت قماشه]

عن الجن وانا اختك ,

[مجرد ذكرى]

لاجديد هذي المدارس والأسراف

أنا مدرستي يوم الاربعاء بالليل مريت من عنده مشغله الأنوار والمشكلة الي مشغل فصل مايدخل أبد ليه متروك مدري



ولا أزيدك من الشعر بيت
كنا نرتب قاعه تخت لحفل لبكرا وأنتهى الدوام نبي نسكر كل شي وتجي معلمتنا قالت لاتسكرون المكيفات خلوهن لين بكرا أبرد لنا

والله لو أحلف بيته حتى مرواح الشفط تتأكد منهن أنهن مسكرات

[كراث بخبز همبرقر]

اغلب مدارس الاولادكذا والله انه قهر امر من عند المدرسه كل اللمبات مفتوحه احنا مدرستنا مانطلع الا كل شي مغلق هذا مسولية المناوبه وبعد ننبه الطالبات انهم مايطلعون الاوهم مغلقين كل شي من زود الحرص تدخل المناوبه وتطفي اللمبات وباقي 10دقايق مانتهت الحصة المفروض ان مدير المدرسه بنبه المعلمين ان كل واحد يطلع من الفصل يسكر اللمبات والمكيفات ويسون توعيه للطلاب انا من كثر الحرص صرت مدمنه على تطفية اللمبات حتى بالبيت وبعد لاتنسون يجب اغلاق صنابير الماء لان بعض الطلاب يتركه مفتوحه