[ممدوح الطرس]

السلام عليكم ورحمة الله وبركاته

ياجماعة حبيت انبهكم عن الشارع اللي شرق مسجد الونيان تراهم حاطين مطب صناعي ولا اي مطب الصراحه يحول اللي يضربه جيب او غيره ولا ادري وشوله كل كبر هذا .

وهذ حافته والله انه وجعه اللي يضربه بالراس



وهذا جيب متربع فوق المطب لكن شوفو الجيب تراه الى الحين لم ينتصف في المطب




ولكم تحياتي

[رمز المحبة]

هذا مطب ورصيف للمشاه 2×1

[ولدالخليج]

والله مو جبال والله جريمه من الجريم الكبيره

[أعتز بعقيدتي]

الله لايوفق من حطه

[ابو عـمر]

عجزت افهم يعني المطب ماعجبك شكله .. ولا لونه .. ولا وشو

مافيه غلط ابد .. الغلط انتم مايعجبكم شي ..

ان تركو الجنوب قالو وراه الجنوب متيهينه يوم سوو لكم بديتو تنتقدون

[Leader.20]

*


أيضاً يوجد نسخه من هذه الجبال في حي مشعل وحافت المطب سواءً مسرع أو تمشي شوي شوي

قسم بالله تحس بالضربه براسك من شين المطب

الحين الشركة اللي زينت المطب هذا عساهم للشلل ما يعرفون !

ليش ما يزينون مطبات مثل هذولي لكن زي اللي بشارع التحلية بالرياض ما يحتاج مهندسين ولا غيره ترى هو عبارة عن بلاط

آآآآآه بس قسم بالله أنهم مالقوا أحد يعاقبهم ويوريهم النجوم بعز القايلة

*

[GaLi aLaThMaN]

ول عليه من مطب
ابو عبدالله احس انك شابكن الدبل وانت ترقى الرصيف ..

يعطيك العافيه يالغالي

[الهدرز]

شوارع بريدة كله جفر وحفر تقل مطينه احفر ادفن ويذا جاء يزفلت يحط جبل . الفساد الأداري يلعب لعب

[اخو دريحم]

صباحا اكلناه

[محمد الرايق]

شكلهم بلشين بالمطبات

[حساني الروماني1]

الحمد لله انهم حطوه

[(زورق الايمان)]

اقتباس المشاركة الأساسية كتبها أعتز بعقيدتي الله لايوفق من حطه

لو ولدك مسجل في حلقة مسجد الونيان كان قلت خير ماسوى
انت لو تشوف كيف يطلعون العيال وتشوف الشباب طيرين

كانت قلت اوله على مطب

[عبدالكريم بن عبدالله]

والله يانطة هالمطب بالراس الصز ياكثر من دعى على اللي حاطه بعد ههههههههه

[(زورق الايمان)]

اقتباس المشاركة الأساسية كتبها Leader.20 * أيضاً يوجد نسخه من هذه الجبال في حي مشعل وحافت المطب سواءً مسرع أو تمشي شوي شوي قسم بالله تحس بالضربه براسك من شين المطب الحين الشركة اللي زينت المطب هذا عساهم للشلل ما يعرفون ! ليش ما يزينون مطبات مثل هذولي لكن زي اللي بشارع التحلية بالرياض ما يحتاج مهندسين ولا غيره ترى هو عبارة عن بلاط آآآآآه بس قسم بالله أنهم مالقوا أحد يعاقبهم ويوريهم النجوم بعز القايلة *

انا ليل نهار ادعي ربي انهم يحطون مطب الشارع هذا من اخطر الشوارع في حي الخليج

يقوله ولدي

بعدين حطينه مهب اخراص علشان المساكين الصغيرين اليطلعون من الحلقه